ໄລຍະ 10 ປີທີ່ຜ່ານມາ ຍັງບໍ່ມີຄຳຕອບ ແລະ ການອະທິບາຍໃດໆຈາກລັດຖະບານ ລາວ ກ່ຽວກັບ ການລັກພາຕົວທ່ານ ສົມພອນ

Voice of America: 18 ທັນວາ 2022

ການປຸກລະດົມໃຫ້ຊອກຫາ ທ່ານ ສົມບັດ ສົມພອນ-Campaign to look for Mr. Sombath Somphone

ໄລຍະ 10 ປີທີ່ຜ່ານມາ ຍັງບໍ່ມີຄຳຕອບ ແລະ ການອະທິບາຍ ໃດໆຈາກລັດຖະບານ ລາວ ກ່ຽວກັບ ການລັກພາຕົວທ່ານ ສົມພອນ

ສົມພອນ ນັກພັດທະນາທາງສັງຄົມໃນລາວທີ່ໄດ້ຮັບລາງວັນ ແມັກໄຊໄຊ (Magsaysay) ໃນຖານະນັກພັດທະນາສັງຄົມທີ່ດີເດັ່ນຂອງອາຊຽນໃນປີ 2005 ນັ້ນຢືນຢັນວ່າທ່ານນາງຍັງ ຄົງທວງຖາມທາງການລາວ ກ່ຽວກັບ ສາເຫດທີ່ມີການລັກພາຕົວທ່ານ ສົມບັດ ຜູ້ເປັນສາມີຂອງ ທ່ານນາງລວມທັງໄດ້ທວງຖາມເຖິງຄວາມຄືບໜ້າໃນການສືບສວນສອບສວນເພື່ອຕິດຕາມຫາທ່ານ ສົມບັດ ໃນຕະຫຼອດໄລຍະ 10 ປີທີ່ຜ່ານມາແຕ່ວ່າກໍຍັງບໍ່ມີຄຳຕອບຈາກ ທາງການລາວແຕ່ ຢ່າງໃດທັງຍັງບໍ່ມີໂອກາດພົວ ພັນກັບໜ່ວຍງານຂອງລັດຖະບານລາວ ທີ່ຮັບຜິດຊອບຕໍ່ກໍລະນີ ດັ່ງກ່າວອີກດ້ວຍທັງໆທີ່ວ່າການລັກພາຕົວທ່ານ ສົມບັດ ໄດ້ເກີດຂຶ້ນຢູ່ກັບປ້ອມຕຳຫຼວດແຫ່ງ ນຶ່ງໃນເຂດນະຄອນຫຼວງວຽງຈັນ ແລະ ມີວິດີໂອທີ່ບັນທຶກພາບເຫດ ການທີ່ເກີດຂຶ້ນດ້ວຍນັ້ນ ຫາກແຕ່ວ່າກໍຍັງບໍ່ມີຜົນຄືບໜ້າໃນ ການສືບສວນສອບສວນແຕ່ຢ່າງໃດເລີຍໃນຕະຫຼອດໄລຍະ 10 ປີືທີ່ຜ່ານມາ ຍິ່ງໄປກວ່ານັ້ນທາງການລາວຍັງໄດ້ປະຕິເສດທີ່ຈະໃຫ້ການຮ່ວມມືໃນ ການສືບຄົ້ນຫາຄວາມຈິງຂອງການລັກພາຕົວທ່ານ ສົມບັດ ເລື້ອຍມາອີກດ້ວຍດັ່ງທີ່ທ່ານນາງ ອຶ້ງ ຊຸຍ ເມັງ ໄດ້ໃຫ້ການຢືນຢັນວ່າ Continue reading “ໄລຍະ 10 ປີທີ່ຜ່ານມາ ຍັງບໍ່ມີຄຳຕອບ ແລະ ການອະທິບາຍໃດໆຈາກລັດຖະບານ ລາວ ກ່ຽວກັບ ການລັກພາຕົວທ່ານ ສົມພອນ”

10 ປີ ທ່ານ ສົມບັດ ຖືກລັກພາໂຕ ແຕ່ ພັນຣະຍາ ຍັງທວງຖາມຕໍ່

ວິທະຍຸເອເຊຍເສລີ: 02 ທັນວາ 2022

ກອງປະຊຸມ ກ່ຽວກັບ ທ່ານ ສົມບັດ ສົມພອນ ໃນຫົວຂໍ້ທີ່ວ່າ “1000 ມື້ ທີ່ບໍ່ມີ ຄວາມຍຸທຕິທັມ” ຈັດຂຶ້ນຢູ່ ບາງກອກ ປະເທດໄທຍ ຫຼາຍປີກ່ອນໜ້ານີ້.

ອຸ່ນແກ້ວ

ການ​ຮອດ​ປັດ​ຈຸ​ບັນ ວັນ​ທີ 2 ທັນ​ວາ 2022 ກໍ​ເປັນ​ວັນໃກ້​ຈະ​ຄົບ​ຮອບ 10 ​ການ​ລັກ​ພາ​ໂຕ ທ່ານ ສົມ​ບັດ ສົມພອນ ນັກ​ພັ​ທ​ນາ​ອາ​ວຸ​ໂສ​ດີ​ເດັ່ນ​ຂອງ​ລາວ. ຫວນ​ຄືນ​ເຫດ​ການ ທ່ານ ສົມບັດ ສົມ​ພອນ ຖືກ​ລັກ​ຖາ​ໂຕ ໃນ​ວັນ​ທີ 15 ທັນ​ວາ 2012 ຢູ່​ຕໍ່​ໜ້າ​ປ້ອມ​ຍາມ​ຕຳ​ຣວດ ເຂດ​ບ້ານ​ວັດ​ນາກ ຖ​ນົນ​ທ່າ​ເດື່ອ ເມືອງ ສີ​ສັດ​ຕະ​ນາກ ນະ​ຄອນ​ຫລວງວຽງ​ຈັນ. ຈາກວັນ​ທີ່ ທ່ານ ສົມ​ບັດ ຖືກ​ລັກ​ພາ​ໂຕ​ໄປ ຈົນ​ມາ​ເຖິງ​ປັດ​ຈຸ​ບັນ ເປັນ​ເວ​ລາເກືອບ 10 ປີ, ຍາ​ນາງ ສຸຍ ເມັງ (Shui Meng) ພັ​ນຣະ​ຍາ​ຂອງ​ທ່ານ​ສົມ​ບັດ ກໍ​ຍັງ​ຄົງ​ທວງ​ຖາມ ແລະ ຊອກ​ຫາ ທ່ານ ສົມ​ບັດ ຢູ່. ຍາ​ນາງ ສຸຍ ເມັງ (Shui Meng) ໄດ້​ໃຫ້ສັມພາດ​ຕໍ່ ວິທຍຸ ​ເອ​ເຊັຽ​ ເສ​ຣີ ວ່າ:

ນັກ​ຂ່າວ: ເປັນ​ຈັ່ງໃດ ທ່ານ ສົມ​ບັດ ສົມ​ພອນ ຖືກ​ລັກ​ພາ​ໂຕ​ໄປ ​ເປັນ​ເວ​ລາ 10 ປີນີ້. ມີ​ຂ່າວ​ຄາວ​ຫຍັງ​ແດ່?

ຍາ​ນາງ ສຸຍ ເມັງ (Shui Meng): “10 ແລ້ວ ກະ​ບໍ່​ມີ​ຂ່າວ​ອີ່​ຫຍັງ​ເລີຍ ຫຼາຍ​ປີ​ມານີ້ ກໍ​ແຫ່ງບໍ່​ມີ​ຂ່າວ​ຫຍັງ. ບໍ່​ໄດ້​ຄຳ​ຕອບ ກະ​ບໍ່​ມີ​ຜູ້​ໃດ​ພົວ​ພັນ​ນຳ ກະ​ບໍ່​ມີ​ຜູ້​ໃດ​ຖາມ​ຫາ​ກ່ຽວ​ກັບ​ເພິ່ນ ລະ​ກະ​ບໍ່​ມີຂ່າວ​ຫຍັງ.

ຫຼັງ​ຈາກ​ປີທີ 2, ປີທີ 3 ກະ ທຳອິດ​ກະ​ຍັງ​ມີ ຍັງ​ຂຽນ​ຈົດ​ໝາຍ. ບໍ່​ໄດ້​ຮັບ​ຄຳ​ຕອບ​ໂດຍ​ກົງ​ ກະມີ​ຄົນ​ເວົ້າ​ເຖິງ​ຢູ່ ແຕ່​ວ່າ 7-8 ປີ​ມາ​ແລ້ວ ປັດ​ຈຸ​ບັນ ບໍ່​ມີ​ຂ່າວຍ​ຫຍັງເລີຍ.” Continue reading “10 ປີ ທ່ານ ສົມບັດ ຖືກລັກພາໂຕ ແຕ່ ພັນຣະຍາ ຍັງທວງຖາມຕໍ່”

ພັນລະຍາຂອງທ່ານ ສົມບັດ ສົມພອນ ຢືນຢັນວ່າ ທາງການ ລາວ ບໍ່ມີຄວາມຄືບໜ້າໃນການສືບສວນ ກໍລະນີການຫາຍຕົວໄປ ຂອງທ່ານ ສົມບັດ ແຕ່ຢ່າງໃດ

Voice of America: 20 ທັນວາ 2021

ທ່ານນາງ ຊຸຍ ເມັງ, ພັນລະຍາຂອງທ່ານ ສົມບັດ ສົມພອນ ຖືແຜ່ນພັບທີ່ມີຮູບຂອງທ່ານ ສົມບັດ ສົມພອນ.

ທ່ານນາງ ອຶງ ຊຸຍ ເມັງ ພັນລະຍາຊາວສິງກະໂປ ຂອງທ່ານ ສົມບັດ ສົມພອນ ນັກພັດທະນາທາງສັງຄົມໃນ ລາວ ທີ່ໄດ້ຮັບລາງວັນ ແມັກໄຊໄຊ ໃນຖານະນັກພັດທະນາສັງຄົມທີ່ດີເດັ່ນຂອງ ອາຊຽນ ໃນປີ 2005 ນັ້ນຢືນຢັນວ່າທ່ານນາງຍັງຄົງທວງຖາມທາງການ ລາວ ກ່ຽວກັບ ສາເຫດທີ່ມີການລັກພາຕົວທ່ານ ສົມບັດ ຜູ້ເປັນສາມີຂອງທ່ານນາງ ລວມທັງໄດ້ທວງຖາມເຖິງຄວາມຄືບໜ້າໃນການສືບສວນສອບສວນ ເພື່ອຕິດຕາມຫາທ່ານ ສົມບັດ ໃນຕະຫຼອດໄລຍະ 9 ປີທີ່ຜ່ານມາ ແຕ່ກໍຍັງບໍ່ໄດ້ຮັບຄຳຕອບຈາກທາງການ ລາວ ແຕ່ຢ່າງໃດເລີຍຈົນເຖິງປັດຈຸບັນນີ້ ລວມທັງຍັງບໍ່ໄດ້ຮັບໂອ ກາດໃນການຕິດຕໍ່-ພົວພັນກັບໜ່ວຍງານລັດຖະບານ ລາວ ທີ່ຮັບຜິດຊອບຕໍ່ກໍລະນີດັ່ງກ່າວອີກດ້ວຍ.

ໂດຍຄັ້ງສຸດທ້າຍທີ່ທ່ານນາງ ອຶງ ຊຸຍ ເມັງ ໄດ້ຮັບໂອກາດຕິດຕໍ່-ພົວພັນກັບໜ່ວຍງານຂອງລັດຖະ ບານ ລາວ ກໍຄືກັບໃນທ້າຍປີ 2017 ແລະ ຫຼັງຈາກນັ້ນກໍບໍ່ໄດ້ຮັບໂອກາດດັ່ງກ່າວອີກເລີຍ ຫາກແຕ່ທ່ານນາງ ອຶງ ຊຸຍ ເມັງ ກໍໄດ້ສະແດງການຮຽກຮ້ອງຕໍ່ພາກປະຊາສັງຄົມ ເພື່ອຈະບໍ່ຍອມໃຫ້ເກີດການລັກພາຕົວຫຼືການຫາຍສາບສູນຄືກໍລະນີຂອງທ່ານ ສົມບັດ ເກີດຂຶ້ນອີກທັງໃນ ລາວ ແລະ ຮ່ວມມືກັນເສີມສ້າງຄວາມເຂັ້ມແຂງຂອງພາກປະຊາສັງຄົມ ເພື່ອຈະບໍ່ຍອມໃຫ້ເກີດການລັກພາຕົວ ຫຼື ການຫາຍສາບສູນຄືກໍລະນີຂອງທ່ານ ສົມບັດ ເກີດຂຶ້ນອີກທັງໃນ ລາວ ແລະ ໃນ ອາຊຽນ ດັ່ງທີ່ທ່ານນາງ ຊຸຍ ເມັງ ໄດ້ໃຫ້ການຢືນຢັນວ່າ

“ຄັ້ງສຸດທ້າຍແມ່ນວັນທີ 21 ພະຈິກ 2021 ທີ່ຂ້າພະເຈົ້າໄດ້ພົບກັບຕຳຫຼວດ ສະນັ້ນເຂົາເຈົ້າກໍໄດ້ພົບກັບຂ້າພະເຈົ້າ ແລະ ມັນກໍບໍ່ໄດ້ມີຫຍັງ, ບໍ່ມີໃຜຍົກຫຍັງຂຶ້ນມາ. ສະນັ້ນບາງຄັ້ງຂ້າພະເຈົ້າກໍໄດ້ຄິດວ່າເປັນຂ້າພະເຈົ້າຈຶ່ງສືບຕໍ່ເວົ້າ, ເປັນຫຍັງຂ້າພະເຈົ້າຈຶ່ງປຸກລະດົມ, ເປັນຫຍັງຂ້າພະເຈົ້າຈຶ່ງທຳການຜັກດັນຕະຫຼອດທຸກຊອກທຸກມຸມ. ແລ້ວພວກເຮົາຈະສືບຕໍ່ເນັ້ນຢໍ້າການລະເມີດທີ່ຊົ່ວຮ້າຍ, ການລະເມີດສິດທິຂອງຜູ້ຫາຍສາບສູນ ແລະ ຜູ້ເຄາະຮ້າຍຄົນອື່ນໆຂອງການລະເມີດສິດທິມະນຸດ.”

ໂດຍໃນໂອກາດຄົບຮອບ 9 ປີທີ່ທ່ານ ສົມບັດ ຖືກລັກພາຕົວໄປຈາກປ້ອມຕໍາຫຼວດແຫ່ງນຶ່ງໃນນະ ຄອນຫຼວງ ວຽງຈັນ ທ່ານນາງ ອຶງ ຊຸຍ ເມັງ ຍັງສືບຕໍ່ການຂຽນຈົດໝາຍເພື່ອເຜີຍແຜ່ທາງເວັບໄຊ້ ແລະ ເຟສບຸກ ເພື່ອລະນຶກເຖິງທ່ານ ສົມບັດ ທັງຍັງໄດ້ບັນຍາຍເຖິງຄວາມທຸກໃຈ ແລະ ຄວາມຫວັງທີ່ທ່ານນາງຍາກຈະໄດ້ຕົວທ່ານ ສົມບັດ ກັບຄືນມາຢ່າງປອດໄພ ຊຶ່ງກໍເຊັ່ນດຽວກັນກັບບັນດາຜູ້ຕາງໜ້າຂອງອົງການສາກົນ ແລະ ອົງການບໍ່ຂຶ້ນກັບລັດຖະບານຈຳນວນນຶ່ງທີ່ໄດ້ຮ່ວມກັນຈັດພິທີລະນຶກເຖິງທ່ານ ສົມບັດ ໃນໂອກາດຄົບຮອບ 25 ປີຂອງຕັ້ງສູນຝຶກອົບຮົມເພື່ອເສີມສ້າງການມີສ່ວນຮ່ວມໃນການພັດທະນາໃນ ລາວ (PADETC) ທີ່ທ່ານ ສົມບັດ ໄດ້ກໍ່ຕັ້ງຂຶ້ນນັບຕັ້ງແຕ່ປີ 1996 ເປັນຕົ້ນມາ.

ສ່ວນວັນທີ 14-15 ທັນວາ 2021 ບັນດານັກເຄື່ອນໄຫວເພື່ອປົກປ້ອງສິດທິມະນຸດຊາດສາກົນຈາກທົ່ວອາຊຽນ ກໍໄດ້ຮ່ວມກັນຈັດເວທີເສວະນາ ກ່ຽວກັບ ຊີວິດ, ຜົນງານ, ແນວຄິດ,​ ອຸດົມການ ແລະ ວິທີການປະຕິບັດງານຂອງທ່ານ ສົມບັດ ເພື່ອເຜີຍແຜ່ອອກສູ່ການຮຽນຮູ້ຂອງເຍົາວະຊົນ ແລະ ສາ ທາລະນະຊົນໃນວົງກວ້າງຕໍ່ໄປຢ່າງບໍ່ຢຸດຢັ້ງ ອັນຖືເປັນກິດຈະກຳນຶ່ງເພື່ອທວງຖາມຄວາມຍຸຕິທຳໃຫ້ກັບ ທ່ານ ສົມບັດ ຊຶ່ງໄດ້ຈັດຂຶ້ນດ້ວຍລະບົບປະຊຸມແບບ ອອນໄລນ໌ ຈາກປະເທດ ໄທ ໂດຍເຂົ້າ ຮ່ວມໃນການຈັດກິດຈະກຳຄັ້ງນີ້ມີທັງຜູ້ຕາງໜ້າຂອງຄະນະກຳມາທິການສິດທິມະນຸດຊາດ ອາຊຽນ, ສະມາຊິກລັດຖະສະພາ ອາຊຽນ ລວມເຖິງອົງການເຄື່ອນໄຫວເພື່ອປົກປ້ອງສິດທິມະນຸດ ຊາດໃນ ອາຊຽນ ແລະ ສາກົນຈຳນວນ 59 ພາກສ່ວນ ທີ່ໄດ້ຮ່ວມກັນອອກຖະແຫຼງການຮຽກຮ້ອງໃຫ້ລັດຖະບານຂອງທຸກປະເທດໃນ ອາຊຽນ ຈົ່ງໄດ້ຮ່ວມມືກັນເພື່ອກົດດັນຕໍ່ລັດຖະບານ ລາວ ໃນການຄົ້ນຫາຄວາມຈິງ ກ່ຽວກັບ ການຫາຍຕົວໄປຂອງທ່ານ ສົມບັດ ອີກດ້ວຍ.

ທັງນີ້ໂດຍທ່ານນາງ ເປມລືດີ ດາວເຮືອງ ຜູ້ປະສານງານໃນການຈັດງານໃນຄັ້ງນີ້ໄດ້ໃຫ້ການອະທິ ບາຍວ່າ ກໍລະນີການຫາຍຕົວໄປຂອງທ່ານ ສົມບັດ ບໍ່ແມ່ນບັນຫາພຽງໃນ ລາວ ເທົ່ານັ້ນ ຫາກແຕ່ ວ່າເປັນບັນຫາທີ່ລັດຖະບານໃນ ອາຊຽນ ຈະຕ້ອງໃຫ້ການຄຸ້ມຄອງສະຫວັດດີພາບຂອງພົນລະ ເມືອງ ອາຊຽນ ຢ່າງແທ້ຈິງ.

ກ່ອນໜ້ານີ້ກົມໃຫຍ່ຕຳຫຼວດໃນສັງກັດກະຊວງປ້ອງກັນຄວາມສະຫງົບພາຍໃນ ລາວ ຢືນຢັນວ່າໄດ້ມີການສືບສວນສອບສວນເພື່ອຄົ້ນຫາຄວາມຈິງ ກ່ຽວກັບ ກໍລະນີຂອງທ່ານ ສົມບັດ ຢູ່ເລື້ອຍມາ ດັ່ງທີ່ເຈົ້າໜ້າທີ່ຕຳຫຼວດ ລາວ ໄດ້ຖະແຫຼງຢືນຢັນວ່າ

“ຕຳຫຼວດສາກົນ ລາວ ໄດ້ເຮັດໜັງສືແຈ້ງເຖິງບັນດາປະເທດສະມາຊິກຕຳຫຼວດສາກົນ ແລະ ອາຊຽນ ຊ່ວຍຊອກຫາຂໍ້ມູນ ແລະ ຕົວທ້າວ ສົມບັດ ສົມພອນ ວັນທີ 24 ເດືອນ 4, 2013 ໄດ້ເຊີນນາງ ອຶງ ຊຸຍ ເມັງ ຜູ້ມາແຈ້ງຄວາມການຫາຍຕົວຂອງ ທ້າວ ສົມບັດ ມາຊາບຜົນການສືບສວນສອບສວນຜ່ານມາ ແລະ ສືບຕໍ່ພ້ອມກັນເກັບກຳຂໍ້ມູນຕື່ມອີກມາຮອດປັດຈຸບັນຍັງບໍ່ພົບເຫັນຕົວຜູ້ກ່ຽວເທື່ອ.”

ທັງນີ້ທາງການຕຳຫຼວດ ລາວ ໄດ້ຖະແຫຼງຂ່າວຄັ້ງສຸດທ້າຍ ກ່ຽວກັບ ກໍລະນີຂອງ ທ່ານ ສົມບັດ ເມື່ອກາງປີ 2013 ຫຼັງຈາກນັ້ນ ກໍບໍ່ມີການລາຍງານອີກເລີຍ.

ບໍ່ມີຄວາມຄືບໜ້າ ໃນວັນຫາຍສາບສູນ ສາກົລ

ວັນຜູ້ຫາຍສາບສູນ ສາກົລ ຈັດຂຶ້ນທີ່ບາງກອກ, ປະເທດໄທຍ, ວັນທີ 30 ສິງຫາ 2017

ວິທະຍຸເອເຊຍເສລີ: 30 ສິງຫາ 2021

ໃນວັນທີ 30 ສິງຫາ ຂອງທຸກໆປີ ຖືກກຳນົດ ໃຫ້ເປັນ ວັນຜູ້ຕົກເປັນເຫຍື່ອ ຂອງການບັງຄັບ ໃຫ້ຫາຍສາບສູນ ສາກົລ ຊຶ່ງໜ່ວຍງານ ທີ່ເຮັດວຽກ ກ່ຽວກັບ ສິດທິມະນຸດ ທົ່ວໂລກ ຕ່າງກໍສເນີ ບັນຫາ ກ່ຽວກັບ ຜູ້ຖືກບັງຄັບ ໃຫ້ຫາຍສາບສູນ ໃນໂລກ ນຶ່ງໃນນັ້ນ ກໍແມ່ນ ທ່ານສົມບັດ ສົມພອນ ນັກພັທນາ ສັງຄົມ ຊາວລາວ ທີ່ຖືກບັງຄັບ ໃຫ້ຫາຍສາບສູນ ເມື່ອປະມານ 9 ປີ ຜ່ານມາ. ມາຮອດ ປັດຈຸບັນ ພາກສ່ວນ ທີ່ກ່ຽວຂ້ອງ ຂອງທາງການລາວ ຍັງບໍ່ເປີດເຜີຍ ຄວາມຄືບໜ້າ ຂອງຄະດີ ດັ່ງກ່າວ ແຕ່ຢ່າງໃດ.

ກ່ຽວກັບ ເຣື່ອງນີ້ ວິ​ທ​ຍຸເອເຊັຽເສຣີ ກໍໄດ້ ຕິດຕໍ່ ໄປຫາ ອົງການສິ້ງຊອມ ດ້ານສິດທິມະນຸດ ປະຈຳຂົງເຂດ ແລະ ອົງການ ສຫະພັນ ສິດທິມະນຸດ ສາກົລ ເພື່ອສອບຖາມ ຄວາມເຫັນ ກ່ຽວກັບ ຄະດີດັ່ງກ່າວ ແຕ່ເຈົ້າໜ້າທີ່ ກ່ຽວຂ້ອງ ບໍ່ທັນສະດວກ ທີ່ຈະໃຫ້ ຄຳເຫັນໄດ້.

ນັກວິຊາການໄທຍ ທ່ານນຶ່ງ ຜູ້ທີ່ ເຄີຍເຮັດວຽກ ກັບທ່ານສົມບັດ ສົມພອນ ເວົ້າວ່າ ທ່ານສົມບັດ ສົມພອນ ຖືກບັງຄັບ ໃຫ້ຫາຍສາບສູນ ເປັນເວລາ ເກືອບຮອດ 9 ປີ ມາຮອດ ປັດຈຸບັນ ທາງການລາວ ກໍຍັງບໍ່ໄດ້ ຣາຍງານ ກ່ຽວກັບ ຄວາມຄືບໜ້າ ໃນຄະດີ ດັ່ງກ່າວ ໃຫ້ສັງຄົມ, ຄອບຄົວ ແລະ ໂລກພາຍນອກ ຮູ້ແຕ່ຢ່າງໃດ. ດ່ັງທ່ານເວົ້າວ່າ:

“ມັນເປັນເຣື່ອງ ທີ່ຣັຖບານລາວ ປະຕິເສດ ໄດ້ຂ້ອນຂ້າງຍາກ ມັນມີ ຫລັກຖານ ບາງຢ່າງ ຊຶ່ງເປັນ ພາບວົງຈອນປິດ ແຕ່ບາດນີ້ ຫຼັງຈາກ​ນັ້ນ ຣັຖບານລາວ ກໍບໍ່ໄດ້ ມີການຕິດຕາມ ອີ່ຫຍັງ ຄື ບໍ່ເວົ້າອີ່ຫຍັງ ເຮັດຄື ກັບວ່າ ບໍ່ເຄີຍມີ ເຣື່ອງແບບນີ້ ເກີດຂຶ້ນ.” Continue reading “ບໍ່ມີຄວາມຄືບໜ້າ ໃນວັນຫາຍສາບສູນ ສາກົລ”

7 ປີ ສົມບັດ ສົມພອນ ຫາຍສາບສູນ ສາກົລ ທວງຖາມ

ວິທະຍຸເອເຊຍເສລີ: 17 ທັນວາ 2019

ຍາ​ນາງ ອຶ້ງ-ຊຸຍ​ເມັ້ງ, ພັ​ລ​ຍາ​ຂອງ​ທ່ານ ສົມ​ບັດ ສົມ​ພອນ ໃນ​ຣະ​ຫວ່າງ ເວ​ທີ​ຣຳ​ລຶກ ຄົບ​ຮອບ 7 ປີ ທີ່​ທ່ານ ສົມ​ບັດ ສົມ​ພອນ, ສາ​ມີ​ຂອງ​ຍາ​ນາງ ໄດ້​ຫາຍ​ສາບ​ສູນ​ ໃນ​ປະ​ເທດ​ລາວ ທີ່​ສະ​ໂມ​ສອນ ​ນັກ​ຂ່າວຕ່າງ​ປະ​ເທດ ໃນ​ນະ​ຄອນຫຼວງບາງກອກ ປະ​ເທດ​ໄທ​ຍ (ຮູບ​ຖ່າຍ​ເມື່ອ: ​ວັນ​ທີ 17 ທັນ​ວາ 2019) RFA

ອົງການຈັດຕັ້ງ ທາງພາ​ກ​ປະ​ຊາ​ສັງ​ຄົມ ຫຼາຍອົງການ ຮວມທັງນັກວິຊາການ ໄດ້ຈັດພິທີຣຳ​ລຶກ ຄົບຮອບ 7 ປີ ການຫາຍສາບສູນ ຂອງທ່ານ ສົມບັດ ສົມພອນ, ໃນມື້ວັນທີ 17 ທັນວາ ປີ 2019 ທີ່ນະ​ຄອນຫຼວງ ບາງກອກ ປະເທດໄທຍ.  ຍາງນາງ ອຶ້ງ-ຊຸຍເມັ້ງ ພັລຍາຂອງທ່ານ ສົມບັດ ສົມພອນ ໄດ້ໃຫ້ສັມພາດ ຕໍ່ນັກຂ່າວ ເອເຊັຽເສ​ຣີ ວ່າ ມາເຖິງປັດຈຸບັນ, ຍັງບໍ່ມີຄວາມຄືບໜ້າ ຕໍ່ການຫາຍສາບສູນ ຂອງທ່ານ ສົມບັດ ສົມພອນ. ເຈົ້າໜ້າທີ່ລາວ ບໍ່ໄດ້ໃຫ້ຂໍ້ມູນຫຍັງເລີຍ.

“ຫຼັງຈາກ 7ປີແລ້ວ, ກະບໍ່ມີຫຍັງຄືບໜ້າ ຈັກດີ້ເລີຍ. ທາງການລາວ ກໍບໍ່ໄດ້ຊ່ອຍອີ່​ສັງ, ບໍ່ໄດ້ພົບ ຊຸຍ​ເມັ້ງ ​ນ່າ. ເຈົ້າ​ໜ້າ​ທີ່ ກະບໍ່ໄດ້ພົບ ບໍ່ໄດ້ພົວພັນ ແລະ ບໍ່ໄດ້ໃຫ້ຂໍ້ມູນ ຂ່າວສານ ຈັກດີ້ເລີຍ.” Continue reading “7 ປີ ສົມບັດ ສົມພອນ ຫາຍສາບສູນ ສາກົລ ທວງຖາມ”

ວັນຜູ້ຫາຍສາບສູນ ສາກົນ 30 ສິງຫາ

ວິທະຍຸເອເຊຍເສລີ: 30 ສິງຫາ 2019

ເນື່ອງໃນ “ວັນຜູ້ຫາຍສາບສູນ ສາກົນ” ຫຼາຍອົງກອນ ໄດ້ມີການຈັດເສວະນາ ເພື່ອຊຸກຍູ້ ໃຫ້ ຜູ້ນໍາຂອງທຸກປະເທດ ເອົາໃຈໃສ່ ໃນບັນຫານີ້ ຢ່າງຈິງຈັງ.

ນັບຕັ້ງແຕ່ ທ່ານ ສົມບັດ ສົມພອນ ນັກພັທນາກອນ ດີເດັ່ນ ຂອງລາວ ໄດ້ຖືກລັກພາຕົວໄປ ຢູ່ຕໍ່ໜ້າປ້ອມຕໍາຣວດ ໃນ ນະຄອນຫລວງ ວຽງຈັນ ເມື່ອວັນທີ 15 ທັນວາ ປີ 2012 ຈົນມາຮອດມື້ນີ້ ໃກ້ຄົບຮອບ 7 ປີ ແລ້ວແຕ່ກໍຍັງບໍ່ມີຮ່ອງຮອຍໃດໆເທື່ອ. ແລະການສືບສວນຫາ ທ່ານ ຂອງທາງການລາວ ກໍຍັງບໍ່ມີຄວາມຄືບໜ້າ ແນວໃດເລີຍ, ດັ່ງ ມາດາມ ອຶງ ຊຸຍເມັງ ພັລຍາ ຂອງ ທ່ານ ກ່າວຕໍ່ RFA ທີ່ ມະຫາວິທຍາໄລ ທັມມະສາດ ບາງກອກ ປະເທດໄທ ໃນມື້ວັນທີ 30 ສິງຫາ ຊຶ່ງກົງກັບວັນສາກົລ ເພື່ອຜູ້ຫາຍສາບສູນນັ້ນ ວ່າ

“ໜ້າເສົ້າແລະເສັຽໃຈຫລາຍ ເພາະວ່າຫລັງຈາກ 7 ປີ ແລ້ວບໍ່ມີອັນໃດທີ່ວ່າ ຄືບໜ້າ ເຈົ້າໜ້າທີ່ກະບໍ່ໄດ້ ເອົາຈິງເອົາຈັງ ເຈົ້າໜ້າທີ່ກະວ່າ ຍັງສືບສວນ ຢູ່. ຖ້າວ່າເຈົ້າໜ້າທີ່ ເອົາຈິງ ເອົາຈັງ ຂ້າພະເຈົ້າ ຄຶດວ່າຕ້ອງມີ ຂໍ້ມູນອັນໃດອັນນຶ່ງ ສູ່ຄອບຄົວ ແຕ່ວ່າຫລັງຈາກ 7 ປີ ກະມີແຕ່ວ່າບໍ່ມີ ຫຍັງບໍ່ຮູ້ບໍ່ເຫັນ.”
Continue reading “ວັນຜູ້ຫາຍສາບສູນ ສາກົນ 30 ສິງຫາ”

ທາງການລາວກວດ ຊັບສິນ ທ.ສົມບັດ

ວິທະຍຸເອເຊຍເສລີ: 18 ພຶດສະພາ 2019

ເຈົ້າໜ້າທີ່ທາງການລາວ ກຳລັງກວດສອບຊັບສິນ ຂອງ ທ່ານ ສົມບັດ ສົມພອນ ສ່ວນການຊອກຫາ ທ່ານ ສົມບັດ ສົມພອນ ນັ້ນຍັງບໍ່ທັນ ມີຄວາມຄືບໜ້າ, ດັ່ງ ຍານາງ ອຶງ ຊຸຍ ເມັງ ພັລຍາຂອງທ່ານ ສົມບັດ ສົມພອນ ໄດ້ເວົ້າຕໍ່ວິທຍຸເອເຊັຽຍເສຣີ ເນື່ືອງໃນສັປດາສາກົລ ວ່າດ້ວຍການ ຕ້ານການບັງຄັັບບຸກຄົນ ຫາຍສາບສູນ ເມື່ອ 28 ພຶສພາ ວ່າ:

“ປັດຈຸບັນ ເຈົ້າໜ້າທີ່ລາວເວົ້າວ່າ ພວກເຂົາກຳລັງກວດສອບຊັບສິນ ຂອງທ່ານ ສົມບັດ ສົມພອນ ເພາະວ່າພວກເພິ່ນຮູ້ສຶກ ແລະ ເວົ້າວ່າ ທ່ານ ສົມບັດ ມີຊັບສິນຫຼາຍ ແລະ ທາງເຈົ້າໜ້າທີ່ ກໍຢາກຮູ້ວ່າ ທ່ານໄດ້ຊັບສິນເລົ່ານີ້ມາແນວໃດ.”

ຍາງນາງ ອຶງ ຊຸຍ ເມັງ ເວົ້າຕື່ມວ່າ ເຈົ້າໜ້າທີ່ທາງການລາວ ແຈ້ງໃຫ້ເຈົ້າໜ້າທີ່ການທູດຮູ້ວ່າ ຕອນນີ້ ເຈົ້າໜ້າທີ່ກຳລັງກວດສອບຊັບສິນ ຂອງທ່ານສົມບັດ ຍ້ອນຂະເຈົ້າຢາກຮູ້ວ່າຊັບສິນນັ້ນ ໄດ້ມາແນວໃດ ແທນທີ່ເຈົ້າໜ້າທີ່ ຈະເວົ້ານຳຂ້ອຍ ກ່ຽວກັບວ່າ ສົມບັດ ມີຊັບສິນ ຫຍັງແດ່ ແຕ່ພັດໄປເວົ້າ ກັບນັກການທູດ:

“ກໍຣະນີລັກພາໂຕ ທ່ານສົມບັດ ສົມພອນ ໄດ້ຖືກຍົກຂຶ້ນມາເວົ້າ ຢູ່ໃນກອງປະຊຸມ ວ່າດ້ວຍການຕ້ານ ການການບັງຄັບ ບຸກຄົນໃຫ້ ຫາຍສາບສູນ ແຕ່ວ່າຣັຖບານລາວ ບໍ່ເຮັດຫຍັງ ແລະ ມັນແຈ້ງຂາວ ແລ້ວວ່າ ຣັຖບາລາ ວບໍ່ແກ້ໄຂບັນຫານີ້.”

ສ່ວນເຈົ້າໜ້າທີ່ການທູດສາກົລ ຈາກສະຫະພາບຢູໂຣບ, ອັງກິດ ຢູ່ລາວ ກໍໄດ້ທວງຖາມເຈົ້າໜ້າທີ່ທາງການລາວ ແຕ່ກໍໄດ້ຮັບຄຳຕອບວ່າ ກຳລັງສອບສວນຢູ່ ດັ່ງທ່ານ Phil Robertson ຮອງຜູ້ອຳນວຍການ ອົງການອົງການສີ້ງຊອມ ດ້ານສິດທິມະນຸດ ປະຈຳຂົງເຂດ ເອເຊັຽ-ແປຊີຟິກ ໃຫ້ຄຳຄິດເຫັນຕໍ່ວິທຍຸ ເອເຊັຽເສຣີ ວ່າ:

ທາງການລາວ ຍັງປົກປິດຄວາມຮັບຜິດຊອບ ໃນການຊອກຫາທ່ານສົມບັດ ສົມພອນ ຢ່າງເປັນຣະບົບ ແລະ ຜູ້ມີອຳນາດກໍພະຍາຍາມ ເຮັດໃຫ້ຄວາມຫວັງຂອງຄອບຄົວ ທ່ານສົມບັດ ເຫຼືອໜ້ອຍລົງ ໃນຂນະທີ່ ເຈົ້າໜ້າທີ່ພະຍາຍາມຫຼີ້ນເກມ ດ້ວຍການການກວດສອບ ຊັບສິນ ຂອງສົມບັດ ໂດຍບໍ່ໄດ້ຂໍຄຳຍິນຍອມ ຄອບຄົວຂອງທ່ານ.

ຕໍ່ບັນຫາດັ່ງກ່າວ ທາງການລາວ ຍັງບໍ່ທັນໄດ້ອອກມາຖແລງ ເຖິງຣາຍຣະອຽດກ່ຽວກັບທ່ານ ສົມບັດ ສົມພອນ ຫາຍສາບສູນ ໂດຍສະເພາະ ແມ່ນ ພາກສ່ວນທີ່ກ່ຽວຂ້ອງກັບວຽກງານສິດທິມະນຸດ.

ທ່ານ ສົມບັດ ສົມພອນ ຖືກລັກພາໂຕ ຢູ່່ຕໍ່ໜ້າປ້ອມຍາມຕຳຣວດ ເຂດໂຮງຮຽນການຊ່າງ ລາວ-ເຢັຽລະມັນ ເມືອງ ສີສັດຕະນາກ ນະຄອນຫຼວງວຽງຈັນ ເມື່ອວັນທີ 15 ທັນວາ 2012. ປັດຈຸບັນ ທ່ານໄດ້ຫາຍສາບສູນເປັນເວລາ 6 ປີເຄີ່ງແລ້ວ.

ການບັງຄັບສູນຫາຍຂອງທ່ານສົມບັດສົມພອນ: ພາບພະຍົນສາລະຄະດີ

December 15 2018 marks the 6th anniversary of the Disappearance of my husband, Sombath Somphone, a Lao educator and a respected community development worker. Sombath Somphone was also the winner of the 2005 Ramon Magsaysay Award, which is often referred to as the Asia Nobel Prize. Continue reading “ການບັງຄັບສູນຫາຍຂອງທ່ານສົມບັດສົມພອນ: ພາບພະຍົນສາລະຄະດີ”

ງານລໍາລຶກເຖິງ ທ.ສົມບັດ ສົມພອນ

ວິທະຍຸເອເຊຍເສລີ: 14 ທັນວາ 2018

ສູນອົບຮົມຮ່ວມພັທນາ ຈັດງານປາແດກແຟ ປະຈຳປີ 2018 ແລະ ລໍາລຶກເຖິງທ່ານ ສົມບັດ ສົມພອນ ພາຍຫຼັງຖືກລັກພາໂຕ ຄົບຮອບ 06 ປີ

ອົບຮົມຮ່ວມພັທນາ ຫຼື ສູນປາແດກ ຈັດງານປາແດກແຟ ຂຶ້ນທີ່ນະຄອນຫຼວງວຽງຈັນ ໃນຕອນເຊົ້າວັນສຸກ ທີ 14 ທັນວາ ນີ້ ເພື່ອວາງ ສະແດງຜົລງານ ການເຄື່ອນໄຫວ ຂອງອົງກອນຕ່າງໆໃນເຄືອຂ່າຍ ດ້ານການພັທນາ ແລະ ມີພິທີລໍາລຶກ ເຖິງຄຸນງາມ ຄວາມດີຂອງທ່ານ ສົມບັດ ສົມພອນ, ໃນຖານະຜູ້ກໍ່ຕັ້ງສູນ ດັ່ງກ່າວ ພາຍຫຼັງທີ່ທ່ານຖືກລັກພາໂຕ ຄົບຮອບ 06 ປີເຕັມ. ກ່ອນເປີດງານ ທາງຄອບຄົວ ທ່ານ ສົມບັດ ສົມພອນ, ໄດ້ນິມົນພຣະສົງ ມາທຳພິທີທາງພຸທສາສນາ ເພື່ອເປັນສິຣິມຸງຄຸນ ຄືດັ່ງທີ່ໄດ້ ປະຕິບັດກັນມາ.

ສຽງຄຣູບາເທສນາ ຈາກນັ້ນ, ມາດາມ ອຶ້ງ ຊຸຍ-ເມັ້ງ ກໍໄດ້ຂຶ້ນກ່າວສະແດງຄວາມຊາບຊຶ້ງໃຈ ຕໍ່ຜູ້ທີ່ມາຮ່ວມງານ ທີ່ຍັງບໍ່ລືມ ທ່ານ ສົມບັດ ສົມພອນ.

“So as we come together today to celebrate Sombath’ life and work, I hope you will continue to walk this difficult path with me, with Padetc and the rest of our family.”
Continue reading “ງານລໍາລຶກເຖິງ ທ.ສົມບັດ ສົມພອນ”

ຣັຖະບານ ຫມີ່ນປະມາດ ທ່ານ ສົມບັດ ສົມພອນ ປະຕິເສດ ທຸກຂໍ້ ກ່ຽວກັບ ກໍຣະນີ ຫາຍຕົວແບບ ຖືກບັງຄັບ ໃນລະວ່າງ ການທົບທວນ ສີດທິ.

FIDH: 18 ກໍລະກົດ 2018

(ປາຣີ) ໃນ ລະວ່າງການຕວດສອບ ໂດຍ ອົງການສະຫະປະຊາຊາດ, ຣັຖະບານໄດ້ ໃສ່ຮ້າຍປ້າຍສີ ທ່ານ ສົມບັດ ສົມພອນ ຜູ້ນໍາ ທາງ ສັງຄົມພົລະເມືອງ ທີ່ ຫາຍຕົວໄປ ແລະ ບໍ່ ສາມາດ ໃຫ້ ລາຍລະອຽດໃດໆ ກ່ຽວກັບການສືບສວນ ຂອງ ການຫາຍຕົວແບບຖືກບັງຄັບ ຂອງທ່ານ“,ນີ້ ຄື FIDH (ສະຫະພັນ ສາກົນ ເພື່ອ ສິດທິມະນຸດ) ແລະ ຂະບວນການລາວ ເພື່ອ ສີດທິ ມະນຸດ ( ຂລສລ) ໄດ້ ກ່າວມື້ນີ້.

ໃນວັນທີ 11-12 ກໍຣະກະດາ 2018, FIDH ແລະ ຂລສມ ໄດ້ເຂົ້າຮ່ວມ ການຕວດສອບ ຄັ້ງທໍາອິດ ກ່ຽວກັບສະຖານະພາບ ສິດທິພົລະເຮືອນ ແລະ ສິດທິການເມືອງ ໃນລາວ ໂດຍ ຄນະກໍາມະການ ສິດທິມະນຸດ ຂອງອົງການສະຫະປະຊາຊາດ (CCPR) ຢູ່ ເຈນີວາ, ສະວິດເຊີແລນ.

‘’ຣັຖະບານ ພະຍາຍາມ ຈະ ຫັນຄວາມສົນໃຈ ຈາກຄວາມຫລົ້ມເຫລວ ຂອງຕົນ ໃນການສືບສວນ ການຫາຍສາບສູນ ແບບຖືກບັງຄັບ ຂອງ ທ່ານ ສົມບັດ ສົມພອນ ໂດຍວິທີ ຄ້າຍຄຽງ ສັງຫານ ຊື່ສຽງຂອງທ່ານ ແລະ ຄອບຄົວທ່ານ. ພືດຕິກັມ ດັ່ງກ່າວ ຂອງ ຣັຖະບານ ລາວ ເປັນທ່າທີ ບໍ່ຖືກຕ້ອງ ບໍ່ເຫມາະສົມຢ່າງຮ້າຍແຮງ ສໍາລັບ ເວທີປະຊູມ ທົບທວນ ສິດທິມະນຸດ.’’ ຍານາງ ເດບີ ສຕອຕທາດ (Debbie Stothard) ເລຂາທີການເອກ ຂອງ FIDH

ຄນະ ຜູ້ຕາງໜ້າ ຣັຖະບານ ໄດ້ໃຫ້ ຄໍາຕອບທີ່ບໍ່ ສັດເຈນ ຕໍ່ ຫລາຍໆ ຄໍາຖາມທີ່ ລະອຽດ ແລະ ຕົງປະເດັນ ກ່ຽວກັບກັບ ການສືບສວນ ການຫາຍຕົວແບບຖືກບັງຄັບ ຂອງ ທ່ານ ສົມບັດ ສົມພອນ. ຣັຖະບານ ອ້າງວ່າ ຄນະກໍາມະການສືບສວນຂອງຕົນໄດ້ “ພະຍາຍາມຢ່າງຫນັກ” ເພື່ອ ສືບສວນ ການຫາຍຕົວ ຂອງ ທ່ານ ສົມບັດ, ແຕ່ບອກວ່າ ມັນ”ຍາກຫຼາຍ” ທີ່ຈະຊອກຫາຄົນທີ່ຫາຍໄປ. ເຖີງຈະຍອມຮັບວ່າ ການດໍາເນີນ ການສືບສວນ ເປັນສີ່ງທ້າທາຍ ຣັຖະບານ ກໍ່ອ້າງວ່າ ຕໍາຫຼວດລາວ ມີ “ຄວາມສາມາດ ແລະ ເຕັກນິກ” ທີ່ຈະ ສືບສວນ ການຫາຍຕົວ ຂອງ ທ່ານ ສົມບັດແລະດັ່ງນັ້ນ, ຈຶ່ງ ບໍ່ມີຄວາມຈໍາເປັນ ຕ້ອງມີການຊ່ວຍເຫລືອ ຈາກສາກົນ. ທ່ານສົມບັດ ໄດ້ຖືກສັງເກດເຫັນ ຄັ້ງສຸດທ້າຍຢູ່ທີ່ ດ່ານຕໍາຫຼວດ ຢູ່ ຖະຫນົນໃຫຍ່ ຂອງ ນະຄອນຫລວງວຽງຈັນ ໃນຕອນແລງ ຂອງວັນທີ 15 ທັນວາ 2012. Continue reading “ຣັຖະບານ ຫມີ່ນປະມາດ ທ່ານ ສົມບັດ ສົມພອນ ປະຕິເສດ ທຸກຂໍ້ ກ່ຽວກັບ ກໍຣະນີ ຫາຍຕົວແບບ ຖືກບັງຄັບ ໃນລະວ່າງ ການທົບທວນ ສີດທິ.”