ສະຫະຣັຖ ຣາຍງານ ການລະເມີດ ສິດທິມະນຸສ, ລວມທັງລາວ

ທະຍຸເອເຊຍເສລີ: 14 ເມສາ 2022

ທ່ານ ສົມບັດ ສົມພອນ ນັກພັທນາຊຸມຊົນອາວຸໂສລາວ, ໄດ້ຮັບລາງວັນ ແມັກໄຊໄຊ ປີ 2005 ຖືກຫາຍສາບສູນ ໃນປີ 2012 ຈົນຮອດປັຈຈຸບັນ.

ໃນ​ວັນ​ທີ 12 ເມ​ສາ ທີ່​ຜ່ານ​ມາ, ກະ​ຊວງ​ການ​ຕ່າງ​ປະ​ເທດ​ ສະ​ຫະ​ຣັ​ຖ​ອາ​ເມ​ຣິ​ກາ ໄດ້​ອອກ​ບົດ​ຣາຍ​ງານກ່ຽວ​ກັບ​ສິດ​ທິ​ມະ​ນຸ​ສ ປະ​ຈຳ​ປີ2021.

ເນື້ອ​ໃນ​ບົດ​ຣາຍ​ງານ ເວົ້າ​ເຖິງ​ບັນ​ຫາ ການ​ລະ​ເມີດ​ສິດ​ທິ​ມະ​ນຸສ ຂອງ​ແຕ່​ລະ​ປະ​ເທດ​ໃນ​ໂລກ ທັງ​ໝົດ 198 ປະ​ເທດ ລວມ​ທັງ ເຂດ​ປົກ​ຄອງ​ຕົນ​ເອງ.

ບົດ​ຣາຍ​ງານ​ສິດ​ທິ​ມະ​ນຸ​ສ ໄດ້​ຍົກ​ໃຫ້​ເຫັນ​ເຖິງບັນ​ຫາ​ສິດ​ທິ​ມະ​ນຸສ ແລະ ປະ​ຊາ​ທິ​ປະ​ໄຕ ຖືກ​ຄຸກ​ຄາມ ຢູ່​ປະ​ເທດ​ຕ່າງໆ ໂດຍ​ສະ​ເພາະ​ ເຈົ້າ​ໜ້າທີ່ຣັ​ຖ​ ​ໄດ້​ກັກ​ຂັງ​ປະ​ຊາ​ຊົນ​ແບບບໍ່​ເປັນ​ທັມ, ທໍ​ຣະ​ມານ, ຫຼື ສັງ​ຫານ​ນັກ​ການ​ເມືອງ​ຝ່າຍ​ຄ້ານ, ນັກ​ເຄື່ອນ​ໄຫວ, ນັກ​ປົກ​ປ້ອງ​ສິດ​ທິ​ມະ​ນຸ​ສ ຫຼື ນັກ​ຂ່າວ.

ການ​ຖ​ແລງ​ຂ່າວ ວັນ​ທີ 12 ເມ​ສາ 2022 ທີ່​ຜ່ານ​ມາ, ​ເຈົ້າ​ໜ້າ​ທີ່​ລະ​ດັບ​ສູງ ຂອງກະ​ຊວງ​ການ​ຕ່າງ​ປະ​ເທດ ສະ​ຫະ​ຣັ​ຖ​ອາ​ເມ​ຣິ​ກາ ຂອງນຶ່ງ​ໃນ​ປະ​ເດັນ ​ການ​ລະ​ເມີດ​ສິດ​ທິ​ມະ​ນຸສ ທີ່​ກະ​ຊວງ​ການ​ຕ່າງ​ປະ​ເທດ​ ສະ​ຫະ​ຣັ​ຖ​ອາ​ເມ​ຣິ​ກາ ໃຫ້​ຄວາມ​ສຳ​ຄັນ ກໍ​ຄື ຣັສ​ເຊັຽ​​ເຂົ້າມາ​ເຮັດ​ສົງ​ຄາມ​ ໃນ​ປະ​ເທດຢູ​ເຄຣນນັ້ນ ​ນຳ​ໄປ​ສູ່​ການ​ລະ​ເມີດ​ສິດ​ທິ​ມະ​ນຸ​ສ.

ທ່ານ ແອນໂທນີ ບລິງເຄນ (Anthony J. Blinken) ຣັ​ຖ​ມົນ​ຕ​ຣີ​ຕ່າງ​ປະ​ເທດ ​ສະ​ຫະ​ຣັ​ຖ​ອາ​ເມ​ຣິ​ກາ ໄດ້​ຖ​ແລ​ງ​ຕໍ່​ສື່ມວນ​ຊົນ ໃນ​ວັນ​ທີ12 ເມ​ສາ 2022 ຕອນ​ນຶ່ງວ່າ:

ຣັສ​ເຊັຽມາ​ເຮັດ​ສົງ​ຄາມ​ໂຫດໃນ​ຢູ​ເຄຣນ ນັ້ນ​ຄື​ຄວາມ​ຈິງ ໂດຍ​ສະ​ເພາະ​ໃນ​ຫຼາຍ​ອາ​ທິດ​ມານີ້​, ຍ້ອນ​ວ່າ ທະ​ຫານ​ຣັ​ສ​ເຊັຽ​ຖືກ​ຜັກ​ດັນ​ໃຫ້​ຖອຍ​ອອກ​ຈາກ​ຕົວ​ເມືອງ ທີ່​ເຄີຍ​ຢຶດ​ຄອງ ຫຼື ປິດ​ລ້ອມ,  ຫຼັກ​ຖານຄວາມ​​ປ່າ​ເຖື່ອນ​ ກໍ​ປະ​ກົດ​ໃຫ້​ເຫັນ. ສິ່ງ​ທີ່​ພວກ​ເຮົາ​ເຫັນ ຈົນ​ຕົກ​ໃຈກໍ​ຄື ສົບ​ຄົນ​ເສັຽ​ຊີ​ວິດ, ມີ​ການ​ມັດ​ມື, ຢູ່ຖ​ນົນ, ຢູ່ໂຮງ​ລະ​ຄອນ ແລະ ສ​ຖານ​ນີ​ຣົ​ຖ​ໄຟ, ​ຕຶກ​ອາ​ຄານທີ່​ພັງ​ລົງ​ມາ ທີ່ມີ​ພົ​ລ​ເຮືອນຕິດຢູ່​ໃນ​ນັ້ນ. ພວກ​ເຮົາ​ໄດ້ຍິນ​ຄຳໃຫ້​ການ ຈ​າກ​ແມ່​ຍິງ ແລະ ເດັກ​ຍິງ ທີ່​ຖືກ​​ຂົ່ມ​ຂືນ ແລະ ໄດ້​ຍິນວ່າ ມີການ​ປິດ​ລ້ອມ​ພົ​ລ​ເຮືອນ​ໃຫ້ໜາວ​ຕາຍ.”  Continue reading “ສະຫະຣັຖ ຣາຍງານ ການລະເມີດ ສິດທິມະນຸສ, ລວມທັງລາວ”

ສາກົນຮຽກຮ້ອງ ຣັຖບາລລາວ ໃຫ້ປັບປຸງ ນັບຖື ສິດທິມະນຸດ

ວິທະຍຸເອເຊຍເສລີ: 18 ມິຖຸນາ 2021

ໃນໄລຍະ ທ້າຍປີ 2019, ສປຊ ໄດ້ສົ່ງ ເອກກະສານ ໃຫ້ ທາງການ ລາວ-ໄທຍ ຊີ້ແຈງເພີ່ມຕື່ມ ໃນການຫາຍສາບສູນ ຂອງ ທ້າວ ອອດ ໄຊຍະວົງ.

ສະຫະພັນສິດທິມະນຸດສາກົນ ຫລື FIDH ທີ່ມີສໍານັກງານປະຈໍາຢູ່ ຫຼາຍປະເທດໃນທົ່ວໂລກ ໄດ້ຮຽກ ຮ້ອງໃຫ້ສະຫະພາບຢູໂຣບ ກົດດັນຣັຖບາລລາວ ໃຫ້ແກ້ໄຂບັນຫາການຣະເມີດ ສິດທິມະນຸດໃນລາວ ໃນວາຣະກອງປະຊຸມທາງໄກ ກ່ຽວກັບສິດທິມະນຸດ ຄັ້ງທີ 10 ຣະຫວ່າງ ສະຫາພາບຢູໂຣບ ແລະ ສປປລາວ ໃນມື້ວັນທີ 16 ມິຖຸນາ ນີ້ ໂດຍສະເພາະບັນຫາ ການຣະເມີດສິດ ຂອງ ຜູ້ທີ່ ສະແດງຄວາມຄິດເຫັນ ຜ່ານສື່ສັງຄົມອອນລາຍ ເປັນຕົ້ນກໍຣະນີ ນາງຮວຍເຮືອງ ໄຊຍະບູຣີ ຫລື ນາງໝວຍ ແລະ ກໍຣະນີຄົນງານ ລາວ 3 ຄົນ ທີ່ກັບມາຈາກ ປະເທດໄທ ຄື ທ້າວສຸການ ໃຈທັດ, ທ້າວສົມພອນ ພິມມະສອນ ແລະ ນາງຫຼອດຄໍາ ທໍາມະວົງ ຊຶ່ງ ຖືກທາງການລາວ ກ່າວຫາວ່າ ໃສ່ຮ້າຍປ້າຍສີພັກ-ຣັຖ ແລະ ຖືກຈັບຂັງຄຸກຈົນມາ ເຖິງປັດຈຸບັນ.

ກ່ຽວກັບເຣື່ອງນີ້, ທ່ານ Andrea Giorgetta ຜູ້ອຳນວຍການ ສະຫະພັນສິດທິມະນຸດ ສາກົລ ປະຈຳຂົງເຂດເອເຊັຽ ກໍໄດ້ກ່າວຕໍ່ ວິທຍຸເອເຊັຽເສຣີ ຜ່ານທາງອີເມລ ວ່າ:

“ສະພາບ ຂອງສິດທິມະນຸດໃນລາວ ຍັງຖືວ່າຢູ່ໃນຣະດັບທີ່ຂີ້ຮ້າຍຢູ່ ແລະ ມີສັນຍານຫຼາຍຢ່າງວ່າ ຄະນະຜູ້ນຳຊຸດໃໝ່ ຂອງລາວ ຍັງຄົງຈະປະຕິບັດ ທຸກຢ່າງ ບໍ່ແຕກຕ່າງຈາກຄະນະ ຜູ້ນຳຊຸດທີ່ຜ່ານມາ ລວມທັງການສືບຕໍ່ ຈຳກັດຮັດແຄບ ພາກປະຊາສັງຄົມ. ບັນຫາການບັງຄັບ ໃຫ້ຫາຍສາບສູນ ຂອງ ທ່ານ ສົມບັດ ສົມພອນ ທີ່ຍັງບໍ່ຖືກແກ້ໄຂນັ້ນ ກໍຖືເປັນບັນຫາ ໃຫຍ່ອີກບັນຫານຶ່ງ ທີ່ຍັງໜ້າເປັນຫ່ວງ.” Continue reading “ສາກົນຮຽກຮ້ອງ ຣັຖບາລລາວ ໃຫ້ປັບປຸງ ນັບຖື ສິດທິມະນຸດ”

ສະຫະພາບຢູຣົບ ຄວນຈະຕ້ອງຮຽກຮ້ອງໃຫ້ທາງການສປປລາວ ແກ້ໃຂບັນຫາສິດທິມະນຸດ ເນື່ອງໃນໂອກາດພົບປະສົນທະນາລະຫວ່າງສອງຝ່າຍ

FIDH: 07 ມິນາ 2019

ສະຫະພາບຢູຣົບ ຄວນຈະຕ້ອງ ຮຽກຮ້ອງໃຫ້ທາງການ ສປປລາວ ປ່ອຍຕົວ ເຫຼົ່ານັກໂທດ ທີ່ຖືກຈັບ ຍ້ອນກ່າວຕ້ອງຕິລັຖບານ, ທຳການສືບສວນ ກໍຣະນີ ຫາຍສາບສູນແບບຖືກບັງຄັບ, ແລະ ຊົດເຊີຍ ບັນດາຜູ້ໄດ້ຮັບເຄາະ ຈາກການຍຶດທີ່ດິນ ແລະ ເຂື່ອນແຕກເມື່ອບໍ່ນານມານີ້, ນີ້ຄືຖແລງການຮ່ວມຂອງ ສະຫະພັນສາກົນປົກປ້ອງສິດທິມະນຸດ ແລະ ຂະບວນລາວເພື່ອສິດທິມະນຸດ(ຂລສມ) ເນື່ອງໃນໂອກາດ ກອງປະຊຸມ ຄັ້ງທີ9 ລະຫວ່າງສອງຝ່າຍ ໃນມື້ນີ້ ທີ່ເມືອງ ວຽງຈັນ.

ນອກຈາກນັ້ນ ທັງສອງອົງການ ຍັງໄດ້ ລາຍງານເຖິງ ສະຖານະພາບ ປະຈຸບັນ ດ້ານສິດທິມະນຸດ ໃນ ສປປລາວ ໃນລະຍະຫຼັງກອງປະຊຸມພົບພໍ້ລະຫວ່າງສອງຝ່າຍ ຄັ້ງຫຼ້າສຸດ ເມື່ອເດືອນມີນາ 2018 ທີ່ນະຄອນຫຼວງວຽງຈັນ. ລາຍງານດັ່ງກ່າວໄດ້ເວົ້າເຖິງບັນຫາ : 1/ ການຈັບຕົວໂດຍບໍ່ມີການສືບສວນ ; 2/ ການຫາຍສາບສູນ ແບບຖືກບັງຄັບ ; 3/ ການລ່ວງລະເມີດ ເສຣີພາບທາງດ້ານສາສນາ ຫຼືການ ເຊື່ອຖື ; 4/ ພັຍພິບັດ ຈາກເຄື່ອນ ເຊປ່ຽນເຊນໍ້ານ້ອຍແຕກ ; 5/ ສິດທິທີ່ດິນ.

‘’ເນື່ອງຈາກວ່າ ຂາດຄວາມ ຄືບໜ້າຢ່າງໜັກ ທາງດ້ານ ການເຄົາຣົບສິດທິມະນຸດ, ສະຫະພາບຢູຣົບ ຄວນຈະຕ້ອງ ຂື້ນສຽງແຮງກ່ອນເກົ່າຕໍ່ຝ່າຍສປປລາວ, ໂດຍຕ້ອງ ຮຽກທວງໃຫ້ສປປລາວ ໃຫ້ຄຳໝັ້ນສັນຍາຢ່າງແທ້ຈິງ ແລະ ພັກດັນ ໃຫ້ການໂອ້ລົມຄັ້ງນີ້ ເກີດໝາກຜົນ ເຊັ່ນ ໃຫ້ທາງການ ສປປລາວ ຮັບຮອງວ່າ ຈະປ່ອຍຕົວ ໂດຍ ຮີບດວ່ນ ແລະ ບໍ່ມີເງື່ອນໄຂ ທູກຄົນ ທິ່ຖືກຈັບກູມຄູມຂັງ ທາງການເມືອງ. ສະຫະພາບຢູຣົບ ບໍ່ຄວນຕົກຢູ່ໄນກົນໄກ ທີ່ປອ່ຍໃຫ້ ລັຖບານ ສປປ ລາວ ລູດລະດັບຄູນນະພາບ ຂອງ ກອງປະຊຸມ ສີດທິມະນູດນີ້ ໄຫ້ກາຍເປັນພິທິກັມ ທີ່ວ່າງເປົ່າ ແລະ ບໍ່ມີຄວາມໝາຍ ‘’ເດບີ ສະຕອດທາດ (Debbie Stothard) ເລຂາທິການ ເອກ ຂອງ ສະຫະພັນສາກົນປົກປ້ອງສິດທິມະນຸດ

ຍັງເຫຼືອນັກໂທດການເມືອງອີກຢ່າງນ້ອຍ 14ຄົນ ທີ່ຍັງຖືກກັກຂັງໃນສປປລາວ ; ໃນນັ້ນມີ ສົມພອນ ພິມມະສອນ, ສູການໃຈທັດ ແລະ ຫຼອດຄຳ ທັມມະວົງ, ຊຶ່ງທັງສາມ ຖືກໂທດຈຳຄຸກບໍ່ຕໍ່າກົ່ວ20ປີ ພາຍຫຼັງທີ່ໄດ້ກ່າວ ຕ້ອງຕິ ລັຖບານ ວ່າມີສ່ວນກ່ຽວໃນການ ສໍ້ຣາດບັງຫຼວງ, ໃນການຕັດໄມ້ເຖື່ອນ, ໃນການລ່ວງລະເມີດສິດທິມະນຸດ. ທ່ານບຸນທັນ ທັມມະວົງ ສັນຊາດ ໂປໂລນ( Pologne) ເຊື້ອຊາດລາວ ຖືກໂທດຈຳຄຸກ 4ປີ 9ເດືອນ ຍ້ອນກ່າວຕ້ອງຕິນະໂຍບາຍລັຖບານ ທາງສື່ສັງຄົມ Facebook. ຊາວບ້ານ ບ້ານເຢີບ ເມືອງທ່າແຕງ ແຂວງເຊກອງ ອີກ10ຄົນ ຖືກຈຳຄຸກ ນັບແຕ່ເດືອນກໍຣະກະດາ 2017 ມາເຖິງປັດຈຸບັນໂດຍບໍ່ມີການໄຕ່ສວນຄະດີ, ພາຍຫຼັງ ທີ່ໄດ້ຕັດຕົ້ນຢາງ ເພື່ອຄັດຄ້ານຕໍ່ການຍຶດທີ່ດິນ.

ສ່ວນກ່ຽວແກ່ ກໍຣະນີ ຫາຍສາບສູນແບບຖືກບັງຄັບ, ບໍ່ມີໃຜຊາບເຖິງຊາຕາກັມຂອງຜູ້ຫາຍສາບສູນອີກ 14ຄົນ. ໃນນັ້ນ ມີທ່ານ ສົມບັດ ສົມພອນ, ຜູ້ນຳຊື່ດັງ ຂອງອົງການປະຊາສັງຄົມ, ຫາຍສາບສູນ ເມື່ອເດືອນທັນວາ 2012. ນາງກິ່ງແກ້ວ ພົງເສລີ, ນາງ ສົມຈິດ, ທ້າວສຸບິນ, ສວນ, ສິງປະສົງ, ຄຳສອນ, ນູ, ສົມຄິດ ແລະ ສຸຣິຍາ ຖືກເຈົ້າໜ້າທີ່ຮັກສາຄວາມປອດພັຍຈັບຕົວ ເມື່ອເດືອນພຶສຈິກາ 2009. ທ່ານສົມພອນ ຂັນຕິສຸກ ເຈົ້າຂອງບໍຣິສັດທ່ອງທ່ຽວ ຖືກລັກພາຕົວໄປ ເມື່ອເດືອນ ມົກະຣາ 2017 ທີ່ ແຂວງຫຼວງນໍ້າທາ. ອີກຊາວໄທ 3ຄົນ, ອິດຕິພອນ ສຸກແພນ, ວຸດທິພົງ ກາຈະທັມມະກຸນ ແລະ ສຸຣະໄຊ ແດນວັຕະນະນຸສອນ, ຊຶ່ງລີ້ພັຍໃນສປປລາວ ພາຍຫຼັງໄດ້ກ່າວໂຈມຕີ ຣາຊບັນລັງໄທ ; ທັງສາມ ຫາຍສາບສູນ ໃນເດືອນມິຖຸນາ 2016, ເດືອນກໍລະກະດາ 2017 ແລະ ເດືອນທັນວາ 2018. ທາງການສປປລາວ ລົ້ມເຫຼວໃນການສືບສວນກໍຣະນີທັງໝົດເຫຼົ່ານີ້ຢ່າງແທ້ຈິງ ແລະທ່ຽງທັມ.

ເຫດການເຂື່ອນເຊປ່ຽນເຊນໍ້ານ້ອຍ ທີ່ແຂວງອັດຕະປື ແຕກເມື່ອເດືອນກໍຣະກະດາ 2018 ສໍ່ສະແດງໃຫ້ເຫັນເຖິງ ການບໍຣິຫານແບບຊັກຊ້າ, ຂາດປະສິດຕິພາບ ແລ ະຂາດຄວາມໂປ່ງໃສ ຂອງ ລັຖະບານ ສປປ ລາວ. ເຖິງແມ່ນວ່າ ຈະເປັນພັຍພິບັດອັນ ຮ້າຍແຮງ ມະຫາສານກໍຕາມ, ແຕ່ທາງການສປປລາວ ຊໍ້າຍັງຊອກຫາທາງ ຫຼຸດຈຳນວນ ຜູ້ເສັຽຊີວິດລົງ ພ້ອມຍັງ ກີດກັນບໍ່ໃຫ້ນັກຂ່າວອິດສະຣະ ເຂົ້າໄປໃນຂົງເຂດ ເພື່ອລາຍງານ ເຖິງເຫດການອີກ. ຈົນເຖິງທ້າຍເດືອນມົກະຣາ 2019, ທາງການລາວ ຈຶ່ງໄດ້ເຜີຍວ່າ ມີຜູ້ເສັຽຊີວິດແນ່ນອນ 49ຄົນ ແລະ ອີກ 22ຄົນ ຫາຍສາບສູນ. ເຖິງຢ່າງໃດກໍຕາມ, ຄນະນັກສັງເກດການ ແລະ ຊາວບ້ານ ເຊື່ອແນ່ວ່າ ຄົງຈະມີຜູ້ເສັຽຊີວິດຫຼາຍກົ່ວນີ້ ເພາະບໍ່ມີໃຜຊາບເຖິງຊາຕາກັມ ຂອງ ຊາວບ້ານ ອີກຈຳນວນຫຼາຍຮ້ອຍຄົນ.

ສ່ວນການຊ່ວຍເຫຼືອ ແລະ ການຊົດເຊີຍຄອບຄົວຜູ້ໄດ້ຮັບເຄາະ ກໍຍິ່ງບໍ່ສົມດຸນ. ນອກຈາກນັ້ນ, ເຖິງແມ່ນວ່າ ຈະມີຄນະສືບສວນເຖິງສອງຄນະຈາກທາງການກໍຕາມ, ແຕ່ແລ້ວ ກໍບໍ່ມີຂໍ້ມູນການປະເມີນເຖິງພັຍຄັ້ງນີ້ເລີຍ. ຍິ່ງໄປກົ່ວນັ້ນ, ຍັງມີລາຍງານທີ່ເຜີຍເຖິງ ການຂາດຄວາມໂປ່ງໃສ ແລະ ການກິນສິນບົນ ໃນຖັນແຖວ ເຈົ້າໜ້າທີ່ກ່ຽວຂ້ອງກັບການຊ່ວນເຫຼືອ, ໂດຍສະເພາະ ການປຸກເຮືອນຊົ່ວຄາວໃຫ້ຜູ້ລອດຕາຍ. ເຫດການ ເຂື່ອນແຕກຄັ້ງນີ້ ຊີ້ໃຫ້ເຫັນວ່າ ໂຄງການການລົງທຶນ ແລະ ໂຄງການການກໍ່ສ້າງຕ່າງໆ ສາມາດ ສົ່ງຜົນສະທ້ອນອັນໜັກໜ່ວງ ໃຫ້ແກ່ຊາວທ້ອງຖິ່ນ ທັງນີ້ກໍຍ້ອນວ່າ ລັຖບານຂາດຄວາມໂປ່ງໃສ ແລະ ຄວາມຮັບຜິດຊອບ.

‘’ເຂື່ອນ ເຊປ່ຽນເຊນໍ້ານ້ອຍ ແຕກ ສະແດງໃຫ້ເຫັນວ່າ ໂຄງການລົງທູນໄຫຍ່ໄນລາວ ມັກຈະສົ່ງຜົນຮ້າຍແຮງຕໍ່ຊູມຊົນທອ້ງທີ່ນ ເນື່ອງຈາກ ລັຖະບານ ຂາດ ຄວາມໂປ່ງໃສ ແລະ ຄວາມຮັບຜິດຊອບ. ສະຫະພາບຢູຣົບ ແລະ ກຸ່ມປະເທດພາຄີ ຄວນຈະຕ້ອງທົບທວນເບິ່ງຄືນໃໝ່ ເຖິງຂໍ້ເງື່ອນໃຂ ຂອງການຊ່ວຍ ແລະ ການລົງທຶນໃນສປປລາວ, ນອກຈາກວ່າ ສປປລາວ ຈະປະຕິຮູບລະບົບການປົກຄອງ ແລະ ກົດໝາຍໃໝ່’’ວະນິດາ ເທພສຸວັນ, ປະທານຂະບວນລາວເພື່ອສິດທິມະນຸດ

ນອກຈາກນັ້ນ, ກໍຍັງມີຄວາມວິຕົກກັງວົນ ຕໍ່ບັນຫາ ການຊົດເຊີຍ ຜູ້ຖືກຍຶດທີ່ດິນ ຈາກທາງເຈົ້າໜ້າທີ່ ເພື່ອສ້າງທາງລົດໄຟ ແຕ່ບໍ່ແຕນ ຫາ ວຽງຈັນ. ເມື່ອເດືອນພືສຈິກາ 2018 ທີ່ຜ່ານມາ, ໄດ້ມີລາຍງານວ່າ ທີ່ດິນເພື່ອສ້າງທາງລົດໄຟມີເຖິງ94%ແລ້ວ, ສ່ວນໂຄງການກໍໄດ້ດຳເນີນໄປເຖິງ 40%. ເຖິ່ງຢ່າງໃດກໍຕາມ, ຈົນມາເຖິງເດືອນມົກະຣາ 2019, ສອງປີຫຼັງຈາກໂຄງການໄດ້ເລີ້ມ, ຍັງມີຫລາຍຄອບຄົວ ໄນຈໍານວນ 4400 ຄອບຄົວ ທີ່ຍັງບໍ່ໄດ້ຮັບການຂົດເຊີຍເທື່ອ ສໍາລັບການສູນເສຍຂອງເຂົາເຈົ້າ, ທີ່ດິນຂອງເຂົາເຈົ້າ, ການດໍາລົງຊີວິດຂອງເຂົາເຈົ້າ ແລະ ລາຍໃດ້ຂອງເຂົາເຈົ້າ.

ສະຫະພາບເອີຣົບ ຄວນຮຽກຮ້ອງໃຫ້ທາງການ ສປປລາວຢຸດຕິນາບຂູ່ ອົງການຈັດຕັ້ງສັງຄົມ ພົລເຮືອນ ພ້ອມທັງປ່ອຍຕົວຜູ້ຖືກຈັບ ຍ້ອນຕ້ອງຕິລັຖະບານ

FIDH: 14 ມີນາ 2018

(ປາຣີ) ສະຫະພາບເອີຣົບ ຈະຕ້ອງຮຽກທວງໃຫ້ ທາງການ ສປປລາວ ປ່ອຍຕົວຜູ້ຖືກຈັບ ຍ້ອນຕ້ອງຕິລັຖະບານ,ແລະ ໃຫ້ ເອື້ອອຳນວຍໃຫ້ ອົງການສັງຄົມພົລເຮືອນ ປະຕິບັດງານ ໄດ້ຢ່າງເສຣີ ແລະ ດ້ວຍຄວາມປອດພັຍ,ນັ້ນຄື ຖແລງການ ຂອງ ອົງການ ຂອງ ສະຫະພັນ ສາກົນ ເພື່ອ ສິດທິ ມະນຸດ ແລະ ຂະບວນລາວ ເພື່ອ ສິດທິ ມະນຸດ.

ທັງສອງອົງການ ໄດ້ອອກ ຖແລງການຮ່ວມ ກ່ອນຫນ້າ ກອງປະຊຸມ ທາງດ້ານ ສິດທິມະນຸດ ຣະຫວ່າງ ສະຫະພາບ ເອີຣົບ ແລະ ສປປລາວ ຄັ້ງທີ ໘ ທີມີ ກຳນົດໄຂຂື້ນທີ່ ເມືອງ“ບຣຸກແຊນ ໃນວັນທີ ໑໕ ມີນາ ໒໐໑໘ນີ້. ໃນໂອກາດນີ້, ທັງສອງອົງການ ຍັງໄດ້ເຜີຍ ລາຍງານ ສະບັບໃໝ່ ກ່ຽວແກ່ ສະຖານະພາບ ດ້ານ ສິດທິມະນຸດ ໃນ ສປປລາວ ພາຍຫຼັງ ກອງປະຊຸມຄັ້ງຜ່ານມາ ເມື່ອ ເດືອນກຸມພາ ປີ ໒໐໑໗.

“ເຫດການ ທີເກີດຂື້ນ ເມື່ອບໍ່ນານ ໃນ ສປປລາວ ໄດ້ສແດງໃຫ້ເຫັນວ່າ ທາງການ ສປປລາວ ໄດ້ເພີ້ມທະວີ ບີບບັງຄັບ ຕໍ່ ອົງການສັງຄົມພົລເຮືອນ. ສະຫະພາບເອີຣົບ ຈື່ງ ບໍ່ຄວນ ຕົກຢູ່ໃນຄວາມ ງຽບສງັດ ໃນ ຂະນະ ທາງການ ສປປລາວ ມີຂໍ້ຈຳກັດ ຕໍ່ ອົງການຈັດຕັ້ງ ດ້ານປະຊາສັງຄົມ. ສຽງຂອງສະຫະພາບເອີຣົບ ໃນການປົກປ້ອງ ສິດທິມະນຸດ ແລະ ອົງການປະຊາສັງຄົມ ຈະຕ້ອງກອງດັງ ແລະ ຊັດເຈັນ ໃຫ້ຝ່າຍ ສປປລາວ ໄດ້ຍີນ ໃນການພົບພໍ້ຄັ້ງນີ້.’’ ຍເດບີ ສຕອຕຣາ (Debbie Stothard), ເລຂາທິການເອກ ສະຫະພັນ ສາກົນ ເພື່ອ ສິດທິມະນຸດ ໄດ້ກ່າວ

Continue reading “ສະຫະພາບເອີຣົບ ຄວນຮຽກຮ້ອງໃຫ້ທາງການ ສປປລາວຢຸດຕິນາບຂູ່ ອົງການຈັດຕັ້ງສັງຄົມ ພົລເຮືອນ ພ້ອມທັງປ່ອຍຕົວຜູ້ຖືກຈັບ ຍ້ອນຕ້ອງຕິລັຖະບານ”

ສະພາຢູໂຣບ ລົງມະຕິ ປະນາມ ຣັຖບາລລາວ

ວິທະຍຸເອເຊຍເສລີ: 19 ກັນຍາ 2017ສະພາຢູໂຣບ ອະທິບາຍ ໃນມື້ວັນທີ 14 ກັນຍາ 2017 ທີ່ເມືອງ ສະຕຣາສບວກ ປະເທສ ຝຣັ່ງເສດ ເຣຶ່ອງການລະເມີດ ສິດທິມະນຸດ ຢູ່ ປະເທສລາວ ແລະໄດ້ລົງມະຕິ ປະນາມ ຣັຖບາລ ສປປລາວ ແລະຮຽກຮ້ອງ ໃຫ້ປ່ອຍ ຄົນງານລາວ 3 ຄົນ ທີ່ຖືກ ທາງການລາວ ຕັດສິນ ລົງໂທດ ຈໍາຄຸກ ເປັນເວລາດົນນານ ນັ້ນ ຢ່າງຮີບດ່ວນ ແລະ ບໍ່ມີເງື່ອນໄຂ.

ບັນດາຜູ້ເຂົ້າຮ່ວມ ກອງປະຊຸມ ສະພາຢູໂຣບ ຕ່າງກໍເວົ້າ ການລະເມີດ ສິດທິມະນຸດ ຢູ່ ສປປລາວ ເປັນຕົ້ນການເຮັດ ໃຫ້ ທ່ານ ສົມບັດ ສົມພອນ ຫາຍສາບສູນ, ການຈັບກຸມ ແລະຕັດສິນ ລົງໂທດ ຈໍາຄຸກ ຄົນງານລາວ 3 ທີ່ ກັບມາຈາກ ປະເທສໄທ ຢ່າງ ໜັກໜ່ວງ ຄື: ທ້າວ ສົມພອນ ພິມມະສອນ, ນາງຫລອດຄໍາ ທໍາມະວົງ ແລະ ທ້າວ ສຸການ ໃຈທັດ ທີ່ຖືກຈັບຕົວ ໃນຕົ້ນປີ 2016 ໃນຂໍ້ຫາ ວິພາກວິຈານ ພັກ-ຣັຖ ເຣື່ອງການ ສໍ້ຣາສບັງຫຼວງ, ການລະເມີດ ສິດທິມະນຸດ ຜ່ານທາງ ເຟສບຸກ ແລະ ໄດ້ເຂົ້າຮ່ວມ ການຊຸມນຸມ ປະທ້ວງ ຣັຖບານ ຢູ່ຕໍ່ໜ້າ ສະຖານທູດ ສປປ ລາວ ທີ່ບາງກອກ ປະເທດໄທ ໃນມື້ວັນທີ 2 ທັນວາ 2015. ຜູ້ແທນທ່່ານນຶ່ງ ທີ່ເຂົ້າຮ່ວມ ກອງປະຊຸມສະພາ ຢູໂຣບເວົ້າວ່າ:

“ທ່ານກ່າວວ່າ ຢູ່ລາວບໍ່ມີພຽງແຕ່ ກໍຣະນີ 3 ຄົນນີ້ ແຕ່ຍັງມີການບັງຄັບໃຫ້ ຫາຍສາບສູນ ຫລາຍຄົນ. ນຶ່ງໃນນັ້ນແມ່ນ ນັກເຄື່ອນໄຫວ ເພື່ອສິ່ງແວດລ້ອມ ຊຶ່ງ ທ່ານ ສົມພອນ ສັນຕິສຸກ ຜູ້ຄັດຄ້ານ ໂຄງການ ກະສິກັມ ໃຫຍ່ໆ ທີ່ບໍຣິສັດ ຕ່າງປະເທສ ລົງທຶນ”. Continue reading “ສະພາຢູໂຣບ ລົງມະຕິ ປະນາມ ຣັຖບາລລາວ”

ລັດຖະສະພາຢູໂຣບ (2)

ລັດຖະສະພາຢູໂຣບ: 14 ກັນຍາ 2017

(Unofficial translation. English original is here)

P8_TA-PROV(2017)0350

ປະເທດລາວ, ໂດຍສະເພາະກໍລະນີຂອງ ສົມພອນ ພິມມະສອນ, ໂລດ ທຳມະວົງ, ແລະສຸກັນ ໄຈທັດ

ມະຕິລັດຖະສະພາຢູໂຣບ ຂອງວັນທີ 14 ກັນຍາ 2017 ຕໍ່ປະເທດລາວ, ໂດຍສະເພາະກໍລະນີຂອງ ສົມພອນ ພິມມະສອນ, ໂລດ ທຳມະວົງ, ແລະສຸກັນ ໄຈທັດ (2017/2831(RSP))

ລັດຖະສະພາຢູໂຣບ,

  • ໂດຍອີງຕາມ ມະຕິຕໍ່ປະເທດລາວ ສະບັບກ່ອນ,
  • ໂດຍອີງຕາມ ຜົນຂອງກອງປະຊຸມຄັ້ງທີ 8 ຂອງຄະນະກຳມະການຮ່ວມລະຫວ່າສະຫະພາບຢູໂຣບ ແລະ ສປປ ລາວ ທີ່ໄດ້ຈັດຂຶ້ນໃນວຽງຈັນ ໃນວັນທີ 17 ກຸມພາ 2017,
  • ໂດຍອີງຕາມ ບົດກ່າວຂອງຄະນະຜູ່ແທນຂອງສະຫະພາບຢູໂຣບ ຕໍ່ ສປປ ລາວ ທີ່ໄດ້ກ່າວໃນ ວຽງຈັນ ໃນວັນເສລີພາບສື່ໂລກ, 3 ພຶສະພາ 2017,
  • ໂດຍອີງຕາມ ຖະແຫຼງການສະຫະປະຊາຊາດ ວ່າດ້ວຍຜູ່ປົກປ້ອງສິທິມະນຸດ ປີ 1998,
  • ໂດຍອີງຕາມ ຖະແຫຼງການສະຫະປະຊາຊາດ ວ່າດ້ວຍສິທິມະນຸດ ວັນທີ 10 ທັນວາ 1948,
  • ໂດຍອີງຕາມ ສົນທິສັນຍາສາກົນ ວ່າດ້ວຍສິດດ້ານພົນລະເມືອງ ແລະການເມືອງ ປີ 1966,
  • ໂດຍອີງຕາມ ສັນຍາການຮ່ວມມືລະຫວ່າງ ສະຫະພາບຢູໂຣບ ແລະ ສາທາລະນະລັດ ປະຊາທິປະໄຕ ປະຊາຊົນລາວ ວັນທີ 1 ທັນວາ 1997,
  • ໂດຍອີງຕາມ ກົດບັດອາຊຽນ,
  • ໂດຍອີງຕາມ ລະບຽບ 135(5) ແລະ 123(4) ຂອງລະບຽບຂັ້ນຕອນ,

A. ໃນກໍລະນີທີ່ ໃນເດືອນມີນາ 2017 ກຳມະກອນລາວ 3 ຄົນຄື ທ້າວ ສົມພອນ ພິມມະສອນ, ທ້າວ ສຸກັນ ໄຈທັດ, ແລະນາງ ລົດ ທຳມະວົງ ໄດ້ຖືກລົງໂທດເປັນການຈຳຄຸກເປັນເວລາລະຫວ່າງ 12 ແລະ 20 ປີ ພ້ອມທັງປັບໄໝເປັນມູນຄ່າທຽບເທົ່າກັບຫຼາຍສິບພັນຢູໂຣ ດ້ວຍສາເຫດຈາກການວິຈານ ລັດຖະບານ ກ່ຽວພັນກັບການສໍ້ລາດບັງຫຼວງ, ການທຳລາຍປ່າໄມ້, ແລະການລະເມີດສິທິມະນຸດ, ໂດຍຜ່ານສື່ສັງຄົມອອນລາຍ ໃນຂະນະທີ່ເຮັດວຽກຢູ່ປະເທດໄທ; ໃນກໍລະນີທີ່ ທັງສາມຄົນຖືກກ່າວ ຫາວ່າມີສ່ວນຮ່ວມໃນການປະທ້ວງຕໍ່ຕ້ານລັດຖະບານ ຢູ່ນອກສະຖານທູດລາວໃນປະເທດໄທ ໃນ ເດືອນທັນວາ 2015;

Continue reading “ລັດຖະສະພາຢູໂຣບ (2)”

ສະຫະພາບ ເອີຣົບ ຕອ້ງຮຽກຮອ້ງໃຫ້ ທາງການ ສປປລາວ ປອ່ຍຕົວ ບັນດາຜູ້ຕໍ່ຕ້ານ ແລະ ແກ້ໄຂ ບັນຫາ ການຫາຍສາບສູນ ແບບຖືກບັ່ງຄັບ

FIDH: 13 ກຸມພາ 2017

ສະຫະພາບ ເອີຣົບ ຕອ້ງຮຽກຮອ້ງໃຫ້ ທາງການ ສປປລາວ ປອ່ຍຕົວ ນັກໂທດການເມືອງ ແລະ ຕອ້ງທວງເຖີງ ຄວາມຄືບໜ້າ ຂອງ ກໍຣະນີ ຫາຍສາບສູນ ແບບຖືກບັງຄັບ ນີ້ຄື ຖແລງການຮວ່ມ ຂອງ ສະຫະພັນສາກົນ ເພື່ອ ສີດທິມະນູດ (FIDH) ແລະ ຂະບວນການລາວ ເພື່ອ ສີດທິມະນູດ (ຂລສມ).
ສອງອົງການຈັດຕັ້ງ ເພື່ອ ສີດທິມະນູດ ໃດ້ອອກ ຖແລງການຮວ່ມ ກອ່ນໝ້າ ກອງປະຊູມ ຄັ້ງທີ 7 ລະຫວ່າງ ສະຫະພັນ ເອີຣົບ ແລະ ສປປລາວ ທີ່ຈະມືຂື້ນ ທີ່ ນະຄອນຫລວງ ວຽງຈັນ ໄນວັນທີ 16 ແລະ 17 ກູມພາ 2017 ທີ່ຈະມາເຖີງນີ້. ໃນຖແລງການຮວ່ມ ດັ່ງກ່າວ ສອງອົງການ ໄດ້ ມີຣາຍງານ ເຜີຍເຖີງ ສະຖານະການ ດ້ານ ສີດທິມະນູດ ໃນ ສປປລາວ ຕັັ້ງແຕ່ ການ ພົບພໍ້ ຄັ້ງ ສູດທ້າຍ ລະຫວ່າງ ເອີຣົບ ແລະ ສປປ ລາວ ຄັ້ງ ເດືອນ ພືສະຈິກາ ປີ 2015. Continue reading “ສະຫະພາບ ເອີຣົບ ຕອ້ງຮຽກຮອ້ງໃຫ້ ທາງການ ສປປລາວ ປອ່ຍຕົວ ບັນດາຜູ້ຕໍ່ຕ້ານ ແລະ ແກ້ໄຂ ບັນຫາ ການຫາຍສາບສູນ ແບບຖືກບັ່ງຄັບ”

ການສົນທະນາ ກັບ ສະຫະພາບ ເອີໂຣບ ດ້ານ ສິດທິ ມະນຸດ ຕອ້ງ ຕາມ ດວ້ຍ ພາກ ປະຕິບັດ

ສະຫາພັນ ສິດທິ ມະນຸດ ນາໆ ຊາດ (FIDH): 11 ພະຈິກ 2015

FIDH-Logo(ປາຣີ) ສະຫະພາບ ເອີຣົບ​ ຕ້ອງ ​ໝັ້ນໃຈ ວ່າ ຣັດຖະບານ ລາວ​ ໃຫ້ ຄໍາໝັ້ນ ສັນຍາ ຢ່າງ ນັກແໜ້ນ ໄນ ກອງປະຊູມ ດ້ານ ສິດິ ມະນຸດ ທີ່ຈະ ມີຂື້ນ ຣະວ່າງ ສອງ ຝ່າຍ, ນີ້ ຄື ຄໍາຖແລງ ໃນ ວັນນີ້ ຂອງ ສະຫະພັນ ສິດທິ ມະນຸດນາໆ ຊາດ (FIDH) ແລະ ຂະບວນການ ລາວ ເພື່ອ ສິດທິ ມະນຸດ (ຂລສມ) ກອ່ນໜ້າ ຜົບປະ ສົນທະນາ ດ້ານ ສິດທິ ມະນຸດ ຄັ້ງທີ່ 6 ລະວ່າງ ສະຫະພາບ ເອີໂຣບ ແລະ ສປປ ລາວ ຊື່ງ ຈະ ຈັດຂື້ນ ໃນ ວັນທີ່ 6 ພືສະຈິກາ ທີ່ ວຽງຈັນ. ກອ່ນ ການ ພົບພໍ້ ສົນທະນາ ເຖີງ ສະຖານະການ ດ້ານ ສິດທິ ມະນຸດ ລະຫວ່າງ ສອງຝ່າຍ ຄັ້ງນີ້, ສະຫະພັນ ສິດທິ ມະນຸດນາໆ ຊາດ (FIDH) ແລະ ຂະບວນການ ລາວ ເພື່ອ ສິດທິ ມະນຸດ (ຂລສມ) ໃດ້ ສເນີ ລາຍງານ ຣວ່ມ ຢ່າງ ທີ່ຖວນ ເຖີງ ການ ລວ່ງ ລະເມີດ ສິດທິ ມະນຸດ ໃນ ສປປ ລາວ ນັບ ຕັ້ງແຕ່ ການ ພົບປະ ຄັ້ງ ເດືອນ ພຶສະພາ 2014.

ຈຳເປັນ ທີ່ສຸດ ທີ່ ສະຫະພາບ ເອີໂຣບ ຕອ້ງ ຕັ້ງ ເງື່ອນໄຂ ໃຫ້ ທາງການ ສປປ ລາວ ຣັບຣອງ ວ່າງ ມາດຕະການ ຢ່າງ ຈະແຈ້ງ ແລ້ວ ໄປ ປະຕິບັດ ຕາມ ຕາຕະລາງ ທີ່ ຖຶກກໍານົດ ໃວ້ ເພື່ອ ໃຫ້ ເຫັນຜົນ. ຖ້າ ບໍ່ ດັ່ງນັ້ນ, ກອງປະຊູມ ກ່ຽວກັບ ສິດທິ ມະນຸດ ນີ້ ກໍ່ ຈະ ກາຍເປັນ ຂັນຕອນ ທີ່ ບໍ່ມີ ຄວາມໝາຍ ໂດຍ ປາສະຈາກ ຜົນ ອັນ ເປັນຕົນ ເປັນໂຕ. ທ່ານ ກາຣີມ ລາຮີດຊີ, ປະທານ ສະຫະພັນ ສິດທິ ມະນຸດນາໆ ຊາດ

lmhr-logoນັບຕັ້ງແຕ່ ເດືອນ ພືສະພາ ປີ 2014 ເປັນຕົ້ນມາ, ຣັຖະບານ ສປປ ລາວ ໄດ້ ລົງມະຕິ ຣັບຣອງ ເອົາ ກົດໝາຍ ອັນ ເຄັ່ງຄັດ ດັ່ງ ຂໍ້ ດໍາຣັດ 327 ເພື່ອ ເພີ້ມ ທະວີ ຂະບວນ ກົດໝາຍ ປາບປາມ.

ທາງການ ສປປ ລາວ ໄດ້ ຈັບຕົວ ແລະ ກັກຂັງ ຫລາຍ ບຸຄົນ ດວ້ຍກັນ ທີ່ໄດ້ ກ່າວ ຕິຕຽນ ຣັຖະບານ ຫລື ໄດ້ ກ່າວ ຊັດທອດ ເຖີງ ລະບົບ ການ ສໍ້ລາດ ບັງຫລວງ. ທາງການ ສປປ ລາວ ຍັງສຶບຕໍ່ ປາບປາມ ຊົນ ສາສນາ ກູ່ມນອ້ຍ ໂດຍ ໄດ້ ຈັບຕົວ ຊາວ ຄຣີສ ຕັ້ງ ຫລາຍ ຄົນ ດວ້ຍກັນ. Continue reading “ການສົນທະນາ ກັບ ສະຫະພາບ ເອີໂຣບ ດ້ານ ສິດທິ ມະນຸດ ຕອ້ງ ຕາມ ດວ້ຍ ພາກ ປະຕິບັດ”

EU ຖາມເຖິງທ່ານສົມບັດ

ວິທະຍຸເອເຊຍເສຣີ: 10 ພະຈິກ 2015

European Unionທີ່ ນະຄອນຫຼວງ ວຽງຈັນ ເມື່ອ ວັນສຸກ ຜ່ານມາ, ໃນ ກອງປະຊຸມ ປຶກສາ ຫາລື ຣະຫວ່າງ ສະຫະພາບ ຢູໂຣບ ແລະ ທາງການ ລາວ ກ່ຽວກັບ ບັນຫາ ການ ປະຕິບັດ ສິດທິ ມະນຸດ ໃນ ສປປລາວ, ສະຫະພາບ ຢູໂຣບ ສະແດງ ຄວາມກັງວົນ ຕໍ່ ທາງການ ລາວ ກ່ຽວກັບ ກໍຣະນີ ການ ຫາຍສາບສູນ ຂອງ ທ່ານ ສົມບັດ ສົມພອນ ນັກ ພັທນາ ຊຸມຊົນ ຂອງລາວ. ອີງຕາມ ການເປີດເຜີຍ ຂອງ ເຈ້າຫນ້າທີ່ ສະຫະພາບ ຢູໂຣບ ປະຈຳ ລາວ:

“ເປັນຫ່ວງ ເປັນຫ່ວງ ທ່ານທູຕ ເພິ່ນກະ ພົບປະກັບ ເມັຽ ທ່ານ ສົມບັດ ສົມພອນ ຢູ່ ຕລອດ. ເຣື້ອງ ເປັນຫ່ວງ ກໍເປັນຫ່ວງ ເນາະ ແຕ່ວ່າເຮົາ ໃນ ຖານະ ທາງ ການທູຕ ຈະ ໄປ ເຮັດແຮງ ຫຼາຍ ກໍບໍ່ໄດ້. ຖ້າ ເຮົາເຮັດແຮງ ຫຼາຍ ກໍເຮັດໃຫ້ ພວກເຮົາ ເຮັດວຽກ ລຳບາກ ຄືກັນ ເຮົາກໍຕ້ອງ ເຮັດໄປ ຕາມຂັ້ນຕອນ ທາງ ການທູຕ”.

ໃນ ກອງປະຊຸມ ປະຈຳປີ 2015 ນີ້, ຄນະ ຜູ້ຕາງຫນ້າ ສະຫະພາບ ຢູໂຣບ ປະຈຳ ພາກພື້ນ ເອເຊັຽ ຕາເວັນອອກ ສ່ຽງໃຕ້ ແລະ ຄນະຜູ້ ແທນ ສປປລາວ ນຳໂດຍ ທ່ານ ພູຂົງ ສີສຸລິດ ຫົວຫນ້າ ກົມ ສົນທິສັນຍາ ແລະ ກົດຫມາຍ ກະຊວງ ການຕ່າງ ປະເທດ ໄດ້ ປຶກສາ ຫາລື ກັນ ກ່ຽວກັບ ບັນຫາ ສິດທິ ມະນຸດ, ສິດ, ເສຣີພາບ ແລະ ປະຊາ ທິປະໄຕ, ການປົກຄອງ ແລະ ການຄຸ້ມຄອງ ຣັຖ ດ້ວຍ ກົດໝາຍ ແລະ ການມີ ສ່ວນຮ່ວມ ຂອງ ປະຊາຊົນ ໃນ ວຽກບ້ານ ການເມືອງ.

ໃນ ຕອນທ້າຍ ຂອງ ກອງປະຊຸມ ນັ້ນ ໄດ້ມີການ ອອກ ຖແລງການ ຮ່ວມ ຊຶ່ງ ໃນນັ້ນ ສະຫະພາບ ຢູໂຣບ ມີຄວາມ ກັງວົນ ຕໍ່ ກໍຣະນີ ການ ຣະເມີດ ສິດທິ ມະນຸດ ຢູ່ ສປປ ລາວ ເຊັ່ນການ ບັງຄັບ ໃຫ້ ປະຊາຊົນ ລາວ ໃຫ້ ຫາຍສາບສູນ. ແຕ່ ສະຫະພາບ ຢູໂຣບ ກໍ ຊົມເຊີຍ ຣັຖບານ ລາວ ທີ່ ພຍາຍາມ ຮ່ວມມື ກັບ ສາກົນ ຫຼາຍຂຶ້ນ ຂນະທີ່ ເນັ້ນວ່າ ສປປ ລາວ ຄວນຈະ ປະຕິບັດ ຕາມ ສັນຍາ ທີ່ ໄດ້ເຊັນ ລົງນາມ ໄວ້ ແລະ ໃຫ້ ອົງການ ຈັດຕັ້ງ ທາງສັງຄົມ ໃນລາວ ໄດ້ ປະຕິບັດ ງານດ້ານ ສິດທິ ມະນຸດ ໃຫ້ ປະສົບ ຜົນສຳເຣັດ.

EU-ລາວ ສົນທະນາ ສິດທິ ມະນຸດ

ວິທະຍຸເອເຊຍເສຣີ: 04 ພະຈິກ 2015

European Unionສະຫະພັນ ສິດທິ ມະນຸດ ສາກົນ FIDH ແລະ ຂະບວນການ ລາວ ເພື່ອ ສິດທິ ມະນຸດ LMDH ໄດ້ອອກ ຖແລງການ ຮ່ວມ ໃນ ວັນທີ 3 ພຶສຈີກາ ນີ້ວ່າ ສະຫະພາບ ຢູໂຣບ ຕ້ອງ ຮັບປະກັນ ວ່າ ຣັຖບານ ລາວ ຢຶດໝັ້ນ ໃນ ພັນທະ ຢ່າງ ເດັດດ່ຽວ, ໃນ ກອງປະຊຸມ ສົນທະນາ ສິດທິ ມະນຸດ ຄັ້ງທີ່ 6 ຣະຫວ່າງ ສອງຝ່າຍ ທີ່ ຈະມີຂຶນ ໃນ ວັນທີ່ 6 ພຶສຈິກາ ນີ້ ທີ່ ນະຄອນຫຼວງ ວຽງຈັນ.

ຄວບຄູ່ ກັບ ກອງປະຊຸມ ສົນທະນາ ເຣື້ອງ ສິດທິ ມະນຸດ ຣະຫ່ວາງ ລາວ ກັບ ສະຫະພາບ ຢູໂຣບ ນີ້ ສະຫະພັນ ສິດທິ ມະນຸດ ສາກົນ ແລະ ຂະບວນການ ລາວ ເພື່ອ ສິດທິ ມະນຸດ ໄດ້ ຮວບຮວມ ອັນດັບ ເຫດການ ການ ຣະເມີດ ສິດທິ ມະນຸດ ໃນລາວ ນັບແຕ່ ກອງປະຊຸມ ສົນທະນາ ເດືອນ ພຶສພາ ປີ 2014. ດັ່ງ ຍານາງ ວານິດາ ເທບສຸວັນ ປະທານ ຂະບວນການ ລາວ ເພື່ອ ສິດທິ ມະນຸດ, ທີ່ ນະຄອນຫຼວງ ປາຣີ ກ່າວ ໃນ ຕອນນຶ່ງ ວ່າ:

“ຈຳເປັນ ທີ່ສຸດ ທີ່ ສະຫະພາບ ເອີໂຣບ ຕ້ອງຕັ້ງ ເງື່ອນໄຂ ໃຫ້ ທາງການ ສປປ ລາວ ວາງ ມາຕການ ຢ່າງ ຈະແຈ້ງ ແລ້ວ ໄປ ປະຕິບັດ ຕາມ ຕາຕະລາງ ທີ່ ຖືກກໍານົດ ໄວ້ ເພື່ອໃຫ້ ເຫັນຜົນ ຖ້າ ບໍ່ດັ່ງນັ້ນ ກອງປະຊຸມ ກ່ຽວກັບ ສິດທິ ມະນຸດ ນີ້ ກໍຈະກາຍ ເປັນ ຂັ້ນຕອນ ທີ່ ບໍ່ມີ ຄວາມໝາຍ ບໍ່ ນໍາຜົນດີ ອັນໃດເລີຍ ມາສູ່ ປະຊາຊົນ ລາວ”. Continue reading “EU-ລາວ ສົນທະນາ ສິດທິ ມະນຸດ”