ຄະນະຜູ້ແທນສະພາຢູໂຣບໄປ ສປປ ລາວ ກ່ຽວກັບການຫາຍສາບສູນຂອງ ທ່ານສົມບັດສົມພອນ

ຄະນະຜູ້ແທນສະພາຢູໂຣບໄດ້ໄປວຽງຈັນ ນະຄອນຫຼວງຂອງປະເທດລາວ ລະຫວ່າງວັນທີ 6 ຫາ 9 ມີນາ 2013 ເພື່ອສະແດງເຖິງຄວາມຫ່ວງໃຍ ອັນເລິກຊຶ່ງ ທີ່ສົມບັດສົມພອນ ສະມາຊິກຂອງອົງກອນລາວເພື່ອປະຊາຊົນ ຜູ້ທີ່ ມີຄົນນັບໜ້າຖືຕາຫຼາຍ, ຍັງບໍ່ທັນໄດ້ກັບສູ່ຄອບຄົວດ້ວຍຄວາມປອດໄພ. ສົມບັດ ໄດ້ຫາຍຕົວໄປວັນທີ 15 ເດືອນ ທັນວາ 2012, ຖືກຄຸມຕົວຂຶ້ນລົດກະບະ ດ້ວຍຄົນບໍ່ຮູ້ໜ້າ ຫຼັງຈາກທີ່ເຈົ້າໜ້າທີ່ຕຳຫຼວດໄດ້ຢຸດລົດ ຢູ່ໃນນະຄອນຫຼວງ ວຽງຈັນ. ຍັງບໍ່ມີໃຜໄດ້ເຫັນ ຫຼື ໄດ້ຍິນຂ່າວຄາວຂອງສົມບັດ ນັບຕັ້ງແຕ່ນັ້ນມາ.

ຄະນະຜູ້ແທນໄດ້ສະເໜີເປັນທາງການ ຕໍ່ສະພາຜູ້ແທນລາສະດອນແຫ່ງ ຊາດລາວແລະຮອງລັດຖະມົນຕີກະຊວງ ຕ່າງປະເທດຂອງສປປ ລາວ, ມະຕິຕົກ ລົງຂອງສະພາຢູໂຣບກ່ຽວກັບ ‘ ລາວ: ກໍລະນີສົມບັດສົມພອນ ‘, ທີ່ສະພາຢູໂຣບ ໄດ້ລົງມະຕິຕົກລົງກັນເປັນເອກະສັນໃນວັນ 6 ກຸມພາ 2013.

ທ່ານ Tuur Elzinga ຜູ້ແທນສະພາສູງຂອງເນດເຕີແລນດ໌ ຫົວໜ້າຄະນະ ໄດ້ກ່າວຢໍ້າວ່າ ຄະນະຜູ້ແທນມີຄວາມ ຮູ້ສຶກຢ່າງເລິກຊຶ່ງວ່າ ມັນນອນຢູ່ໃນຄວາມ ຮັບຜິດຊອບຂອງລັດຖະບານ ສປປ ລາວ ທີ່ເຮັດແນວໃດໃຫ້ສົມບັດກັບຄືນສູ່ ຄອບຄົວດ້ວຍຄວາມປອດໄພແລະດັ່ງນັ້ນ ກໍເປັນການເໝາະສົມທີ່ການກະທຳ ໃດໆຕ້ອງມີບຸລິມະສິດ.

ທ່ານ Tuur Elzinga ຍັງໄດ້ກ່າວຢໍ້າອີກວ່າ ທຸກໆວັນທີ່ຜ່ານໄປ ທີ່ປາດສະ ຈາກສົມບັດຍັງບໍ່ທັນໄດ້ກັບສູ່ຄອບຄົວຂອງ ລາວ ຄວາມດີເດັ່ນຂອງປະເທດລາວ ກໍອ່ອນລົງ.

ວັນທີ 8 ເດືອນ ມີນາ 2013 ແມ່ນມື້ ທີ 83 ທີ່ສົມບັດສົມພອນ ໄດ້ຫາຍຕົວໄປ ແລະສຳລັບຫຼາຍອົງກອນ, 100 ວັນ ເປັນເວລາທີ່ມີຄວາມ ສຳນຶກຈິດ ແລະທົບທວນຄວາມກ້າວໜ້າ. ຖ້າຫາກວ່າບໍ່ໄດ້ຜົນທາງບວກ ຈະມີ ກິຈະກັມສາກົນ ຂຶ້ນມາໃໝ່ຢ່າງບໍ່ຕ້ອງສົງໃສ ໃນເມື່ອວ່າ ມະຕິຕົກລົງຂອງສະພາ ຢູໂຣບໄດ້ຮຽກຮ້ອງເປັນທາງການ ຂໍໃຫ້ ສະຫະພາບຢູໂຣບ ເອົາເຂົ້າໃນວາຣະ ກອງປະຊຸມທີ່ຈະມາເຖິງນີ້ ຖືເປັນບຸລິມະສິດ ຢູ່ໃນກັມມາທິການສິດທິມະນຸດ ຂອງ ອົງການສະຫະປະຊາຊາດ. ປີ 2012 ເປັນປີທີ່ລາວ ເລີ້ມຄວາມຈົບຄວາມ ງາມດີເດັ່ນ ທັງຢູ່ໃນປະເທດ ແລະສາກົນ, ຮັບກອງປະຊຸມ ອາແຊມທີ 9 ແລະເຂົ້າເປັນສະມາຊິກຂອງອົງການການຄ້າໂລກ. ແຕ່ວ່າບໍ່ເປັນຈັງບຸນ ໃນປັດ ຈຸບັນນີ້ ຄວາມຈົບຄວາມງາມດີເດັ່ນນັ້ນ ຖືກຄອນແຄນ.

ທ່ານຜູ້ແທນ Tuur Elzinga ໄດ້ກ່າວວ່າ: ຖ້າເຈົ້າໜ້າທີ່ລາວຄຶດວ່າ ບັນ ຫາການຫາຍຕົວຂອງສົມບັດຖືກລືມໄປ, ພວກທ່ານຄຶດຜິດແລ້ວ! ຈະມີການສົນ ທະນາ ກ່ຽວກັບລາວ ຢູ່ໃນທຸກວາຣະປະຊຸມຄັ້ງຕຳອິດ ບໍ່ວ່າ ລະຫວ່າງປະເທດ, ສາກົນ ແລະ ນານາຊາດ ຈົນກວ່າ ສົມບັດຈະໄດ້ກັບຄືນສູ່ຄອບຄົວຂອງລາວ.

Senator_Tuur_Elzinga_presents resolution_of_European_parliament_to Lao_National_Assemblyຫຼັງຈາກຄະນະຜູ້ແທນສະພາຢູໂຣບໄດ້ເຂົ້າໄປພົບກັບບຸກຄົນສຳຄັນຂອງລາວແລະພາກສ່ວນທີ່ກ່ຽວຂ້ອງຈຳນວນໜຶ່ງ ໃນກໍລະນີທ່ານສົມບັດສົມພອນ ເມື່ອວັນທີ 6-9 ເດືອນ ມີນາ 2013 ກໍໄດ້ເຮັດລາຍງານຢ່າງລະອຽດສົມຄວນ ດັ່ງມີເນື້ອໃນຢູ່ນີ້

ຂໍ້ມູນພຶ້ນຖານ:

ຄະນະຜູ້ແທນໄດ້ພົບກັບ:

  • ຜູ້ຕາງໜ້າລັດຖະບານສປປ ລາວ, ຮອງລັດຖະມົນຕີຕ່າງ ປະເທດ ທ່ານອາລຸນແກ້ວ ກິດທິຄຸນ
  • ຮອງປະທານສະພາຜູ້ແທນລາສະດອນສປປ ລາວ, ທ່ານສົມພັນ ແພງຄຳມີ ແລະສະມາຊິກສະພາຜູ້ແທນ ລາສະດອນທີ່ລວມມີ ທ່ານອ່ອນສີ ແສນສຸກ ຮອງປະທານກັມມະການຄວາມສະຫງົບ ແລະປ້ອງກັນຊາດ; ທ່ານກີສິນ ສິງພັນງາມ ຮອງປະທານ ກັມມະການກົດໝາຍ; ແລະທ່ານຄົງສີ ສີແສງເດືອນ ຮອງເລຂາ ທິການປະຈຳການ
  • ຜູ້ວ່າຫ້ອງການທັງເປັນຫົວໜ້າຂອງທູດຢູໂຣບປະຈຳລາວແລະ ເອກອັຄະລັດຖະທູດຂອງປະເທດທີ່ເປັນ ສະມາຊິກຂອງສະຫະ
  • ພາບຢູໂຣບ ຢູ່ລາວ
  • ຜູ້ຕາງຂອງອົງກອນການພັດທະນາ ຂອງລາວ
  • ຜູ້ຕາງໜ້າຂອງອົງກອນນານາຊາດທີ່ບໍ່ຂື້ນກັບລັດຖະບານຢູ່ລາວ

ຂໍ້ມູນສຳລັບການຂ່າວ:

Tuur Elzinga ຜູ້ແທນສະພາສູງ (ພັກສັງຄົມນິຍົມ) ຂອງສະພາເນເທີແລນດ໌ ແລະເປັນສະມາຊິກຂອງ ກັມມາທິການສະພາຢູໂຣບ.

Tuur Elzinga ຕິດຕາມດ້ວຍ Andy Rutherford ຜູ້ຕາງໜ້າຂອງ ກັມມະການສາກົນ ທີ່ຕຽມເວທີສາກົນຂອງ ປະຊາຊົນ ອາຊີ-ເອີໂຣບ. ກັມມະ ການໄດ້ເຮັດວຽກຢ່າງໃກ້ສິດກັບ ສົມບັດ ລະຫວ່າງ ວັນທີ 16 ຫາວັນທີ 19 ຕຸລາ 2012 ຢູ່ນະຄອນຫຼວງວຽງຈັນ ຫຼາຍອາທິດກ່ອນປະຊຸມ ອາແຊມທີ 9.

ສະພາຢູໂຣບໄດ້ພິຈາລະນາ ອະພິປາຍ ກໍລະນີທ່ານສົມບັດສົມພອນ

ໃນວັນທີ 7 ກຸມພາ 2013 ສະພາຢູໂຣບ ໄດ້ພິຈາລະນາອະພິປາຍກໍລະນີ ທ່ານສົມບັດສົມພອນ ທີ່ມີການລະເມີດສິດທິ ມະນຸສະຍະທັມປະຊາທິປະໄຕແລະການປະຕິບັດກົດໝາຍ.

ສະພາໄດ້ອອກຂໍ້ຕົກລົງເຫັນດີດັ່ງລຸ່ມນີ້:

ກ-     ດ້ວຍເຫດວ່າ ສົມບັດສົມພອນ, ຜູ້ມີຊື່ສຽງດ້ານການພັດທະນາສັງຄົມ ແລະການສຶກສາໃຫ້ ຊາວໜຸ່ມ ໄດ້ຫາຍຕົວໄປ ໃນວັນທີ 15 ທັນວາ 2012 ໃນນະຄອນຫຼວງວຽງຈັນ; ດ້ວຍເຫດທີ່ ກ້ອງຖ່າຍຮູບຄົບວົງຈອນທີ່ທາງຄອບຄົວ ຂອງສົມບັດສົມພອນໄດ້ມາ ສະແດງໃຫ້ເຫັນວ່າ ສົມບັດສົມພອນໄດ້ເຫັນເປັນ ຄັ້ງສຸດທ້າຍ ຢູ່ກັບຕຳຫຼວດທ້ອງຖິ່ນຢູ່ສະຖານີຕຳຫຼວດ ທາງໄປ ທ່າເດື່ອ ປະມານ 6 ໂມງ ແລງ ໃນວັນ ທີ່ສົມບັດສົມພອນຫາຍຕົວໄປ ແລະມີຄົນນອກເຄື່ອງແບບ ພາຂັບລົດຂີ່ໜີໄປ;

ຂ-     ດ້ວຍເຫດວ່າ ຖະແຫຼງການຂອງລັດຖະບານລົງວັນທີ 19 ທັນວາ 2012 ຮັບຮູ້ເຫດການ ທີ່ໄດ້ ບັນທຶກຢູ່ໃນກ້ອງຖ່າຍ ເພື່ອຮັກສາຄວາມສະຫງົບ, ໃນນັ້ນ ເຈົ້າໜ້າທີ່ ໄດ້ອອກໂຕວ່າ ສົມບັດ ສົມພອນ ຖືກພາຕົວໄປຮຽກຄ່າໄຖ່ ຍ້ອນມີ ການຜິດຖຽງກັນສ່ວນຕົວ ຫຼື ທາງທຸລະກິດ;

ຄ-     ດ້ວຍເຫດວ່າ ອົງການສະຫະປະຊາຊາດ ແລະ 65 ອົງການສິດທິມະນຸດ ສະຍະທັມສາກົນ ໄດ້ສະແດງຄວາມຢ້ານກົວວ່າ ສົມບັດສົມພອນ ອາດຈະຖືກ ບັງຄັບຫາຍຕົວໄປ, ອາດຍ້ອນ ວຽກງານທີ່ລາວເຮັດ, ແລະສະແດງຄວາມກັງວົນ ຢ່າງເລິກຊຶ່ງກ່ຽວກັບຄວາມປອດໄພແລະການ ບໍ່ມີການຄືບໜ້າແລະຂ່າວການສືບສ່າວຫາ ຕາມຄວາມເປັນຈິງ ຂອງເຈົ້າໜ້າທີ່ລາວ ໃນການຫາຍຕົວໄປຂອງ ສົມບັດສົມພອນ;

ງ-     ດ້ວຍເຫດວ່າ ຄອບຄົວຂອງສົມບັດສົມພອນ ຍັງຊອກຫາລາວບໍ່ທັນພົບຕັ້ງ ແຕ່ມື້ທີ່ໄດ້ໄປ ພົບເຈົ້າໜ້າທ້ອງຖິ່ນຫຼາຍຄັ້ງ ແລະການຊອກຄົ້ນຫາຢູ່ໃນເຂດ ອ້ອມແອ້ມ;

ຈ-     ດ້ວຍເຫດວ່າ ສົມບັດສົມພອນ ເປັນຄົນທີ່ມີຄວາມນິຍົມຢ່າງກວ້າງຂວາງ  ແລະມີຊື່ສຽງ ຍ້ອນ ວຽກງານການພັດທະນາແບບຍືນຍົງ ແລະທ່ຽງທັມ ໂດຍ ສະເພາະການກໍ່ຕັ້ງອົງການໃນປີ 1996 ອົງກອນ ປາເດດ ສູນອົບຮົມເພື່ອການ ພັດທະນາແບບມີສ່ວນຮ່ວມ ແລະທ່ານກໍໄດ້ຮັບ ຫຼຽນຣາມົງ ມາກໄຊໄຊ ໃນປີ 2005 ຍ້ອນການນຳພາຊຸມຊົນ;

ສ-    ດ້ວຍເຫດວ່າ ໃນເດືອນ ຕຸລາ 2012 ສົມບັດສົມພອນ ຊຶ່ງມີສ່ວນຢູ່ ໃນຄະນະກັມມະການແຫ່ງ ຊາດລາວ ຈັດຕັ້ງກອງປະຊຸມ ອາຊີ-ເອີໂຣບ ຄັ້ງທີ 9 ຂອງ ເວທີ ປະຊາຊົນ ຕໍ່ ປະຊາຊົນ ຢູ່ວຽງຈັນ ກ່ອນ ປະຊຸມ ອາແຊມ ທີ 9, ແລະ ກໍເປັນຜູ້ໜຶ່ງທີ່ສຳຄັນເຊິ່ງໄດ້ອອກຄຳຄິດຄຳເຫັນ;

ຊ-     ດ້ວຍເຫດວ່າ ຄະນະຜູ້ແທນ ອາຊຽນ ໄດ້ໄປຢ້ຽມຢາມລາວ ວັນທີ 14 ເຖິງ ວັນທີ 18 ເດືອນ ມົກກະຣາ 2013 ເພື່ອສືບສ່າວຫາ ສົມບັດສົມພອນ;

ຍ-     ດ້ວຍເຫດວ່າ ທີ່ມີການລະເມີດສິດເສລິພາບພື້ນຖານ, ໂດຍສະເພາະ ສິດ ເສລິພາບ ຂອງສື່ສານມວນຊົນ, ສາສະໜາ, ການໂຮມຊຸມນຸມ, ວິຊາການ ແລະສິດເສລິພາບຂອງ ຊົນເຜົ່າຢູ່ລາວ;

  1. ສະແດງຄວາມຫ່ວງໃຍອັນເລິກຊຶ່ງ ຕໍ່ການຫາຍຕົວໄປ, ຕໍ່ຄວາມປອດໄພ ແລະສະພາບການ ເປັນຢູ່ຂອງ ສົມບັດສົມພອນ;
  2.  ມີຄວາມເປັນຫ່ວງໃຍກ່ຽວກັບ ການຊັກຊ້າ ແລະການຂາດຄວາມປົ່ງໃສ ໃນການສຶບສວນ, ໃນການຫາຍຕົວໄປຂອງສົມບັດສົມພອນ; ຮຽກຮ້ອງ ໃຫ້ເຈົ້າ ໜ້າທີ່ລາວໄດ້ສືບສວນຢ່າງ ຮີບດ່ວນ, ປົ່ງໃສ ແລະ ຄົບຖ້ວນ, ອີງໃສ່ໜ້າທີ່ ຢູ່ ໃນກົດໝາຍສາກົນຂອງສິດທິມະນຸດ ສະຍະທັມ, ແລະເພື່ອຮັບປະກັນໃຫ້ສົມບັດ ສົມພອນໄດ້ກັບຄືນສູ່ຄອບຄົວຂອງລາວດ້ວຍ ຄວາມປອດໄພ;
  3. ຮຽກຮ້ອງໃຫ້ HR/VP ຕິດຕາມຢ່າງໃກ້ຊິດ ໃນການສືບສວນຂອງ ລັດຖະບານລາວ ກ່ຽວກັບ ການຫາຍຕົວໄປຂອງ ສົມບັດສົມພອນ;
  4. ຮ້ອງຂໍໃຫ້ເຈົ້າໜ້າທີ່ລາວໄດ້ ຢືນຢັນຢ່າງເປີດເຜີຍ ຄວາມຖືກຕ້ອງຕາມ ກົດໝາຍແລະ ຄວາມສຳຄັນ ຂອງການພັດທະນາແບບຍືນຍົງ ແລະຄວາມຍຸຕິທັມ ຂອງສັງຄົມ ເພື່ອສະກັດກັ້ນ ບໍ່ໃຫ້ມີ ການຢ້ານກົວເນື່ອງຈາກ ການຫາຍຕົວໄປ ເຊັ່ນກໍລະນີຂອງ ສົມບັດສົມພອນ;
  5. ມີຄວາມຍິນດີໃນການຢ້ຽມຢາມລາວຂອງຄະນະຜູ້ແທນອາຊຽນ ໃນເດືອນ ມົກກະຣາ 2013 ເພື່ອເກັບກຳຂ່າວກ່ຽວກັບສົມບັດສົມພອນ ແລະ ຮຽກຮ້ອງ ມາຍັງ ກັມມະການສິດທິມະນຸດ ສະຍະທັມຂອງ ອາຊຽນ ໄດ້ຕັ້ງກັມມະການສອບ ສວນສືບສວນເຫດການ ໃນການຫາຍ ຕົວໄປດ້ວຍການບັງຄັບ ສົມບັດສົມພອນ;
  6. ຮຽກຮ້ອງໃຫ້ ສະຫະພັນຢູໂຣບຈັດບັນຫາລາວ ເຂົ້າລາຍການ ເປັນບຸລິມະ ສິດ ໃນວາລະ ປະຊຸມ ຄັ້ງທີ 22 ຂອງກອງປະຊຸມສະພາ ຂອງອົງການສະຫະ ປະຊາຊາດກ່ຽວກັບ ສິດທິສະນຸດສະຍະທັມ;
  7. ເນັ້ນໜັກໃຫ້ເຈົ້າໜ້າທີ່ລາວ ຕ້ອງເຮັດທຸກສິ່ງທຸກຢ່າງ ເພື່ອຢຸດຕິການຈັບ ກຸມຕາມລຳພັງ ແລະການຈັບກຸມຢ່າງລຶກລັບ; ຮຽກຮ້ອງໃຫ້ເຈົ້າໜ້າທີ່ລາວ ຖືວ່າ ການຫາຍຕົວໄປດ້ວຍ ການບັງຄັບນັ້ນເປັນການກະທຳຜິດກົດໝາຍອາດຊະຍະກັມແລະໃຫ້ (ເຈົ້າໜ້າທີ່ລາວ) ສັດຕະຍາບັນສັນຍາສາກົນ ກ່ຽວກັບການປ້ອງກັນ ທຸກໆຄົນ ຈາກການຫາຍຕົວໄປດ້ວຍ ການບັງຄັບ; ເນັ້ນໜັກວ່າ ການຫາຍຕົວ ໄປ ດ້ວຍການບັງຄັບ ແມ່ນການລະເມີດສິດທິ ມະນຸດສະຍະທັມຂັ້ນພື້ນຖານ ແລະລະເມີດການມີອິດສະຣະພາບຢ່າງຈະແຈ້ງ;
  8. ຮຽກຮ້ອງໃຫ້ລັດຖະບານລາວ ນັບຖືສິດທິ ໃນການອອກຄຳຄິດຄຳເຫັນ ແລະ ມີສະມາຄົມ, ສິດຂອງບັນດາຊົນເຜົ່າ ແລະປ້ອງກັນສິດທິ ມີອິດສະຣະ ພາບ ທາງສາສນາ ຫຼືວ່າ ການເຊື່ອຖື, ຢຸດຕິການຫ້າມ ການໃຊ້ສິດທິດັ່ງກ່າວ ດັ່ງການຕວດສອບແບບເປັນລະຍະ ຂອງອົງການສະຫະປະຊາຊາດ ໃນວັນທີ  21 ກັນຍາ 2010 ໄດ້ໃຫ້ການແນະນຳ;
  9. ມີຄຳສັ່ງໃຫ້ ປະທານ (ສະພາຢູໂຣບ) ສົ່ງມະຕິຕົກລົງໄປໃຫ້: ຄະນະກັມ ມະທິການ, ກັມມະການ, ຮອງປະທານກັມມະການ/ທ່ານຜູ້ຕາງໜ້າສະຫະພັນ ດ້ານກິຈະການ ຕ່າງປະເທດ ແລະ ນະໂຍບາຍຄວາມປອດໄພ, ບັນດາລັດຖະ ບານແລະສະພາຂອງ ປະເທດສາມະຊິກ, ກອງເລຂາອາຊຽນ, ອົງການສິດທິ ມະນຸສະຍະທັມຂອງອົງການ ສະຫະປະຊາຊາດ, ເລຂາທິການໃຫຍ່ຂອງອົງການ ສະຫະປະຊາຊາດ, ລັດຖະບານລາວ ແລະສະພາຜູ້ແທນລາສະດອນລາວ.

ການຮຽກຮ້ອງດ່ວນຂອງສະມາຊິກສະພາທົ່ວທັງອາຊີ ແລະ ເອີຣົບ ຂອງທ່ານສົມບັດສົມພອນ

ການຮຽກຮ້ອງດ່ວນຂອງສະມາຊິກສະພາທົ່ວທັງອາຊີ ແລະ ເອີຣົບ ຂອງທ່ານສົມບັດສົມພອນ
ວັນທີ 5 ເດືອນ ກຸມພາ 2013

ຮຽນ ພະນະທ່ານທອງສິງ ທັມມະວົງ
ນາຍົກລັດຖະມົນຕີ
ສາທາລະນະລັດປະຊາທິປະໄຕປະຊາຊົນລາວ

ພະນະທ່ານທີ່ນັບຖື,

ເລື່ອງ: ການຮ້ອງຂໍໃຫ້ມີການສືບສວນດ່ວນ ກ່ຽວກັບ ການຫາຍຕົວໄປຂອງ ທ່ານສົມບັດສົມພອນ

ພວກເຮົາ, ສະມາຊິກສະພາຂອງປະເທດ ທົ່ວຂົງເຂດອາຊີ ແລະ ເອີຣົບ ຂຽນຈົດໝາຍມາຍັງທ່ານ ເພື່ອ ສະແດງຄວາມຫ່ວງໃຍຢ່າງຍິ່ງ ກ່ຽວກັບຄວາມປອດໄພ ແລະການເປັນຢູ່ຂອງທ່ານສົມບັດສົມພອນ ທີ່ເປັນຄົນລາວສຳຄັນຜູ້ໜຶ່ງທີ່ໄດ້ຮ່ວມຈັດຕຽມ ເວທີປະຊາຊົນ ຄັ້ງທີ 9 ຂອງອາຊີ-ເອີຣົບ; ທ່ານສົມບັດ ເປັນຜູ້ກໍ່ຕັ້ງ ປາເດກ (ສູນພັດທະນາ ຊຸມຊົນແບບມີສ່ວນຮ່ວມ) ແລະເປັນຜູ້ໜຶ່ງທີ່ໜ້ານັບຖື ແລະມີຊື່ສຽງ ທາງດ້ານການປາກເວົ້າ ໃນການພັດທະນາເສດຖະກິດ ແລະສັງຄົມ ຢູ່ລາວກໍຄືຢູ່ອາຊີ ແບບຍືນຍົງ ດ້ວຍການເນັ້ນໜັກໃສ່ປະຊາຊົນ.

ທ່ານສົມບັດສົມພອນ ໄດ້ຫາຍຕົວໄປຕັ້ງແຕ່ແລງວັນເສົາ ເດືອນທັນວາ 2012 ປະມານ 5 ໂມງ ແລງ. ພັນລະຍາຂອງທ່ານສົມບັດ ແລະ ເພື່ອນຮ່ວມງານ ໄດ້ເຫັນທ່ານສົມບັດເທື່ອສຸດທ້າຍ ໃນເວລາທີ່ທ່ານໄດ້ ອອກຈາກຫ້ອງການ ປາເດກ ຢູ່ວຽງຈັນເພື່ອກັບໄປບ້ານ. ທ່ານສົມບັດ ຂັບລົດສ່ວນຕົວອອກຈາກ ຫ້ອງການ, ພັນລະຍາຂອງທ່ານ ກໍຂັບລົດ ເມືອຕ່າງຫາກ. ທ່ານສົມບັດບໍ່ໄດ້ໄປຮອດບ້ານ ແລະ ຄອບຄົວຂອງ ລາວ ກໍບໍ່ໄດ້ຮັບຂ່າວຫຍັງໝົດ ຫຼື ຂ່າວຂອງການຫາຍຕົວຂອງລາວ ນັບຕັ້ງແຕ່ນັ້ນມາ.

ພວກເຮົາມີຄວາມຫ່ວງໃຍກ່ຽວກັບຄວາມປອດໄພ, ສຸຂະພາບ ແລະ ສະພາບການເປັນຢູ່ຂອງສົມບັດ ສົມພອນ.

ພວກເຮົາຮູ້ວ່າ ກັມມະການສາກົນເພື່ອຈັດຕຽມ ເວທີປະຊາຊົນ ອາຊີ-ເອີຣົບ ໄດ້ເຮັດວຽກຢ່າງເອົາຈິງ ເອົາຈັງ ກັບສົມບັດສົມພອນ ໃນລະ ຍະປີຜ່ານມາ. ການປະກອບສ່ວນຂອງສົມບັດສົມພອນ ດ້ວຍຜົນ ສຳເລັດຂອງ ເວທີປະຊາຊົນ ອາຊີ-ເອຣົບ ຄັ້ງທີ 9 ຢູ່ວຽງຈັນ ໃນວັນທີ 16-19 ຕຸລາ ມີຄວາມໝາຍ ສຳຄັນທີ່ສຸດ ຖືກຮັບຮູ້ຢ່າງ ກວ້າງຂວາງ ແລະມີການນັບຖືຢ່າງເລິກຊຶ່ງ. ນອກນີ້ ສົມບັດສົມພອນ ເປັນອາຈານ ທີ່ໜ້ານັບຖືຢ່າງສູງ, ເປັນຕົວຢ່າງໃນວຽກງານການພັດ ທະນາແບບຍືນຍົງ ແລະເປັນຜູ້ ໄດ້ຮັບຫຼຽນມາກໄຊໄຊທີ່ມີຊື່ສຽງ ໃນ ສາກົນ ໃນປີ 2005 ເນື່ອງດ້ວຍການນຳພາຊຸມຊົນ. ສົມບັດໄດ້ ອຸທິດຕົນເພື່ອ ການພັດທະນາແບບຍືນຍົງ ແລະການຫຼຸດຜ່ອນຄວາມ ຍາກຈົນໃນ ສປປລາວ, ແລະທ່ານສົມບັດຍັງໄດ້ປະກອບສ່ວນໃນທາງ ບວກຫຼາຍໆຄັ້ງ ຢູ່ເວທີສາກົນ ລວມທັງ ເວທີປະຊາຊົນ ອາຊີ-ເອີຣົບ ຄັ້ງທີ 9. ສົມບັດໄດ້ ເປັນຕົວຢ່າງ ໃນການປະຕິບັດຕົວຈິງ ໃຫ້ນັກ ພັດທະນາທົ່ວໂລກ.

ພວກເຮົາມີຄວາມຫ່ວງໃຍອັນເລິກຊຶ່ງໃນຄວາມປອດໄພ ແລະສະພາບການເປັນຢູ່ຂອງສົມບັດ; ການຫາຍຕົວໄປຂອງສົມບັດ ເປັນເຫດໃຫ້ມີ ຄວາມແຕກຕື່ນຢ່າງຍິ່ງ.

ພວກເຮົາຮຽກຮ້ອງ ໃຫ້ລັດຖະບານລາວຕ້ອງເລີ້ມ ການສືບສວນ ສອບສວນທັນທີ ແລະຮີບດ່ວນໃນການ ຫາຍຕົວໄປຂອງສົມບັດສົມພອນ. ແລະ, ພວກເຮົາຂໍຮ້ອງໃຫ້ລັດຖະບານຈົ່ງກະທຳທຸກສິ່ງທຸກ ຢ່າງ ທີ່ຈຳ ເປັນເພື່ອເຮັດແນວໃດໃຫ້ທ່ານສົມບັດສົມພອນ ກັບຄືນສູ່ຄອບຄົວຂອງລາວ ດ້ວຍຄວາມປອດໄພ.

ດ້ວຍຄວາມນັບຖື

ລົງລາຍເຊັນ

Continue reading “ການຮຽກຮ້ອງດ່ວນຂອງສະມາຊິກສະພາທົ່ວທັງອາຊີ ແລະ ເອີຣົບ ຂອງທ່ານສົມບັດສົມພອນ”

ຄົນອົດສະຕຣາລີ ຂໍຮ້ອງ ບົບຄາຣ໌ ໃຫ້ຊ່ວຍ

ຮຽນພະນະທ່ານ ບົບຄາຣ໌, ຜູ້ແທນສະພາສູງ
ລັດຖະມົນຕີກະຊວງການຕ່າງປະເທດ

Level 10, Bligh House
4 – 6 Bligh Street, Sydney NSW 2000

Fax 02 9228 3655

ວັນຈັນ ວັນທີ 4 ກຸມພາ 2013

ພະນະທ່ານ,

ພວກຂ້າພະເຈົ້າ (ຜູ້ມີລາຍເຊັນຢູ່ລຸ່ມນີ້) ສົ່ງຈົດໝາຍມາຍັງທ່ານເພື່ອສະແດງ ຄວາມ ຫ່ວງໃຍຢ່າງເລິກ ເຊິ່ງ ໃນການຫາຍສາບສູນຂອງທ່ານສົມບັດສົມພອນ ນັກພັດທະນາການທີ່ ໜ້ານັບຖືຂອງລາວ.

ທ່ານສົມບັດເປັນອະດີດຜູ້ກໍ່ຕັ້ງທັງເປັນຫົວໜ້າຂອງສູນອົມຮົມການພັດທະນາທີ່ມີສ່ວນຮ່ວມ, ເປັນຜູ້ທີ່ ໄດ້ຮັບຫຼຽນຕາຄຳຊອບ ມາກໄຊໄຊ, ເປັນຄົນ ທີ່ເຮັດວຽກບໍ່ຮູ້ອິດບໍ່ຮູ້ເມື່ອຍ ເພື່ອການພັດທະນາຍືນຍົງ ແລະເພື່ອເຮັດໃຫ້ຊີວິດການເປັນຢູ່ ຂອງປະຊາຊົນ ຊົນນະບົດ ຂອງລາວໃຫ້ດີຂຶ້ນ.

ເມື່ອແລງວັນທີ 15 ຂອງເດືອນທັນວາ 2012 ຢູ່ນະຄອນຫຼວງວຽງຈັນ ທ່ານ ສົມບັດແລະພັນລະຍາ ໄດ້ກັບ ບ້ານພັກຂອງຕົນ ແຕ່ຂີ່ລົດຄົນລະຄັນ. ກ້ອງຖ່າຍຮູບຄົບວົງ ຈອນຂອງເຈົ້າໜ້າທີ່ຕຳຫລວດລາວ ໄດ້ ສະແດງໃຫ້ເຫັນວ່າ ທ່ານສົມບັດໄດ້ຢຸດ ແລະຈອດລົດ ຂອງລາວຢູ່ປ້ອມຕຳຫລວດ. ກ້ອງຖ່າຍຮູບຍັງ ເຮັດໃຫ້ ເຫັນວ່າ ລົດຈິບຂອງລາວ ຍັງມີຄົນຂັບ ໜີອີກ. ຕໍ່ມາ ສົມບັດກໍຖືກນຳຕົວຂຶ້ນລົດກະບະ ກັບ ສອງຄົນແລະກໍຂັບລົດນັ້ນໜີໄປ.

ນັບຕັ້ງແຕ່ນັ້ນມາ ຄອບຄົວຂອງທ່ານສົມບັດຍັງບໍ່ໄດ້ຮັບຂ່າວຄາວຫຍັງ.

ຂ່າວອັນດຽວ ທີ່ເປັນທາງການຂອງລັດຖະບານລາວກ່ຽວກັບບັນຫານີ້ ແມ່ນ ການປະຕິເສດ ວ່າ ທ່ານສົມບັດ ບໍ່ໄດ້ຖືກຕຳຫລວດກັກໄວ້ ແລະບໍ່ຮູ້ວ່າ ທ່ານສົມບັດຢູ່ບ່ອນໃດ, ແລະກໍຂ່າວວ່າ ອາດຈະ ເປັນເປົ້າໝາຍຂອງການຄຸມຕົວໄປປະກັນ. Continue reading “ຄົນອົດສະຕຣາລີ ຂໍຮ້ອງ ບົບຄາຣ໌ ໃຫ້ຊ່ວຍ”

ຈົດຫມາຍທີ່ສາມຈາກພັນລະຍາຂອງສົມບັດ

ສາທາ​ລະນະ​ລັດປະຊາທິປະ​ໄຕປະຊາຊົນ​ລາວ
ສັນຕິພາບ ​ເອກະລາດປະຊາທິປະ​ໄຕ ​ເອກະ​ພາບວັດທະນະ​ຖາວອນ

——-===000===——-

ຄຳຮ້ອງທຸກ

ຮຽນ: ບັນດາທ່ານທີນັບຖື

​ເລື່ອງ: ຂໍ​ຄວາມ​ຊ່ວຍ​ເຫຼືອ​​ຕິດຕາມ​​ການ​ດຳ​ເນີນ​ການ​ສືບຂ່າວ​ຊອກ​ຫາ​ຄົນ​ຫາຍຂອງ​ ເຈົ້າ​ໜ້າ​ທີ່​

ຂ້າພະ​ເຈົ້າ ນາງ ອຶງ ຊຸຍ​ມິ​ງ, ປະຈຸບັນຢູ່​ບ້ານ ​ໂຄກ​ນິນ, ​ເມືອງ ສີ​ສັດຕະ​ນາກ ນະຄອນຫຼວງ ວຽງຈັນ. ມີ​ຈຸດປະສົງ​ ຂໍ​ຮ້ອງທຸກ​ມາ​ຍັງ​ທ່ານ ​ແລະ​ນີ້​ກໍເປັນ​ຄຳ​ຮ້ອງທຸກ​ສະບັບ​ທີ​ສາມ​​ທີ່​ຂ້າພະ​ເຈົ້າ​ໄດ້​ຂຽນ​ຂຶ້ນ​ໃນ​ເລື່ອງ: ການຂໍ​ຄວາມ​ຊ່ວຍ​ເຫຼືອຕິດຕາມ​ການ​ດຳ​ເນີນ​ການສືບຂ່າວຊອກ​ຫາ​ການ​ຫາຍ​ຕົວ​ຂອງ​ສາມີ ຊື່ ທ້າວ ສົມບັດ ສົມ​ພອນ, ອາຍຸ 60 ປີ, ທີ່​ໄດ້​ຫາຍ​ຕົວ​ໄປ​ໃນ​ວັນ​ທີ 15 ທັນວາ 2012.

ມື້​ນີ້​ເປັນ​ມື້​ທີ່ 45​​ຫລັງ​ຈາກ​ສາມີ​ຂອງ​ຂ້າ​ພະ​ເຈົ້າ​ໄດ້​ຫາຍ​ຕົວ​ໄປ ​ແລະ ຂ້າ​ພະ​ເຈົ້າ​​ເຮັດ​ທຸກ​ຢ່າງ​ທີ່​ເປັນ​ການ​ຮ່ວມ​ມື​ກັບ​​ເຈົ້າ​ໜ້າ​ທີ່​ຕຳຫລວດ​ໃນ​ການ​ໃຫ້​ຂໍ້​ມູນ​ເພື່ອ​ຊ່ວຍ​ໃນ​ການ​ສືບ​ຫາ​ຕົວ​ສາມີ​ຂອງຂ້າພະ​ເຈົ້າ ​​ໃຫ້ໄວ​ເທົ່າ​ທີ່​ຈະ​ໄວ​​ໄດ້. ຂ້າພະ​ເຈົ້າ​ເອງ​ກໍ​ໄດ້​ພົບ​ກັບ​ທ່ານ​ຮອງ​ປະທານ​ສະພາ​ແຫ່ງ​ຊາດ ແລະ​ພະນັກງານ​ຂອງ​ສະພາ​ເອງ​ເພື່ອ​ຍື່ນ​ຄຳ​ຮ້ອງທຸກ​ຕໍ່​ສະພາ​ແຫ່ງ​ຊາດ​ໃນ​ນາມ​ຂອງ​ປະຊາຊົນ​ເພື່ອ​ຜັກ​ດັນ​ການ​ສືບ​ຫາ​​ໃຫ້ໄວ​ຂຶ້ນ. ​ແຕ່​ເຖີງຢ່າງ​ໃດກໍ່ດີ​ທຸກ​ຂໍ້​ມູນ ​ແລະທຸກ​ຂະ​ບວນການ​ທີ່​ຂ້າພະ​ເຈົ້າ​ໄດ້​ເຮັດ​ລົງ​ໄປນັ້ນ​ກໍ​ບໍ່​ໄດ້​ຮັບ​ຄວາມ​ຄືບ​ໜ້າ​ຫຍັງ​ທັງ​ໝົດ​ກ່ຽວ​ກັບ​ການ​ສືບ​ຂ່າວ, ນອກຈາກ​ຖະ​ແຫລ​ງການ​ທີ່​ເຈົ້າ​ໜ້າ​ທີ່​​​ໄດ້​ບອກ​ທາງ​ສື່​ມວນ​ຊົນ​ວ່າ ”ປະຈຸບັນເຈົ້າໜ້າທີ່ກໍາລັງທໍາການສືບຫາ​”

ຍັງມີອີກບາງປະເດັນດັ່ງລຸ່ມນີ້ທີ່ຂ້າພະເຈົ້າຍັງບໍ່ທັນໄດ້ຮັບຄຳຕອບທີ່ຊັດເຈນຄື:

  1. ເຈົ້າໜ້າທີສືບສວນໄດ້ສອບຖາມຫຍັງແດ່ຕໍ່ກັບຕຳຫລວດທີ່ໄດ້ຢຸດລົດຂອງສາມີຂ້າພະເຈົ້າ ໃນຕອນແລງຂອງວັນທີ 15 ທັນວາ 2012? ເຈົ້າໜ້າທີ່ໄດ້ຖາມບໍ່ວ່າ ເກີດຫຍັງຂຶ້ນໃນມື້ນັ້ນ ແລະ ພວກເຂົາໄດ້ເຫັນ ແລະໄດ້ຮູ້ຫຍັງແດ່?
  2. ບໍ່ຮູ້ວ່າຄົນຂີ່ລົດຈັກທີ່ໄດ້ຂັບລົດຈິບຂອງ ສົມບັດໄປນັ້ນໄດ້ຖືກສືບຖາມ ແລະຂະຫຍາຍຜົນແນວໃດ?
  3. ລົດຈິບຂອງສົມບັດ (ເລກທະບຽນ ກກ.2624) ໄດ້ຖືກພົບເຫັນຫລືຍັງ?
  4. ບໍ່ຮູ້ວ່າລົດກະບະສີຂາວທີ່ໄດ້ຂັບມາຈອດຢູ່ປ້ອມຕຳຫລວດແລະຮັບເອົາຕົວສາມີຂອງຂ້າພະເຈົ້າໄປນັ້ນ ໄດ້ຖືກຂະຫຍາຍຜົນຕື່ມແນວໃດ?
  5. ແລ້ວຄົນຂັບລົດກະບະສີຂາວນັ້ນໄດ້ຖືກສອບຖາມ ແລະຂະຫຍາຍຜົນຫລືຍັງ?
  6. ຖ້າຫາກວ່າແຟ້ມພາບຈາກກ້ອງວົງຈອນປິດຫາກເຫັນບໍ່ຊັດເຈນຕາມການລາຍງານຂອງເຈົ້າໜ້າທີ່, ບໍ່ຮູ້ວ່າທາງກະຊວງປ້ອງກັນຄວາມສະຫງົບໄດ້ຂໍຄວາມຊ່ວຍເຫລືອດ້ານເຕັກນິກຈາກລັດຖະບານ ອື່ນຫລື ອົງການສາກົນອື່ນໆຫລືບໍ່? ແລ້ວກ້ອງວົງຈອນປິດທີ່ຕິດຕັ້ງ ຕາມສາຍທາງທ່າເດື່ອກໍ ເຫັນບໍ່ຊັດເຈນເຊັ່ນດຽວກັນທັງໝົດບໍ່?
  7. ບໍ່ຮູ້ວ່າເຈົ້າໜ້າທີ່ຕຳຫລວດຂອງລາວໄດ້ຍົກປະເດັນນີ້ແຈ້ງ ແລະຂໍຄວາມຊ່ວຍ ເຫລືອຈາກ ຕຳຫລວດສາກົນ ຫລືບໍ່? ແລະໄດ້ແຈ້ງໃຫ້ແກ່ບັນດາເພື່ອນບ້ານ ໃນພາກພື້ນຮັບຮູ້ ແລະຊອກຫາຕົວ ສົມບັດຫລືບໍ່?

ທຸກຄຳຖາມຂ້າງເທິງນັ້ນຂ້າພະເຈົ້າຍັງບໍ່ທັນໄດ້ຮັບຄຳຕອບທີ່ເປັນໜ້າພໍໃຈ. Continue reading “ຈົດຫມາຍທີ່ສາມຈາກພັນລະຍາຂອງສົມບັດ”

ຈົດຫມາຍເປີດໃຫ້ກຸ່ມລາວທັງຫມົດ

ຈາກ ອຶງ ຊຸຍ​ມິ​ງ, ພັນ​ລະ​ຍາ​ຂອງ​ ສົມບັດ ສົມພອນ                                            25 ມັງກອນ 2013

ຕັ້ງ ​ແຕ່​ສົມບັດ​ໄດ້​ຫາຍ​ຕົວ​​ໄປ​ໃນ​ວັນ​ທີ 15 ທັນວາ 2012 ຢູ່​ໜ້າ​ປ້ອມ​ຕຳຫຼວດ​ຫຼັກ 3, ຖະໜົນ​ທ່າ​ເດື່ອ, ຄົນ​ລາວ​ທີ່​ອາ​ໃສ​ຢູ່​ໃນ​ແລະ​ນອກ​ປະ​ເທດ​ລາວ​ກໍ​ຕ່າງ​ສະ​ແດງ ​ຄວາມ​ຕົກ​ໃຈ ​ແລະ ​ເປັນ​ຫ່ວງ​ເປັນ​​ໄຍບໍ່​ວ່າ​ຈະ​ໃນ​ຮູບ​​ແບບ​ເປີດ​ເຜີຍ​ ຫຼື ​​ເປັນ​ການສ່ວນ​ຕົວກັບ​ຂ້າພະ​ເຈົ້າ ​ແລະ ຄອບຄົວ​ຂອງ​ຂ້າພະ​ເຈົ້າ ​​ແລະ​ຕ່າງ​ຄົນກໍ​ໄດ້​ອະທິຖານ​ຂໍ​ໃຫ້​ສົມບັດ​ກັບ​ມາ​ດ້ວຍ​ຄວາມ​ປອດ​​ໄພ. ທັງ​ໝົດ​ນີ້ ຂ້າພະ​ເຈົ້າ​ຢາກກ່າວ​ວ່າ “ຂໍ​ຂອບ​ໃຈ​ເປັນ​ຢ່າງ​ສູງ”

Sombath at Ramon Magsasay Award Ceremonyແນວ​ໃດ​ກໍ​ດີ, ມີ​ກຸ່ມ​ຄົນ​ລາງ​ບາງ​ກຸ່ມ​ ຫຼື ​ເປັນ​ລາຍ​ບຸກຄົນ​ທີ່​ໄດ້​ສວຍ​​ໃຊ້​​​ເຫດ​ການ​ທີ່​ໂສກ​ເສົ້າ​ນີ້ກ່ຽວ​ກັບ​ ສົມ​ບັດ​ເພື່ອ​ກະຈາຍ​ຂ່າວ​ທີ່​ເປັນ​ໄປ​ອັນຕະລາຍ ຫຼື​ການ​ໃຫ້​ຂໍ້​ມູນ​ທີ່​ບໍ່​ແມ່ນ​ຄວາມ​ຈິງ​ກ່ຽວ​ກັບ​ສົມບັດ ​​ທັງ​ໃນ​ຈຸດປະສົງ​ທາງ​ດ້ານ​ການ​ເມືອງ​ຫຼື​ສ່ວນ​ຕົວ.

ຂ້າພະເຈົ້າ​, ຂໍ​ຄວາມ​ກະລຸນາ​ຈາກທຸກ​ທ່ານ​​ໃຫ້​ຢຸດ​​ເຜີຍ​ແຜ່ຂ່າວ​ທີ່​ບໍ່​​​​ແມ່ນ​ຄວາມ​ ຈິງ ​ແລະ ທີ່​ເປັນ​ອັນຕະລາຍຢ່າງ ​ສິ້ນເຊິງ ດ້ວຍ​ຂໍ້​ມູນຄວາມ​ຈິງຕໍ່​ໄປນີ້:

  1. ສົມບັດ ບໍ່​ມີ​ສ່ວນ​ກ່ຽວຂ້ອງ​ກັບ​ກຸ່ມ​ການ​ເມືອງ​ໃດໆ ​ໃນ​ປະ​ເທດ​ຫຼື​ນອກ​ປະ​ເທດ​ ດັ່ງ​ທີ່​ມີ​ການ​ເວົ້າ​ເຖິງ ຫຼື​ການ​ຢືນຢັນ​ໃນ​ບາງ​ເວັບ​ໄຊ​. ສົມບັດ ຮັກ​ປະ​ເທດລາວ ​ແລະ ​ຄົນ​ລາວ​ນຳ​ກັນ ​ແລະ ລາວ​ກໍ​ສະໜັບສະໜຸນ​ທິດ​ທາງ​ການ​ພັດທະນາ​ຂອງ​ລັດ​ຖະ​ບານ​ລາວ​ ກໍ​ຄື​ແຜນ​ພັດທະນາ​ເສ​ດຖະກິດ ​ແລະ ສັງຄົມ​ລາວ ຢ່າງ​ເຕັມທີ່. ​ໃນ​ຖານະ​ທີ່​ເປັນ​ພົນລະ​ເມືອງ​ລາວ ​ໂດຍ​ສ່ວນ​ຕົວ​ແລ້ວ ສົມບັດ ​ວາງ​ບົດບາດ​ຕົນ​ເອງ​​ໃຫ້ເປັນ​ຜູ້​ສະໜັບສະໜຸນ​ລັດຖະບານ​ລາວ​ໃນ​ການຈັດ​ຕັ້ງ​ ປະຕິບັດ​ແຜນ​ພັດທະນາ​ປະ​ເທດ ​ໂດຍ​ສະ​ເພາະ​​ໃນ​ລະດັບ​ຊຸມ​ຊົນ. ​ລາວ​ໄດ້​ໃຊ້​ຊີວິດ​ແບບ​ນີ້​​​ມາເປັນ​ເວລາ 30 ກວ່າ​ປີ​ແລ້ວ ​ແລະ ກໍ​ເຮັດ​ວຽກ​ໂດຍ​ບໍ່​ຮູ້ອິດ​ຮູ້​ເມື່ອຍ​ ພະຍາຍາມ​ຍົກ​ລະດັບ​ຄຸນ​ນະພາ​ບຊີວິດ​ຂອງ​ຄົນ​ລາວນຳ​ກັນ​ໃຫ້​ດີ​ຂື້ນ, ​ໂດຍ​ສະ​ເພາະ​ຄົນ​ທີ່ຢູ່​ເຂດ​ຊົນນະບົດ ດ້ວຍຮູບ​ແບບ​ການ​ໃຫ້ຄວາມ​ຮູ້​ແລະທັກ​ສະ​ຕາມ​ທີ່​ລາວ​ມີ ​ພ້ອມ​ກັນ​ນັ້ນ ກໍ​ຍັງ​​ເຮັດ​ວຽກ​ຮ່ວມ​ມື​ກັບຄົນ​ອື່ນໆ ​ແລະ ລັດຖະ​ບານ​​​ໃນ​ດ້ານ​ການ​ປຶກສາ​ຫາລື ຫຼື​ການ​ມີ​ສ່ວນ​ຮ່ວມ.
  2. ສົມບັດ​ເປັນ​ຖືສັນຊາດ​ລາວ ​ແລະ ບໍ່ມີ​ສອງ​ສັນຊາດ. ລາວ​ມີ​ບັດ​ຜ່ານ​ແດນ​ຂອງ​ ສປປ ລາວ​ເທົ່າ​ນັ້ນ.
  3. ສົມບັດ ​ບໍ່​ເຄີຍ​ໃຊ້​ເງິນ​ຊ່ວຍ​ເຫຼືອ​ທີ່​ກ່ຽວຂ້ອງ​ກັບ​ໂຄງການ​ຫຼື​​ໂປຼແກຼມ​​ໃດໆ ​ໄປ​ໃນ​ທາງ​ທີ່​ບໍ່​ຖືກຕ້ອງ. ລາວ​ບໍ່​ເຄີຍ​​ໂກງ​ເງິນ​ຈາກ​ໂຄງການ​ຫຼື​ໂປຼ​ແກຼມ​ໃດໆ​ ຢ່າງ​ທີ່​ມີ​ຂ່າວ​ລື​ວ່າ​ເປັນ​ສາ​ເຫດ​ຂອງ​ການ​ຫາຍ​​ໂຕ​ໄປ​ຂອງ​ລາວ​.

​ແດ່​ຄົນ​ລາວ, ຂໍ​ໃຫ້​ຄຳນຶງວ່າ:

“ສົມບັດບໍ່ຄວນ ​ຖືກ​ໃຊ້​​ເປັນ​ເຄື່ອງມື​ຂອງ​ໃຜ ລາວເປັນ​ມະນຸດ​ຄົນ​ໜຶ່ງທີ່​ຊີວິດ​ແລະ​ຈິດ​ໃຈ ສາມາດ​​​ໄດ້​ຮັບອັນຕະລາຍ​ຈາກ​​ການ​ກະທຳ​ຂອງ​ທ່ານ ບໍ່​ວ່າ​​ຈະ​ເຈດ​ຕະນາ ຫຼືບໍ່​​ເຈດ​ຕະນາກໍ່ຕາມ​​”

ຄຳຖະແຫຼງການຈາກ ຮິລາຣີ ຄລິນຕັ­ນ

ທ່ານ ນາງ ຮິລາຣີ ຄລິນຕັ­ນ
ລັດຖະມົນຕີກະຊວງການຕ່າງປະເທດອະເມຣິກາ
ວໍຊິງຕັນແດີຊີ
ວັນທີ 16 ມັງກອນ 2013

ພວກເຮົາມີຄວາມເປັນຫ່ວງທີ່ສຸດຕໍ່ຄວາມປອດໄພຂອງທ່ານສົມບັດສົມພອນຊຶ່ງເປັນຜູ້ນຳພາດ້ານ ການ ພັດທະນາສັງຄົມໄນລາວທີ່ໄດ້ຫາຍໂຕໄປໃນນຶ່ງເດືອນຜ່ານມາ. ລາຍງານ ໄດ້ແຈ້ງໃຫ້ຊາບວ່າ ທ່ານສົມບັດ ໄດ້ຫາຍໂຕໄປເມື່ອວັນທີ່ 15 ຫຼັງຈາກຖືກເອີ້ນໄຫ້ຢຸດລົດ ຢູ່ດ່ານກວດຂອງຕຳຫຼວດໃນ ນະຄອນຫຼວງວຽງຈັນ. ພວກເຮົາຮຽກຮ້ອງລັດຖະບານລາວ ໃຫ້ຕິດຕາມສືບສວນເລື້ອງທີ່ເກີດຂື້ນ ຢ່າງໂປ່ງໄສ ແລະເຮັດທຸກວິທີທາງ ຕາມອຳນາດທີ່ ຕົ້ນມີ ເພີ້ອໃຫ້ທ່ານສົມບັດໄດ້ກັບຄືນຫາ ຄອບຄົວຂອງລາວຢ່າງຮີບດ່ວນ ແລະປອດໄພ.

Clinton-statementຫຼັງຈາກທີ່ສົມບັດໄດ້ສຳເລັດການສຶກສາຈາກສະຫະຣັດອະເມຣິກາ ລາວໄດ້ເຮັດວຽກຢ່າງ ບໍ່ຮູ້ອິດຮູ້ເມື່ອຍ ເພື່ອສົ່ງາສີມການພັດທະນາທີ່ ຍືນຍົງໃນລາວ ແລະເປັນແຮງບັນດານໃຈ ໃຫ້ແກ່ຜູ້ນຳ ຮຸ່ນໃໝ່ອີກດວ້ຍ. ທ່ານ ສົມບັດໄດ້ກໍ່ຕັ້ງສູນອົບຮົມ ຮ່ວນພັດທະນາ (ປາແດກ) ເພື່ອຍົກລະດັບ ຄວາມອາດສາມາດຂອງໄວໜຸ່ມ ແລະ ພະນັກງານລັດໃນດ້ານ ການພັດທະນາຊຸມຊົນ ແລະການຫຼຸດຜອນຄວາມທຸກຍາກ. ການຫາຍໂຕໄປຂອງສົມບັດໄດ້ສ້າງຄວາມກັງວົນຢ່າງໃຫຍ່ຫຼວງ ໄຫ້ກັບຄອບຄົວ ເພື້ອນມິດ ແລະ ເພື້ອນຮ່ວມງານໃນທົ່ວທຸກມຸມໂລກ. ສະນັ້ນ ພວກເຮົາຈື່ງຮຽກຮ້ອງມີ ການສົ່ງໂຕ ທ່ານສົມບັດ ໄຫ້ກັບຄືນ ຫາຄອບຄົວຢ່າງຮີບດ່ວນ ແລະ ພ້ອມດຽວກັນນີ້ ພວກເຮົາຂໍສົ່ງ ຄວາມປາຖະໜາດີ ແລະຄຳອະທິຖານເຖິງຄອບຄົວ ແລະຄົນຮັກແພງຂອງ ລາວນາຍັງທີ້ດ້ວຍ.

ຈົດໝາຍ​ເປີດ​ໃຈມາ​ຍັງ​ຜູ້​ປາດຖະໜາ​ດີ​ຕໍ່​ສົມບັດ

ຈາກ ຊຸຍ​ມິ​ງ, ​ເມຍ​ຂອງ ​ສົມບັດ ສົມ​ພອນ

ຕັ້ງ​ແຕ່ ສົມບັດ​ຫາຍ​ຕົວ​ໄປ​ໃນ​ຕອນ​ແລງ​ຂອງ​ວັນ​ທີ 15 ​ເດືອນ​ທັນວາ ປີ 2012, ທັງຄອບ​ຄົວ​ແລະ ​​ຂ້າພະເຈົ້າເອງ​ ​ແມ່ນ​ປະ​ທັບ​ໃຈ​ຕໍ່​ຄວາມ​ຮັກ, ​ຄວາມ​ຫ່ວງ​ໃຍ​ແລະ​ ການ​ສະ​ໜັບ​ສະ​ໜູນ ຈາກ​ໝູ່​ຄູ່, ​ເພື່ອນ​ຮ່ວມ​ງານ, ອົງການ​ຈັດ​ຕັ້ງຕ່າງໆ ພາຍ​ໃນ​ຂົງ​ເຂດ​ແລະ​ໃນ​ລະດັບ​ສາກົນ, ອົງກອນ​​ພາກ​ສັງຄົມ, ຕົວ ​ແທນ​ລັດຖະບານ ​ແລະ ຕົວ​ແທນ ສື່ມວນ​ຊົນ ທີ່​ໄດ້​ຮ່ວມ​ມື​ກັນຮຽກຮ້ອງ​ໃຫ້ ລັດຖະບານ​ລາວ ສຸມ​ກຳລັງ ​ແລະ​ຄວາມ​ອາດ​ສາມາດ​ທີ່​ມີ​ຢູ່​ໃນການ​ສືບສວນ​ຊອກຫາວ່າ ​ສົມບັດ​ຢູ່​ບ່ອນ​ໃດ ​​ເພື່ອ​​ໃຫ້​ໄດ້​ກັບ​ຄືນ​ມາ​ຫາຂ້າພະເຈົ້າ ​ແລະ​ຄອບຄົວຢ່າງ​ປອດ​ໄພ. ພວກ​ເຮົາຊາ​ບຊຶ້ງ ​Sombath with Tutu (cropped)ແລະ ປະ​ທັບ​ໃຈທີ່​ທຸ​ກຄົນສະ​ແດງ​ຄວາມ​ສາມັກຄີ​ເປັນ​ຫ່ວງ​ຕໍ່ຄວາມ​ປອດ​ໄພ​​ຂອງ ສົມບັດ.

ໃນ ​ຂະນະ​ດຽວ​ກັນ ມີ​ຫລາຍ​ບົດ​ເລື່ອງ ​ແລະ​ ຖ​ະ​ແຫຼ​ງການ​ທີ່​ຂຽນ​ກ່ຽວ​ກັບ​ການ​ຫາຍ​ຕົວ​ໄປ​ຂອງ​ສົມບັດ ​ແລະ​ ຮຽກຮ້ອງ​ເຖິງຄວາມ​ປອດ​ໄພ​ແມ່ນ​ເປັນ​ປະ​ໂຫຍ​ດ, ມີບາງ​ບົດ​ລາຍ​ງານສະ​ແດງ​ຄວາມ​ຄິດ​ເຫັນ​ບາງ​ຢ່າງທີ່​ຂາດ​ຂໍ້​ມູນ​​ແທ້​ຈິງ ຫຼື ເປັນ​ການ​ຄາດ​ເດົາ. ສິ່ງ​ທີ່​ຂ້າພະເຈົ້າ​ປາດ​ຖະໜາ ​ແມ່ນ​ຄວາມ​ປອດ​ໄພ ​ແລະ​ຄວາມເປັນຢູ່ຂອງ​ສົມບັດ ບໍ່ວ່າລາວຈະຢູ່ໃສ. ດ້ວຍ ​ເຫດຜົນ​ນີ້ ຂ້າພະເຈົ້າຈິ່ງ​ຂໍ​ຮຽກຮ້ອງ​ຜູ້​ທີ່​ປາ​ດ​ຖະໜາ​ດີ ຢ່າເວົ້ານອກເໜືອຈາກຄວາມຈິງ​ຫຼືເຮັດໃຫ້ຄົນເຂົ້າໃຈຜິດກ່ຽວກັບສົມບັດ ຫລື ວຽກຂອງລາວ.

ນີ້​ຄື​ຂໍ້​ມູນ​ທີ່​ແທ້​ຈິງ​ທີ່​ຂ້າພະເຈົ້າຮູ້:

  1. ສົມບັດ​ ຖືກ​ພົບ​ເຫັນ​​ຄັ້ງ​ສຸດ​ທ້າຍ ​ເມື່ອ​ວັນ​ທີ 15 ​ເດືອນທັນວາ ເຊິ່ງຜູ້ກ່ຽວຂັບ​ລົດ​ຈີບ​ຕາມ​ຫຼັງຂ້າພະເຈົ້າມາເພື່ອກັບ​ບ້ານ​​ກິນ​ເຂົ້າ​ແລງ ​ຂ້າພະເຈົ້າເຫັນ​ລາວ​ຄັ້ງ​ສຸດ​ທ້າຍ​ຜ່ານ​ແ​ວ່ນລົດ​ເບື້ອງ​ຂ້າງເວລາ ປະມານ 6 ​ໂມງ​ແລງ ​ໃກ້​ກັບປ້ອມ​ຕຳ​ຫຼວດ ກິ​ໂລ​ແມັດ​ທີ 3 ຢູ່ຖະໜົນ​ທ່າ​ເດື່ອ.
  2. ເມື່ອ​ລາວ​ບໍ່​ກັບມາ​​ບ້ານ​ຄືນນັ້ນ, ພວກ ​ເຮົາ​​ໄດ້ໄປ​ຊອກ​ຫາ​ທຸກ​ຫົນ​ແຫ່ງ ບ່ອນ​ທີ່​ລາວ​ຖືກພົບ​ເຫັນ​ຄັ້ງ​ສຸດ​ທ້າຍ ​ແລະ​ໄປ​ຊອກ​ຫາ​ຕາມ​ໂຮງໝໍ​ ດ້ວຍຄວາມ​ຫວັງທີ່​ຈະ​ພົບ​ເຫັນ ​ແຕ່​ກໍ່​ບໍ່ໄດ້ຫຍັງ.
  3. ມື້​ວັນ​ທີ 16 ​ເດືອນທັນວາ ພວກ​ເຮົາ​ໄດ້​ໄປ​ລາຍ​ງານ​ຕໍ່​ບ້ານ, ​ເມືອງ ​ແລະ ເຈົ້າໜ້າທີ່ຕໍາຫຼວດ. ທາງຄອບຄົວ​ໄດ້​ສືບຕໍ່​ຊອກ​ຫາ​ອີກ​ຄັ້ງ​ຕາມ​ໂຮງໝໍ​ຫຼາຍ​ແຫ່ງ​ໃນະຄອນຫຼວງ​ວຽງ​ຈັນ ​ແຕ່​ກໍ່​ບໍ່​ມີ​ຮ່ອງ​ຮອຍ​ໃດໆ.
  4. ວັນ​ທີ 17 ​ເດືອນ​ທັນວາ 2012 ​ໄດ້​ຂໍ​ຮ້ອງ​​ໄປ​ຍັງຫ້ອງການ​ຕຳຫຼວດ​ນະຄອນ​ຫຼວງ​ວຽງ​ຈັນ​ເພື່ອ​ເບິ່ງການ​ບັນທຶກ​ພາບ​ຖ່າຍຈາກ​ກ້ອງ​ວົງ​ຈອນ​ປິດ (CCTV) ທີ່​ຕິດ​ຕັ້ງ​ໄວ້​ໃກ້​ກັບ​ປ້ອມ​ຕຳຫຼວດ ບ່ອນ​ທີ່​ສົມບັດຖືກ​ພົບ​ເຫັນ​ຄັ້ງ​ສຸດ​ທ້າຍ. ຕຳຫຼວດ ​ທີ່​ເຂົ້າ​ເຮັດ​ວຽກ​ຢູ່​ໃນ​ຂະນະ​ນັ້ນ​ໄດ້​ໃຫ້​ຄວາມ​ຮ່ວມ​ມື​ເປັນ​ຢ່າງ​ດີ ອະ​ນຸຍາດ​ໃຫ້​ພວກ​ເຮົາ​ເບິ່​ງຟິມທີ່​ບັນທຶກ​ໄວ້​ຈາກກ້ອງ​ CCTV. ຈາກ ​ຟິມທີ່​ບັນ​ທືກ​ໄວ້ ພວກ​ເຮົາ​ເຫັນ​ຕຳຫຼວດ​ຢຸດ​ລົດ​ສົມບັດ​ຢູ່​ປ້ອມ​ຕຳ​ຫຼວດ ແລະ ສົມບັດ​ຍ່າງ​ລົງ​ຈາກ​ລົດ ​ແລະ​ເຂົ້າ​ໄປ​ໃນ​ປ້ອມ​ຕຳຫຼວດ.
  5. ຕໍ່ ​ມາ​ມີ​ຄົນ​ຂີ່​ລົດຈັກ​ຄັນ​ໜຶ່ງມາ ຈອດ​ລົດ​ໄວ້ໃກ້ກັບ​ລົດ​ຈີບແລ້ວ​ແລ່ນ​ເຂົ້າ​ໄປ​ໃນ​ປ້ອມ​ຕຳຫຼວດ ​ແລະ​ຕໍ່​ມາກໍອອກມາຂັບ​ລົດ​ສົມບັດອອກໄປ.
  6. ບໍ່ພໍເທົ່າໃດນາທີ ກໍ່ເຫັນ​ລົດ​ກະບະ​ຄັນ​ສີຂາວ ໃຊ້ໄຟສັນ​ຢານ​ຂໍທາງ ​ແລະ​ຂັບມາ​ຢຸດ​​ໄກ້​ກັບ​ປ້ອມ​ຕຳຫຼວດ ​ແລະ ເຫັນສອງ ຫຼື ສາມ​ຄົນ​​ຂຶ້ນ​ລົດ​ແລະ​ຂັບ​ລົດ​ອອກ​ໄປ​ດ້ວຍ​ຄວາມ​ຟ້າວ​ຝັ່ງ.
  7. ຂໍ້​ມູນ​ຂ້າງ​ເທິງ​ນີ້​ຂ້າພະເຈົ້າ​ໄດ້​ລາຍ​ງານ​ໃນ​ຈົດໝາຍ ລົງ​ວັນ​ທີ 17 ​ເດືອນ​ທັນວາ 2012 ​ໄປ​ຍັງ​ຫົວໜ້າ​ຫ້ອງການ ກະຊວງ​ປ້ອງ​ກັນ​ຄວາມ​ສະຫງົບ. ​ໃນ​ວັນ​ທີ 18 ​ເດືອນ​ທັນວາຂ້າພະເຈົ້າ​ກໍ່​ໄດ້​ຂຽນຈົດໝາຍ​ອີກສະບັບ​ໜຶ່ງ​ໄປ​ຫາ​ທ່ານ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ກັບ​ສຳເນົາຟີມ​ບັນທຶກ​ພາບຈາກ​ກ້ອງ​ CCTV ​ແລະ​ບົດບັນທຶກ​ຂອງເຈົ້າ​ໜ້າທີ່​ຕຳຫຼວດທີ່ກ່ຽວຂ້ອງ. ຂ້າພະເຈົ້າໄດ້​ຂໍ​ຮ້ອງ​ໃຫ້​ທ່ານ​ລັດຖະມົນຕີ​ຊ່ວຍ​ຕິດຕາມ​ສືບສວນການ​ຫາຍ​ຕົວ​ໄປ​ຂອງ​ສົມບັດ.
  8. ວັນ​ທີ 19 ​ເດືອນ​ທັນວາ 2012 ລັດຖະບານ​ລາວ​ໄດ້​ອອກ​ຖະ​ແຫຼງການ​ວ່າ ​ເຈົ້າ​ໜ້າ​ທີ່​ໄດ້​ຢຸດ​ລົດ​ຂອງ​ສົມ​​ບັດແທ້ຕາມ​ເຫັນ​ໃນ​ການ​ບັນທຶກ​ພາບ​ຂອງ​ກ້ອງ CCTV ແຕ່​ເປັນ​ການ​ກວດກາ​​ເອກະ​ສານ​ລົດ​ຕາມ​ປົກກະຕິ. ຕໍ່​ມາ​ກໍ່​ໄດ້ເວົ້າ​ວ່າ ບຸກຄົນ​ທີ່​ຂຶ້ນ​ລົດ​ກະບະຄັນ​ສີຂາວ​ບໍ່​ສາມາດ​ຢັ້ງຢືນ​ວ່າ ​ມີສົມບັດ​ໃນ​ກຸ່ມ​ຄົນ​ດັ່ງກ່າວ. ຖະ​ແຫຼ​ງການ​ກ່າວ​ຕໍ່​ໄປ​ວ່າ ສົມບັດອາດຖືກລັກ​ພາ​ຕົວ ຍ້ອນ​ເຫດຜົນ​ການ​ຄັດ​ແຍ່ງສ່ວນ​ຕົວ ຫຼື ການ​ຄັດ​ແຍ່​ງທາງ​ທຸລະ​ກິດ. ຖະ ​ແຫຼ​ງການ​ກ່າວ​ຕອນທ້າຍ​ວ່າລັດຖະບານ​ຈະ​ເອົາ​ໃຈ​ໃສ​ສືບສວນ​ຢ່າງ​ຈິງຈັງ​ ເພື່ອຊອກຫາສົມ​ບັດ ​ແລະ​ສົ່ງ ລາວ​ກັບ​ຄືນ​ຫາຄອບຄົວ​ດ້ວຍ​ຄວາມ​ປອດ​ໄພ.
  9. ວັນ​ທີ 26 ​ເດືອນ​ທັນວາ 2012 ຂ້າພະເຈົ້າໄດ້​ຖືກເຊີນໄປ​ຫ້ອງການ​ຕຳຫຼວດ​ນະຄອນ​ຫຼວງ​ວຽງ​ຈັນ ແລ້ວ​ຖືກສອບຖາມ​ກ່ຽວ​ກັບ​ຊີວະ​ປະຫວັດຂອງ​ສົມບັດ, ຄອບຄົວ​ ແລະ ວຽກ​ຂອງ​ລາວ, ຊີວະປະຫວັດ ແລະ ວຽກ​ງານ​ຂອງ​ຂ້າພະເຈົ້າ. ຫຼານ​ສາວ​, ນ້ອງ​ສະ​ໄພ້​ຂອງຂ້າພະເຈົ້າ ​ແລະ ​ເພື່ອນ​ຮ່ວມ​ງານ​ຂອງ​ສົມບັດ​ທີ່​ເຮັດ​ວຽກຢູ່​ສູນ​​ອົບຮົມຮ່ວມ​ພັດທະນາ ກໍ່​ຖືກຕຳຫຼວດເອີ້ນ​ໄປສອບຖາມເຊັ່ນ​ກັນ.
  10. ມື້​ວັນ​ທີ 4 ​ເດືອນມັງກອນ 2013, ​ເອກ​ອັກຄະລະທູດ​ ສປປ ລາວ ທີ່​ນະຄອນ ຈີ​ນິວາ, ທ່ານຍົງ ຈັນທະ​ລັງສີ ​ໄດ້​ຖະແຫຼງການ​ການ​ອີກຄັ້ງ​ໜຶ່ງ​ວ່າ ສົມບັດ​ບໍ່​ໄດ້​ຖືກ​ຕຳຫຼວດກັກ​ຕົວ​ ​ແລະ​ກ່າວ​ຢໍ້າວ່າ ສົມບັດ​ ອາດ​ຖືກລັກ​ພາ​ຕົວ.
    ຂ້າພະເຈົ້າບໍ່​ເຄີຍໂຕ້ແຍ້ງ​ຄຳ​ຖະ​ແຫຼ​ງການ​ຂອງ​ລັດຖະບານ. ​ໃນ​ທຸກ​ບົດ​ສຳພາດ​ຂອງຂ້າພະເຈົ້າ​ຕໍ່​ສື່ ​ແລະ​ໃນ​ການ​ເວົ້າ​ຕໍ່​ສາທາລະນະ ຂ້າພະເຈົ້າໄດ້​ຮ້ອງຂໍ​ໃຫ້​ລັດຖະບານ​ລາວ​ສືບ​ສວນຊອກ​ຫາ ​ສົມບັດ ​ເພື່ອ​ຮັບປະກັນ​ຄວາມ​ປອດ​ໄພຂອງຜູ້ກ່ຽວ ​ແລະໃຫ້​ລາວໄດ້ກັບ​​ມາ​ຫາ​ຂ້າພະເຈົ້າ ​ແລະ​ຄອບຄົວດ້ວຍ​ຄວາມ​ປອດ​ໄພ. ຂ້າພະເຈົ້າຍັງ​ໄດ້​ບອກ​ວ່າ ສົມບັດ​ມີ​ບັນຫາ​ສຸຂະພາບ ​ເຊິ່ງຕ້ອງການ​​ກິນ​ຢາ​ທຸກໆ ມື້ ​ແລະ​ເມື່ອ​ໃດ​ລາວ​ກັບ​ມາ​, ຂ້າພະເຈົ້າຈະ​ພາລາ​ວ​ໄປ​ປິ່ນປົວ​ຢູ່​ຕ່າງປະ​ເທດ​ຈົນ​ກວ່າ​​ຈະ​ຫາຍ​ເປັນ​ປົກກະຕິ.

ວຽກຂອງສົມບັດ:

ຕະຫຼອດ 30 ປີ ຜ່ານມາ ສົມບັດເຮັດວຽກຢ່າງເປີດເຜີຍໃນການສະໜັບສະໜູນ ນະໂຍບາຍຂອງລັດຖະບານ ໂດຍເລັ່ງໃສ່ວຽກງານເພີ່ມການຮັບປະກັນທາງດ້ານ ສະບຽງອາຫານ ແລະປັບປຸງຊີວີດການເປັນຢູ່ຂອງປະຊາຊົນ ເຂດຊົນນະບົດ, ສົ່ງເສີມ ການໃຊ້ ເທັກໂນໂລຢີ ທີ່ເໝາະສົມໃນວຽກງານຈັດຫານ້ຳສະອາດ ແລະ ສຸຂະອະນາໄມ, ປັບປຸງການຮຽນການສອນ ໃນໂຮງຮຽນ, ສະໜັບສະໜູນການສ້າງຊັບພະຍາກອນມະນຸດ ໂດຍສະເພາະແມ່ນ ວຽກ​ງານໄວໜຸ່ມ ໂດຍການຝືກອົບອົບຮົມທັກສະການເປັນຜູ້ນຳພາ​ກິດ​ຈະ​ກຳ ແລະ ການລົງບໍລິການຊຸມຊົນ. ໃນຊຸມປີຫລັງໆ ມານີ້ ລາວໄດ້ເຮັດວຽກຢ່າງ ໃກ້ຊິດກັບອົງການພຸດທະສາດສະໜາ ໃນການຝືກອົບ​ຮົມພະສົງ ເພື່ອສະໜັບສະໜູນ ຕໍ່ວຽກ​ງານລັດຖະບານໃນການ​ແກ້​ໄຂບັນຫາຢາເສບຕິດ ແລະການຟື້ນຟູຜູ້ຕິດຢາ. ໃຫ້ການຊ່ວຍ​ເຫຼືອຜູ້ຕິດເຊື້ອແລະຜູ້ໄດ້ຮັບຜົນກະທົບຈາກບັນຫາໂລກເອດ.​

ໃນ ​ຫຼາຍບົດ​ຄວາມ​ ​ແລະ​ຖະ​ແຫຼ​ງການຫວ່າງ​ມໍ່ໆ ​ມາ​ນີ້ ທີ່​ກ່ຽວກັບ​ການ​ຫາຍ​ຕົວ​ໄປ​ຂອງ​ສົມບັດ ບາງ​ຄັ້ງໄດ້ໃຫ້ນາມລາວວ່າ ເປັນຜູ້ປົກ​ປ້ອງ​ສິດທິ​ມະນຸດຫຼື ນັກ​ຕໍ່ສູ້​ທາງ​ດ້ານ​ສັງຄົມ. ຄຳ​ສັບ​ດັ່ງກ່າວ​ນີ້​ບໍ່​ໄດ້​ສະ​ແດງ​ເຖິງຕົວ​ຕົນຂອງສົມບັດ​ ຫລື ວຽກ​ຂອງ​ລາວ​ຢ່າງ​ແທ້​ຈິງຢ່າງ​ໃດ​ເລີຍ. ແມ່ນແທ້ທີ່ ສົມບັດ ກໍ່ຄືຜ່ານ​ວຽກ​ງານຂອງ​ລາວ ​ໄດ້​ເຮັດ​ວຽກຢ່າງ​ບໍ່ຮູ້ອິດຮູ້​ເມື່ອຍ​ເພື່ອພັດທະນາ ຊັບພະຍາກອນມະນຸດ ແລະ ​ຊ່ວຍ​ເຫຼືອ ປະຊາຊົນທີ່ທຸກຍາກໃນ​ເຂດຊົນນະບົດໃຫ້ມີຄວາມເປັນ​ຢູ່​ທີ່ດີ​. ​ແຕ່​ວຽກ​ຂອງ​ສົມບັດ​ບໍ່​ເຄີຍ​ທ້າທາຍຫຼືເປັນປໍ​ລະ​ປັກ​ຕໍ່​ນະ​ໂຍບາຍລັດຖະບານ. ທຸກ ​ໂຄງການ ທຸກ​ກິດຈະກຳ ທີ່​ສົມບັດ​ຈັດ​ຕັ້ງ​ປະຕິບັດ​ລ້ວນ​ແລ້ວ ​ແຕ່​ໄດ້​ຮັບ​ການ​ອະນຸມັດ​ຈາກ​ຂະ  ແໜງ​ການ​ຂອງ​ລັດ ​ແລະ​ໄດ້​ຮັບ​ການ​ຮ່ວມ​ມື​ຈາກ​ອຳນາດ​ການ​ປົກຄອງ​ທ້ອງ​ຖິ່ນ​ ເຊິ່ງສົມບັດ​ມີ​ຄວາມ​ເຊື່ອ​ຢ່າງ​ໜັກ​ແໜ້ນ​ວ່າ ​ແຜນ​ງານ​ການ​ພັດທະນາທີ່ມີ​ປະສິດທິພາບ ​ແລະທີ່​ຈະ​ສົ່ງ​ຜົນ​ກະ​ທົບ​ໃນ​ທາງບວກ ​ໃນ​ໄລຍະ​ຍາວນັ້ນ ​ຈະ​ຕ້ອງເປັນ​ການ​ຮ່ວມມື​ກັນ​ກັບ​ຫລາຍ​ພາກສ່ວນ​ໃນ​ສັງຄົມ​ລາວ ​ເຊັ່ນ ພາກ​ລັດ, ອົງການ​ຈັດ​ຕັ້ງ​ມະຫາຊົນ, ອົງການ​ຈັດ​ຕັ້ງ​ບໍ່​ສັງກັດ​ລັດ, ພໍ່​ແມ່, ຄູ ອາຈານ, ຊາວໜຸ່ມ, ຜູ້​ເຖົ້າ​ຜູ້​ແກ່ ​ຕະຫຼອດ​ຮອດ​ຊາວບ້ານ. ນີ້​ແມ່ນ​ຫຼັກການ​ພື້ນຖານ​ທີ່​ເປັນ​ແນວທາງ​ໃນ​ການ​ເຮັດ​ວຽກ​ຂອງ​ລາວ ຕະຫຼອດໄລ​ຍະ 30 ປີ.

ປັດ ​ສະ​ຍາ​ການ​ພັດທະນາ​ຂອງສົມບັດ​ແມ່ນ​​ສົ່ງ​ເສີມ​ການ​ພັດທະນາ​ໃຫ້​ມີຄວາມ​ສົມ​ ດູ​ນ​ແລະ​ຍືນຍົງ ສົມບັດ​ບໍ່​ເຄີຍ​ມີ​ແນວຄິດ​ຄັດ​ຄ້ານ​ການ​ພັດທະນາດ້ານເສດຖະກິດ ​ແຕ່​ລາວ​ຢາກຊັກຊວນໃຫ້​ຄຳ​ນຶງ​ເຖິງການ​ພັດທະນາ​ດ້ານ​ເສດຖະກິດໃຫ້​ມີ​ຄວາມ​ ສົມ​ດູ​ນໄປ​ພ້ອມໆ​ກັບ​ການ​ພັດທະນາ​ດ້ານ​ຈິດ​ໃຈ-ຄວາມ​ຢູ່​ດີ​ມີ​ສຸກ, ດ້ານ​ສິ່ງແວດ​ລ້ອມ ​ແລະ ດ້ານວັດທະນະທຳ. ສົມບັດ​ເຊື່ອ​ວ່າ ການ​ພັດ​ທະ​ນາ​ໂດຍ​ຄຳ​ນຶງ​ເຖິງຄວາມ​ສົມ​ດູນ​ໃນ 4 ດ້ານ​ນີ້​​ແມ່ນ​ວິທີ​ທາງ​ທີ່​ດີທີ່ສຸດ, ຈະ​ສົ່ງ​ຜົນ​ສຳ​ເລັດ​ໃນ​ໄລ​ຍະ​ຍາວໃນ​ການ​ກ້າວ​ໄປ​​ສູ່​ສັງ​ຄົມ​ທີ່​ສະ​ຫງົບ​ສຸກ, ​ເສດຖະກິດທີ່​ມີຄວາມ​ໝັ້ນ​ຄົງ, ​ແລະ​ ສິ່ງ​ແວດ​ລ້ອມ​ທີ່​ຍືນ​ຍົງ. ​ແນວ ​ຄວາມ​ຄິດ​ດັ່ງກ່າວ​ບໍ່​ແມ່ນ​ສິ່ງໃໝ່​ແຕ່​ມັນ​ກໍນອນ​ຢູ່​ໃນ​ນະ​ໂຍບາຍ​ດ້ານ​ ການ​ພັດທະນາ​ຂອງ​ລັດຖະບານເຊັ່ນ​ກັນ ​ເຊິ່ງ​ກໍແມ່ນ​​ເງື່ອນ​ໄຂ​ພື້ນຖານທີ່​ຈຳ​ເປັນ​ໃນ​ການ​ຫຼຸດຜ່ອນ​ຄວາມທຸກ​ຍາກ, ເພື່ອບັນລຸ​ເປົ້າ​ໝາຍ​ສະຫັດ​ສະ​ວັດ​ດ້ານ​ການ​ພັດທະນາ ​ແລະ​ເຮັດ​ໃຫ້​ລາວ​ຫຼຸດພົ້ນຈາກ​ການ​ເປັນປະ​ເທດ​ດ້ອຍ​ພັດທະນາ​ໃນ​ປີ 2020.

ຂໍຂອບໃຈ

ວຽງຈັນ, ວັນທີ 13 ມັງກອນ 2013

ຂໍຮ້ອງຈາກຫຼານສາວລຸງສົມບັດ

ປະຈຸບັນຫຼາຍຄົນຢ້ານທີ່ຈະກ່າວເຖິງການຫາຍໂຕໄປຂອງລຸງຂ້ອຍ, ລຸງ ສົມບັດ ສົມພອນ. ດ້ວຍ ເຫດຜົນໃດຂ້ອຍບໍ່ຮູ້ ແຕ່ຂ້ອຍຮູ້ສຶກວ່າສັງຄົມລາວ ບໍ່ຄວນຈະເປັນແນວນີ້.

ຕັ້ງແຕ່ເຫດການນີ້ເກີດຂື້ນກັບຄອບຄົວຂ້ອຍ, ຂ້ອຍກໍໄດ້ຍິນເລື່ອງລາວ ການຫາຍຕົວໄປ ຂອງຄົນລາວ ຄົນອື່ນໆ ຫຼາຍຂື້ນເລື້ອຍໆ. ແຕ່ລະຄອບຄົວມີຄວາມທຸກທໍລະມານໃຈ ທີ່ສຸດ ແລະຂ້ອຍເອງໄດ້ເຂົ້າໃຈ ຄວາມຮູ້ສືກນັ້ນ ເລີ່ມຕັ້ງແຕ່ມື້ທຳອິດທີ່ລຸງຂ້ອຍຫາຍໂຕໄປ.

Please-return-Sombath-Safelyຄອບຄົວພວກຂ້ອຍໄດ້ຂຽນໃບຮ້ອງທຸກ ຫາສານອາຍາ, ຫາກະຊວງປ້ອງກັນ ຄວາມສະຫງົບ, ຫາສະພາ ແຫ່ງຊາດ, ຫາກະຊວງການຕ່າງປະເທດ, ຫາຫ້ອງການ ລັດທະບານ ເພື່ອຂໍຄວາມຊ່ວຍເຫຼືອ ເຊິ່ງກໍ ໄດ້ຮັບຄວາມຮ່ວມມື ຮັບເອົາເອກະສານ ແຕ່ກໍບໍ່ໄດ້ຂ່າວຄາວຄວາມຄືບໜ້າ ຫຍັງກັບມາເລີຍ.

ຄົນຫຼາຍຄົນຢ້ານທີ່ຈະເວົ້າເຖິງລຸງຂ້ອຍ, ແມ້ແຕ່ໜັງສື່ພາຍໃນຫຼາຍບ່ອນຍັງບໍ່ກ້າ ລົງຂ່າວຄົນຫາຍ. ການລົງຂ່າວແຈ້ງຄົນ ຫາຍມັນບໍ່ໜ້າຈະຜິດຫຍັງ, ບໍ່ຄວນຈະເປັນເລື່ອງໜ້າຢ້ານ.

ລຸງຂ້ອຍລາວເຮັດຫຍັງຜິດ? ເຖິງວ່າລາວຜິດລາວກໍຄວນມີສິດໃນຖານະມະນຸດຄົນໜຶ່ງ ຄວນໄດ້ຮັບ ການຊ່ວຍເຫຼືອຈາກສັງຄົມພາຍໃຕ້ກົດໝາຍລາວ ເພາະລາວຖືກບັງຄັບ ໃຫ້ຫາຍໂຕໄປ ແລະ ຄອບຄົວ ເຮົາຮຽກຮ້ອງໃຫ້ຊ່ວຍຊອກຫາໃຫ້ແດ່, ພວກເຮົາບໍ່ໄດ້ ປະທ້ວງຫຼືປະນາມໃຜ. ພວກເຮົາແຄ່ຂໍພື້ນທີ່ໃນ ການຊອກຫາຄົນຫາຍ. (ຕາມກົດໝາຍລາວ: ມາດຕາ 42 (ໃໝ່). Continue reading “ຂໍຮ້ອງຈາກຫຼານສາວລຸງສົມບັດ”

ສົມບັດຢູ່ໃສ?

ສົມບັດ ສົມພອນ ເປັນທັງໝູ່, ເພື່ອນຮ່ວມວຽກ, ແລະນັກຝັນ ທີ່ໄດ້ອຸທິດເວລາທັງຊີວິດວຽກງານຂອງລາວ ໃຫ້ກັບປະຊາຊົນ ແລະປະເທດຂອງຕົນ.

ຄັ້ງທ້າຍສຸດທີ່ມີຄົນເຫັນລາວ ແມ່ນໃນຕອນຄຳຂອງວັນທີ 15 ທັນວາ 2012, ໃນຂະໜະທີ່ລາວກຳລັງຂັບ ລົດຈິບຂອງລາວກັບບ້ານ.

ວິດີໂອ ບັນທຶກ ໃຫ້ເຫັນວ່າ ຕຳຫຼວດໄດ້ຢຸດ ສົມບັດ ແລ້ວພາຕົວລາວໄປ.

ໃນຂະໜະທີ່ເຈົ້າໜ້າທີ່ຍັງ ຄົງສືບຕໍ່ ປະຕິເສດການມີສ່ວນຮ່ວມ ໃນເຫດການນີ້, ໃນສາຍຕາຂອງວົງກວ້າງ ການລັກພາຕົວ ສົມບັດ ຍັງຖືເປັນການຫາຍຕົວໄປແບບ ຖືກບັງຄັບ (Enforced Disappearance).

ເວັບໄຊນີ້ ສ້າງຂຶ້ນມາ ດ້ວຍຫວັງທີ່ຈະຊ່ວຍນຳເອົາຄວາມຍຸຕິທຳມາສູ່ ສົມບັດ ແລະຄອບຄົວຂອງລາວ, ແລະເພື່ອເປັນກະບອກສຽງໃຫ້ກັບແນວຄິດ ແລະອຸດົມຄະຕິຂອງລາວ.