ສາກົນຮຽກຮ້ອງ ຣັຖບາລລາວ ໃຫ້ປັບປຸງ ນັບຖື ສິດທິມະນຸດ

ວິທະຍຸເອເຊຍເສລີ: 18 ມິຖຸນາ 2021

ໃນໄລຍະ ທ້າຍປີ 2019, ສປຊ ໄດ້ສົ່ງ ເອກກະສານ ໃຫ້ ທາງການ ລາວ-ໄທຍ ຊີ້ແຈງເພີ່ມຕື່ມ ໃນການຫາຍສາບສູນ ຂອງ ທ້າວ ອອດ ໄຊຍະວົງ.

ສະຫະພັນສິດທິມະນຸດສາກົນ ຫລື FIDH ທີ່ມີສໍານັກງານປະຈໍາຢູ່ ຫຼາຍປະເທດໃນທົ່ວໂລກ ໄດ້ຮຽກ ຮ້ອງໃຫ້ສະຫະພາບຢູໂຣບ ກົດດັນຣັຖບາລລາວ ໃຫ້ແກ້ໄຂບັນຫາການຣະເມີດ ສິດທິມະນຸດໃນລາວ ໃນວາຣະກອງປະຊຸມທາງໄກ ກ່ຽວກັບສິດທິມະນຸດ ຄັ້ງທີ 10 ຣະຫວ່າງ ສະຫາພາບຢູໂຣບ ແລະ ສປປລາວ ໃນມື້ວັນທີ 16 ມິຖຸນາ ນີ້ ໂດຍສະເພາະບັນຫາ ການຣະເມີດສິດ ຂອງ ຜູ້ທີ່ ສະແດງຄວາມຄິດເຫັນ ຜ່ານສື່ສັງຄົມອອນລາຍ ເປັນຕົ້ນກໍຣະນີ ນາງຮວຍເຮືອງ ໄຊຍະບູຣີ ຫລື ນາງໝວຍ ແລະ ກໍຣະນີຄົນງານ ລາວ 3 ຄົນ ທີ່ກັບມາຈາກ ປະເທດໄທ ຄື ທ້າວສຸການ ໃຈທັດ, ທ້າວສົມພອນ ພິມມະສອນ ແລະ ນາງຫຼອດຄໍາ ທໍາມະວົງ ຊຶ່ງ ຖືກທາງການລາວ ກ່າວຫາວ່າ ໃສ່ຮ້າຍປ້າຍສີພັກ-ຣັຖ ແລະ ຖືກຈັບຂັງຄຸກຈົນມາ ເຖິງປັດຈຸບັນ.

ກ່ຽວກັບເຣື່ອງນີ້, ທ່ານ Andrea Giorgetta ຜູ້ອຳນວຍການ ສະຫະພັນສິດທິມະນຸດ ສາກົລ ປະຈຳຂົງເຂດເອເຊັຽ ກໍໄດ້ກ່າວຕໍ່ ວິທຍຸເອເຊັຽເສຣີ ຜ່ານທາງອີເມລ ວ່າ:

“ສະພາບ ຂອງສິດທິມະນຸດໃນລາວ ຍັງຖືວ່າຢູ່ໃນຣະດັບທີ່ຂີ້ຮ້າຍຢູ່ ແລະ ມີສັນຍານຫຼາຍຢ່າງວ່າ ຄະນະຜູ້ນຳຊຸດໃໝ່ ຂອງລາວ ຍັງຄົງຈະປະຕິບັດ ທຸກຢ່າງ ບໍ່ແຕກຕ່າງຈາກຄະນະ ຜູ້ນຳຊຸດທີ່ຜ່ານມາ ລວມທັງການສືບຕໍ່ ຈຳກັດຮັດແຄບ ພາກປະຊາສັງຄົມ. ບັນຫາການບັງຄັບ ໃຫ້ຫາຍສາບສູນ ຂອງ ທ່ານ ສົມບັດ ສົມພອນ ທີ່ຍັງບໍ່ຖືກແກ້ໄຂນັ້ນ ກໍຖືເປັນບັນຫາ ໃຫຍ່ອີກບັນຫານຶ່ງ ທີ່ຍັງໜ້າເປັນຫ່ວງ.” Continue reading “ສາກົນຮຽກຮ້ອງ ຣັຖບາລລາວ ໃຫ້ປັບປຸງ ນັບຖື ສິດທິມະນຸດ”

ສາກົລຮຽກຮ້ອງຄໍາຕອບ ເຣື່ອງ ທ. ສົມບັດ

ວິທະຍຸເອເຊຍເສລີ: 15 ທັນວາ 2020

ຄົບຮອບ 8 ປີ ການຫາຍໂຕຂອງ ທ່ານ ສົມບັດ ສົມພອນ ນັກພັທນາອາວຸໂສລາວ, ແລະ ເຈົ້າຂອງລາງວັນແມັກໄຊໄຊ ປີ 2005. ໂດຍທີ່ຫຼາຍອົງການ ດ້ານສິດທິມະນຸດ ໄດ້ຮຽກຮ້ອງ ໃຫ້ຣັຖບານລາວ, ເປີດເຜີຍຂໍ້ມູນການສືບສວນສອບສວນ, ໃນການຫາຍໂຕ ໄປຂອງ ທ່ານ ສົມບັດ ສົມພອນ, ໃຫ້ສາທາຣະນະໄດ້ຮັບຮູ້.

ດັ່ງ ທ່ານ Phil Robertson ຮອງອຳນວຍການ ອົງກອນສິດທິມະນຸດ, ປະຈຳພູມີພາກເອເຊັຽຕາເວັນອອກສຽງໃຕ້, ໄດ້ກ່າວຕໍ່ ເອເຊັຽເສຣີ ເມື່ອວັນທີ 14 ທັນວາ 2020 ນີ້ວ່າ.

“ບໍ່ວ່າຈະເປັນ 8 ປີ, ເຮົາກາບໍ່ລືມ, ເຮົາຈະສູ້ເຮົາກາຖາມຣັຖບານລາວຕລອດວ່າ, ທ່ານເຮັດຫຍັງ ກັບທ່ານສົມບັດ ແຕ່ຣັຖບານລາວ ບໍ່ຕອບເລີຍ. ເຮົາກາເລີຍຢາກຍົກປະເດັນເຣື່ອງນີ້, ໃຫ້ຣັຖບານອື່ນໆ, ໃຫ້ສະຫະປະຊາຊາດ, ໃຫ້ອົງການສິດທິມະນຸດ, ຢູ່ນະຄອນ ເຈນີວາ ຍົກປະເດັນນີ້ຂຶ້ນມາເວົ້າ, ບໍ່ມີໃຜລືມວ່າຣັຖບານລາວ ເຮັດຫຍັງໄວ້ກັບ ທ່ານສົມບັດ.” Continue reading “ສາກົລຮຽກຮ້ອງຄໍາຕອບ ເຣື່ອງ ທ. ສົມບັດ”

ຜົນງານຂອງທ່ານສົມບັດ ຍັງເປັນທີ່ ຈາຣຶກ

ວິທະຍຸເອເຊຍເສລີ: 15 ທັນວາ 2020

ຜ່ານໄປເວລາ 8 ປີເຕັມ ທີ່ທ່ານ ສົມບັດ ສົມພອນ ໄດ້ຖືກກຸ່ມຄົນບໍ່ດີ ລັກພາໂຕໄປ ແລ້ວຖືກບັງຄັບໃຫ້ຫາຍສາບສູນ. ແຕ່ເຖິງ ຢ່າງໃດກໍຕາມ, ຊີວິຕ ແລະ ຜົລງານ ຂອງທ່ານ ສົມບັດ ສົມພອນ ທີ່ທ່ານໄດ້ສ້າງໄວ້ ຖືເປັນສິ່ງທີ່ມີຄຸນູປະການ ຕໍ່ປະເທດລາວ ແລະ ຍັງຍືນຍົງຢູ່ໃນໃຈຊາວລາວ ທີ່ເຮັດວຽກດ້ານການພັທນາ ໃນທົ່ວປະເທດ ຢ່າງບໍ່ເສື່ອມຄາຍ.

ເມື່ອເວົ້າເຖິງຄຸນູປະການ ຂອງທ່ານ ສົມບັດ ສົມພອນ ແລ້ວ, ຜູ້ທີ່ເຄີຍເຮັດວຽກໃກ້ຊິດທ່ານ ສົມບັດ ສົມພອນ ໄດ້ກ່າວຕໍ່ຜູ້ສື່ຂ່າວ ວິທຍຸເອເຊັຽເສຣີ ເມື່ອວັນທີ 14 ທັນວາ ວ່າ ທ່ານ ສົມບັດ ເປັນນັກພັທນາທີ່ເຂົ້າໃຈສະພາບການພັທນາ ໃນປະເທດລາວເປັນຢ່າງດີ ພາຍຫຼັງທີ່ໄດ້ເຮັດວຽກໂຕຈິງ 30 ປາຍປີ ແລະ ຖືເປັນສິ່ງທີ່ມີຄຸນຄ່າ ຕໍ່ປະເທດລາວ ແລະ ຊາວລາວໃນທົ່ວປະເທດ ທີ່ຈະເຮັດໃຫ້ ປະເທດ ມີການພັທນາທີ່ຍືນຍົງ. Continue reading “ຜົນງານຂອງທ່ານສົມບັດ ຍັງເປັນທີ່ ຈາຣຶກ”

ສາກົນຕໍານິສະພາບ ສິດທິ ມະນຸດ ຢູ່ລາວ

ວິທະຍຸເອເຊຍເສລີ: 28 ກັນຍາ 2020

ຈາກຊ້າຍຫາຂວາ: ທ່ານ ສົມບັດ ສົມພອນ ຫາຍສາບສູນ ເມື່ອປີ 2012. ອ໊ອດ ໄຊຍະວົງ ຫາຍສາບສູນ ເມື່ອປີ 2019. ທ່ານ ສົມພອນ ຂັນຕິສຸກ ຫາຍສາບສູນ ເມື່ອປີ 2007. ແລະ ທ່ານ ຄາຢັ່ງ ຫາຍສາບສູນ ເມື່ອປີ 2011.

ທີ່ກອງປະຊຸມທົບທວນເປັນໄລຍະ ເຣື່ອງການປະຕິບັດ ສິດທິມະນຸດ ທີ່ ນະຄອນ Geneva ປະເທດ Switzerland ໃນມື້ວັນທີ 28 ກັນຍາ 2020, ຫລາຍປະເທດ ແລະ ອົງການຈັດຕັ້ງສາກົລ ຮຽກຮ້ອງໃຫ້ ສາທາຣະນະຣັຖ ປະຊາທິປະຕັຍ ປະຊາຊົນລາວ ປັບປຸງ ສະພາບສິດທິ ມະນຸດ ຮວມທັງ ການສືບສວນສອບສວນ ກໍຣະນີ ການຫາຍສາບສູນ ຂອງ ທ່ານ ສົມບັດ ສົມພອນ, ຫລຸດຜ່ອນ ການຈໍາກັດ ສິທິ ທາງ ສາສນາ ແລະ ເສຣີພາບ ໃນການສະແດງຄວາມຄິດເຫັນ ນໍາດ້ວຍ. ພ້ອມດຽວກັນນີ້ ຫລາຍປະເທດ ຫລາຍອົງການ ຈັດຕັ້ງສາກົລ ກໍໄດ້ ສເນີໃຫ້ ສປປລາວ ປັບປຸງ ສະພາບການເປັນຢູ່, ການສຶກສາ ແລະ ສຸຂພາບ ຂອງ ເດັກນ້ອຍ, ແມ່ຍິງ ແລະ ສະມາຊິກ ຊົນເຜົ່າ.

ເວົ້າສະເພາະຜູ້ຕາງໜ້າ ຂອງສິງກະໂປ ກໍໄດ້ກ່າວໃຫ້ຄໍາເຫັນ ພາຍຫລັງ ທ່ານ ຄໍາອິນ ກິດຈະເດດ ຜູ້ຕາງໜ້າ ສປປລາວ ປະຈໍາຫ້ອງການ ສະຫະປະຊາຊາດ ທີ່ Geneva ຂຶ້ນ ຖແລງ ໂດຍເນັ້ນວ່າ ຈາກ ຣາຍງານ UPR ເມື່ອເດືອນມົກຣາ ຜ່ານມານີ້ ຣັຖບານລາວ ມີພັລທະ ຊອກຫາຕົວພົລເມືອງລາວ ທີ່ຫາຍສາບສູນໄປ ຮວມທັງທ່ານ ສົມບັດ ສົມພອນ ທີ່ມີພັລຍາ ເປັນຄົນສິງກະໂປ: Continue reading “ສາກົນຕໍານິສະພາບ ສິດທິ ມະນຸດ ຢູ່ລາວ”

ການແກ້ໄຂ ຄົນຫາຍສາບສູນ ໃນລາວ ຄືບຄານ

ວິທະຍຸເອເຊຍເສລີ: 29 ສິງຫາ 2020

ເນື່ອງໃນໂອກາດ ວັນບຸກຄົນທີ່ຕົກເປັນເຫຍື່ອ ການຖືກບັງຄັບ ໃຫ້ຫາຍສາບສູນສາກົລ ທີ່ກົງກັບວັນທີ 30 ສິງຫາ ໃນທຸກໆປີ, ໃນປີນີ້ ຫຼາຍພາກສ່ວນດ້ານສິດທິມະນຸດສາກົລ ຍັງເບິ່ງວ່າ ທາງການລາວ ຍັງຂາດ ຄວາມເອົາໃຈໃສ່ ໃນການແກ້ໄຂບັນຫາ ຄົນຫາຍສາບສູນໃນລາວ ແລະ ບໍ່ມີການສືບສວນ-ສອບສວນ ຕິດຕາມຫາ ຜູ້ຫາຍສາບສູນ ແບບຈິງຈັງ, ເຊິ່ງມີຄວາມໜ້າເປັນຫ່ວງຫຼາຍ, ດັ່ງທ່ານ ຟີລ ໂຣເບີດສັນ, ຮອງຜູ້ອໍານວຍການ ອົງການ Human Rights Watch ປະຈໍາພາກພື້ນອາຊີ-ປາຊີຟິກ ກ່າວຕໍ່ວິທຍຸເອເຊັຽເສຣີ ໃນວັນທີ 27 ສິງຫານີ້ວ່າ:

ທ່ານວ່າ: “ເຫັນໄດ້ຊັດເຈນວ່າ ຣັຖບານລາວ ບໍ່ເຄີຍສົນໃຈ ເຣື່ອງຄອບຄົວ ຂອງຄົນທີ່ຫາຍໄປ ບໍ່ເຄີຍມີຄວາມຄືບໜ້າ ຍົກໂຕຢ່າງ ກໍຣະນີ ຂອງທ່ານ ສົມບັດ ສົມພອນ ກໍມີແຕ່ການປິດບັງ ຂອງຣັຖບານ ທີ່ອ້າງວ່າ ບໍ່ມີສ່ວນກ່ຽວຂ້ອງ, ບໍ່ຮູ້ເຣື່ອງ, ບໍ່ໄດ້ເຮັດ, ບໍ່ໄດ້ສອບສວນ.” Continue reading “ການແກ້ໄຂ ຄົນຫາຍສາບສູນ ໃນລາວ ຄືບຄານ”

ໝູ່ເພື່ອນຍັງຖ້າຮູ້ຂ່າວ ທ້າວ ອ໊ອດ

ວິທະຍຸເອເຊຍເສລີ: 24 ສິງຫາ 2020

ທີ່ຜ່ານມາ ມີຄົນລາວຫຼາຍຄົນ ທີ່ຫາຍສາບສູນ ທັງຢູ່ປະເທດລາວ ແລະ ຢູ່ຕ່າງປະເທດ…

ໝູ່ເພື່ອນຍັງເປັນຫ່ວງ ແລະຢາກຮູ້ຄວາມຈິງ ກ່ຽວກັບການຫາຍສາບສູນຂອງ ທ້າວ ອ໊ອດ ໄຊຍະວົງ ອາຍຸ 36 ປີ ຢູບາງກອກ ປະເທດ ໄທຍ ເປັນເວລາເກືອບ 1 ປີ. ດັ່ງ ໝູ່ຄົນນຶ່ງ ຂອງ ທ້າວ ອ໊ອດ ໄດ້ກ່າວຕໍ່ເອເຊັຽເສຣີ ໃນວັນທີ 24 ສິງຫາ:

“ຍັງບໍ່ມີຂ່າວດີຫຍັງຫັ້ນນ່າ ຕ່າງຄົນກະຕ່າງ ໄດ້ຮັບຂ່າວສຳຄັນ ວ່າຊັ້ນຊະ ຍັງບໍ່ທັນ ໄດ້ຮັບໃຜດີ ຫຼືວ່າກ່ຽວກັບ ອ໊ອດສະກາ ທີ່ຫາຍສາບສູນ ໄປ ມັນກະຍັງບໍ່ມີວີ່ແວວ ຍັງຄືເກົ່າຢູ່, ໃນນາມອົງກອນ ກະໄດ້ແຕ່ໂພສທາງ Facebook ເລື່ອງການຫາຍສາບສູນໄປ ຢູ່ຕລອດເວລາ ເພື່ອບໍ່ໃຫ້ລືມ ທຸກຄົນກະພຍາຍາມ ເຝົ້າລະລໍ ຄືກັນຫັ້ນແຫຼະ ລໍຄອຍວ່າ ຄວາມຈິງມັນ ເປັນຈັ່ງໃດ ທຸກຄົນກະຢາກຮູ້ຫັ້ນນ່າ.” Continue reading “ໝູ່ເພື່ອນຍັງຖ້າຮູ້ຂ່າວ ທ້າວ ອ໊ອດ”

ທາງການລາວຍັງສືບຫາ ທ່ານ ສົມບັດ ສົມພອນ

ວິທະຍຸເອເຊຍເສລີ: 22 ມັງກອນ 2020

ໃນກອງປະຊຸມທົບທວນ ການປະຕິບັດ ສິທທິມະນຸດ ໃນລາວ ປະຈຳໄລຍະ ຫຼື UPR ທີ່ຈັດຂຶ້ນຢູ່ ນະຄອນເຈນິວາ, ປະເທດ ສະວິດເຊີແລນດ໌, ວັນທີ 21 ມົກຣາ 2020, ທ່ານ ພູໂຂງ ສີສຸລາດ (ແຖວໜ້າ-ກາງ) ເອກອັຄຣັຖທູຕລາວ ປະຈຳ ປະເທດເບລຢ່ຽມ ຊີ້ແຈງວ່າ ການສືບສວນ ກໍຣະນີ ທ່ານ ສົມບັດ ຕ້ອງໃຊ້ເວລາ. UPR-Video

ໃນຣະຫວ່າງກອງປະຊຸມ ທົບທວນ ການປະຕິບັດ ສິທທິມະນຸດ ໃນລາວ ປະຈຳໄລຍະ ຫຼື UPR ທີ່ຈັດຂຶ້ນ ໃນນະຄອນເຈນິວາ, ປະເທດ ສະວິດເຊີແລນດ໌ ໃນວັນທີ 21 ມົກຣາ 2020 ນີ້, ທາງການລາວ ຍອມຮັບວ່າ ຍັງຄົງສືບຕໍ່ ແກ້ໄຂບັນຫາການ ຫາຍສາບສູນ ຂອງທ່ານ ສົມບັດ ສົມພອນ ຢູ່, ເຖິງວ່າ ຄຳຖາມຫຼາຍຢ່າງ ຍັງຄົງສືບຕໍ່ບໍ່ຈະແຈ້ງເທື່ອ ໃນຂນະທີ່ນາໆປະເທດຮຽກຮ້ອງ ໃຫ້ທາງການລາວເລັ່ງແກ້ ໄຂບັນຫາ ດັ່ງກ່າວ ແລະ ແນະນຳໃຫ້ ຣັຖບານລາວ ປະຕິບັດ ສິທທິມະນຸດ ຕາມຫຼັກການ ສາກົລ.

ຕາງໜ້າໃຫ້ຣັຖບານລາວ, ທ່ານ ບຸນເກີດ ສັງສົມສັກ, ຣັຖມົນຕຣີປະຈຳສຳນັກງານ ນາຍົກຣັຖມົນຕຣີ ແລະ ທັງເປັນຫົວໜ້າຄນະຜູ້ແທນ ລາວ ດ້ານສິທທິມະນຸດ ໄດ້ຂຶ້ນກ່າວ ບົດຣາຍງານແຫ່ງຊາຕ ໃນກອງປະຊຸມ ແລະ ທ່ານໄດ້ກ່າວບາງຕອນ ຕໍ່ກໍຣະນີ ທີ່ນາໆປະເທດ ໄດ້ທວງຖາມເຖິງ ການຫາຍສາບສູນ ຂອງທ່ານ ສົມບັດ ສົມພອນ ວ່າ: Continue reading “ທາງການລາວຍັງສືບຫາ ທ່ານ ສົມບັດ ສົມພອນ”

7 ປີ ສົມບັດ ສົມພອນ ຫາຍສາບສູນ ສາກົລ ທວງຖາມ

ວິທະຍຸເອເຊຍເສລີ: 17 ທັນວາ 2019

ຍາ​ນາງ ອຶ້ງ-ຊຸຍ​ເມັ້ງ, ພັ​ລ​ຍາ​ຂອງ​ທ່ານ ສົມ​ບັດ ສົມ​ພອນ ໃນ​ຣະ​ຫວ່າງ ເວ​ທີ​ຣຳ​ລຶກ ຄົບ​ຮອບ 7 ປີ ທີ່​ທ່ານ ສົມ​ບັດ ສົມ​ພອນ, ສາ​ມີ​ຂອງ​ຍາ​ນາງ ໄດ້​ຫາຍ​ສາບ​ສູນ​ ໃນ​ປະ​ເທດ​ລາວ ທີ່​ສະ​ໂມ​ສອນ ​ນັກ​ຂ່າວຕ່າງ​ປະ​ເທດ ໃນ​ນະ​ຄອນຫຼວງບາງກອກ ປະ​ເທດ​ໄທ​ຍ (ຮູບ​ຖ່າຍ​ເມື່ອ: ​ວັນ​ທີ 17 ທັນ​ວາ 2019) RFA

ອົງການຈັດຕັ້ງ ທາງພາ​ກ​ປະ​ຊາ​ສັງ​ຄົມ ຫຼາຍອົງການ ຮວມທັງນັກວິຊາການ ໄດ້ຈັດພິທີຣຳ​ລຶກ ຄົບຮອບ 7 ປີ ການຫາຍສາບສູນ ຂອງທ່ານ ສົມບັດ ສົມພອນ, ໃນມື້ວັນທີ 17 ທັນວາ ປີ 2019 ທີ່ນະ​ຄອນຫຼວງ ບາງກອກ ປະເທດໄທຍ.  ຍາງນາງ ອຶ້ງ-ຊຸຍເມັ້ງ ພັລຍາຂອງທ່ານ ສົມບັດ ສົມພອນ ໄດ້ໃຫ້ສັມພາດ ຕໍ່ນັກຂ່າວ ເອເຊັຽເສ​ຣີ ວ່າ ມາເຖິງປັດຈຸບັນ, ຍັງບໍ່ມີຄວາມຄືບໜ້າ ຕໍ່ການຫາຍສາບສູນ ຂອງທ່ານ ສົມບັດ ສົມພອນ. ເຈົ້າໜ້າທີ່ລາວ ບໍ່ໄດ້ໃຫ້ຂໍ້ມູນຫຍັງເລີຍ.

“ຫຼັງຈາກ 7ປີແລ້ວ, ກະບໍ່ມີຫຍັງຄືບໜ້າ ຈັກດີ້ເລີຍ. ທາງການລາວ ກໍບໍ່ໄດ້ຊ່ອຍອີ່​ສັງ, ບໍ່ໄດ້ພົບ ຊຸຍ​ເມັ້ງ ​ນ່າ. ເຈົ້າ​ໜ້າ​ທີ່ ກະບໍ່ໄດ້ພົບ ບໍ່ໄດ້ພົວພັນ ແລະ ບໍ່ໄດ້ໃຫ້ຂໍ້ມູນ ຂ່າວສານ ຈັກດີ້ເລີຍ.” Continue reading “7 ປີ ສົມບັດ ສົມພອນ ຫາຍສາບສູນ ສາກົລ ທວງຖາມ”

ຊາວລາວທີ່ ຫາຍສາບສູນ

ວິທະຍຸເອເຊຍເສລີ: 13 ທັນວາ 2019

ທ້າວ ເພັດພູທອນ ພີລາຈັນ (ຊ້າຍ) ທ່ານ ສົມບັດ ສົມພອນ (ກາງ) ທ່້າວ ອັອດ ໄຊຍະວົງ (ຂວາ) ເປັນບຸກຄົນທີ່ ຫາຍສາບສູນ ແບບມີເງື້ອມງໍາ ເປັນປິສນາ

ທ້າວ ເພັດພູທອນ ກັມມະກອນລາວ ທີ່ເຮັດວຽກ ຢູ່ປະເທດໄທ ໄດ້ເດີນທາງໄປຢາມພີ່ນ້ອງ ຢູ່ ນະຄອນຫລວງວຽງຈັນ ໃນວັນທີ 13 ພຶສຈິກາ ແລະ ໃນວັນທີ 14 ພຶສຈິກາ ຍາດພີ່ນ້ອງບໍ່ສາມາດຕິດຕໍ່ໄດ້. ຈົນມາເຖິງປັດຈຸບັນ ຍັງບໍ່ມີຜູ້ໃດ ສາມາດ ຕິດຕໍ່ລາວໄດ້ ແລະ ຜູ້ທີ່ເປັນນ້ອງສາວ ກໍກັງວົນເປັນຫ່ວງນໍາ.

ນອກຈາກນີ້ ໃນວັນທີ 26 ສິງຫາ ທີ່ຜ່ານມາ, ທ້າວ ອັອດ ໄຊຍະວົງ ກັມມະກອນລາວ ທີ່ເຮັດວຽກຢູ່ປະເທດໄທ ກໍຫາຍຕົວໄປແບບບໍ່ມີ ຮ່ອງຮອຍ ຢູ່ບາງກອກປະເທດໄທ ແລະຈົນມາເຖິງປັດຈຸບັນນີ້ ກໍຍັງບໍ່ມີຂ່າວຄາວຫຍັງ,

ກ່ຽວກັບການຫາຍຕົວໄປຂອງ ທ້າວ ເພັດພູທອນ ແລະ ທ້າວ ອອດ, ອົງກອນດ້ານສິດທິມະນຸດ ໄດ້ສະແດງຄວາມເປັນຫ່ວງທີ່ສຸດຍ້ອນວ່າ ທັງສອງຄົນເຄີຍປະທ້ວງ ທາງການລາວ ຢູ່ຕໍ່ໜ້າສະຖານທູດລາວ ປະຈຳບາງກອກກ່ຽວກັບເລື່ອງ ສິດທິມະນຸດ ແລະ ປະຊາທິປະໄຕ ແລະ ນັກປົກປ້ອງສິດທິມະນຸດ ຫຼາຍຄົນ ກໍສະແດງຄວາມເປັນຫ່ວງວ່າ ກໍຣະນີ ທ້າວ ເພັດພູທອນ ແລະ ທ້າວ ອັອດ ໄຊຍະວົງ ຈະຄ້າຍຄື ກໍຣະນີ ທ່ານ ສົມພັດ ສົມພອນ ນັກພັທນາອາວຸໂສ ຂອງລາວ ທີ່ຖືກລັກພາຕົວໄປໃນວັນທີ 15 ທັນວາ 2012 ຈົນມາປັດຈຸບັນ ກໍຍັງບໍ່ ສາມາດ ຮູ້ໄດ້ວ່າ ທ່ານ ສົມບັດ ນັ້ນຢູ່ໃສ.

7 ປີ ທ.ສົມບັດ ສົມພອນ ຫາຍສາບສູນ

ວິທະຍຸເອເຊຍເສລີ: 12 ທັນວາ 2019

ຣົດຈິບ ຄູ່ໃຈຂອງທ່ານ ສົມບົດ ສົມພອນ ບໍ່ຫນ້າເຊື່ອວ່າຈະຫາຍໄປພ້ອມກັບທ່ານ ແລະ ກໍຫາບໍ່ເຫັນ ທັງຄົນທັງຣົດເປັນຄັນ

ອົງການສິດທິມະນຸດສາກົນ ໃນໄທ ກຽມຈັດງານຖແລງຂ່າວ ຄົບຮອບ 7 ປີ ການຫາຍສາບສູນ ຂອງ ທ່ານສົມບັດ ສົມພອນ ນັກພັທນາ ຊຸມຊົນ ດີເດັ່ນຂອງລາວ ທີ່ໄດ້ຮັບລາງວັນ ແມັກໄຊ໋ໆ ປີ 2005 ໃນວັນທີ 17 ທັນວາ 2019 ນີ້ ທີ່ສະມາຄົມນັກຂ່າວ ຕ່າງປະເທດ ນະຄອນຫຼວງບາງກອກ ປະເທດໄທ, ດັ່ງຍານາງ ສຸນທະຣີ ນາກາວິໂຣຈ Soontaree Nakaviroj ເຈົ້າໜ້າທີ່ອົງການ Focus on the Global South ປະຈໍາປະເທດໄທ ກ່າວຕໍ່ວິທຍຸເອເຊັຽເສຣີ ໃນມື້ວັນທີ 12 ທັນວາ ນີ້ວ່າ:

“ເປັນການຖແລງຂ່າວ ແລ້ວກໍລົມກັນ ວ່າເຣື່ອງຄວາມຄືບໜ້າ ຫຼືວ່າຊິເອົາແບບໃດຕໍ່ໄປໄດ້ ເພາະວ່າ ແທ້ໆ ມັນງຽບມາດົນນານແລ້ວ ບໍ່ມີຫຍັງຄືບໜ້າເລີຍເນາະ.” Continue reading “7 ປີ ທ.ສົມບັດ ສົມພອນ ຫາຍສາບສູນ”