ຣັຖະບານ ຫມີ່ນປະມາດ ທ່ານ ສົມບັດ ສົມພອນ ປະຕິເສດ ທຸກຂໍ້ ກ່ຽວກັບ ກໍຣະນີ ຫາຍຕົວແບບ ຖືກບັງຄັບ ໃນລະວ່າງ ການທົບທວນ ສີດທິ.

FIDH: 18 ກໍລະກົດ 2018

(ປາຣີ) ໃນ ລະວ່າງການຕວດສອບ ໂດຍ ອົງການສະຫະປະຊາຊາດ, ຣັຖະບານໄດ້ ໃສ່ຮ້າຍປ້າຍສີ ທ່ານ ສົມບັດ ສົມພອນ ຜູ້ນໍາ ທາງ ສັງຄົມພົລະເມືອງ ທີ່ ຫາຍຕົວໄປ ແລະ ບໍ່ ສາມາດ ໃຫ້ ລາຍລະອຽດໃດໆ ກ່ຽວກັບການສືບສວນ ຂອງ ການຫາຍຕົວແບບຖືກບັງຄັບ ຂອງທ່ານ“,ນີ້ ຄື FIDH (ສະຫະພັນ ສາກົນ ເພື່ອ ສິດທິມະນຸດ) ແລະ ຂະບວນການລາວ ເພື່ອ ສີດທິ ມະນຸດ ( ຂລສລ) ໄດ້ ກ່າວມື້ນີ້.

ໃນວັນທີ 11-12 ກໍຣະກະດາ 2018, FIDH ແລະ ຂລສມ ໄດ້ເຂົ້າຮ່ວມ ການຕວດສອບ ຄັ້ງທໍາອິດ ກ່ຽວກັບສະຖານະພາບ ສິດທິພົລະເຮືອນ ແລະ ສິດທິການເມືອງ ໃນລາວ ໂດຍ ຄນະກໍາມະການ ສິດທິມະນຸດ ຂອງອົງການສະຫະປະຊາຊາດ (CCPR) ຢູ່ ເຈນີວາ, ສະວິດເຊີແລນ.

‘’ຣັຖະບານ ພະຍາຍາມ ຈະ ຫັນຄວາມສົນໃຈ ຈາກຄວາມຫລົ້ມເຫລວ ຂອງຕົນ ໃນການສືບສວນ ການຫາຍສາບສູນ ແບບຖືກບັງຄັບ ຂອງ ທ່ານ ສົມບັດ ສົມພອນ ໂດຍວິທີ ຄ້າຍຄຽງ ສັງຫານ ຊື່ສຽງຂອງທ່ານ ແລະ ຄອບຄົວທ່ານ. ພືດຕິກັມ ດັ່ງກ່າວ ຂອງ ຣັຖະບານ ລາວ ເປັນທ່າທີ ບໍ່ຖືກຕ້ອງ ບໍ່ເຫມາະສົມຢ່າງຮ້າຍແຮງ ສໍາລັບ ເວທີປະຊູມ ທົບທວນ ສິດທິມະນຸດ.’’ ຍານາງ ເດບີ ສຕອຕທາດ (Debbie Stothard) ເລຂາທີການເອກ ຂອງ FIDH

ຄນະ ຜູ້ຕາງໜ້າ ຣັຖະບານ ໄດ້ໃຫ້ ຄໍາຕອບທີ່ບໍ່ ສັດເຈນ ຕໍ່ ຫລາຍໆ ຄໍາຖາມທີ່ ລະອຽດ ແລະ ຕົງປະເດັນ ກ່ຽວກັບກັບ ການສືບສວນ ການຫາຍຕົວແບບຖືກບັງຄັບ ຂອງ ທ່ານ ສົມບັດ ສົມພອນ. ຣັຖະບານ ອ້າງວ່າ ຄນະກໍາມະການສືບສວນຂອງຕົນໄດ້ “ພະຍາຍາມຢ່າງຫນັກ” ເພື່ອ ສືບສວນ ການຫາຍຕົວ ຂອງ ທ່ານ ສົມບັດ, ແຕ່ບອກວ່າ ມັນ”ຍາກຫຼາຍ” ທີ່ຈະຊອກຫາຄົນທີ່ຫາຍໄປ. ເຖີງຈະຍອມຮັບວ່າ ການດໍາເນີນ ການສືບສວນ ເປັນສີ່ງທ້າທາຍ ຣັຖະບານ ກໍ່ອ້າງວ່າ ຕໍາຫຼວດລາວ ມີ “ຄວາມສາມາດ ແລະ ເຕັກນິກ” ທີ່ຈະ ສືບສວນ ການຫາຍຕົວ ຂອງ ທ່ານ ສົມບັດແລະດັ່ງນັ້ນ, ຈຶ່ງ ບໍ່ມີຄວາມຈໍາເປັນ ຕ້ອງມີການຊ່ວຍເຫລືອ ຈາກສາກົນ. ທ່ານສົມບັດ ໄດ້ຖືກສັງເກດເຫັນ ຄັ້ງສຸດທ້າຍຢູ່ທີ່ ດ່ານຕໍາຫຼວດ ຢູ່ ຖະຫນົນໃຫຍ່ ຂອງ ນະຄອນຫລວງວຽງຈັນ ໃນຕອນແລງ ຂອງວັນທີ 15 ທັນວາ 2012. Continue reading “ຣັຖະບານ ຫມີ່ນປະມາດ ທ່ານ ສົມບັດ ສົມພອນ ປະຕິເສດ ທຸກຂໍ້ ກ່ຽວກັບ ກໍຣະນີ ຫາຍຕົວແບບ ຖືກບັງຄັບ ໃນລະວ່າງ ການທົບທວນ ສີດທິ.”

ຜູ້ຕາງໜ້າລາວ ຖືກຫ້າມ ຖ່າຍຮູບ ໃນ ສປຊ

ວິທະຍຸເອເຊຍເສລີ: 13 ກໍລະກົດ 2018

ເຈົ້າໜ້າທີ່ຂອງຄນະຜູ້ແທນ ສປປ ລາວ ກໍາລັງຖືກເຈົ້າໜ້າທີ່ ສະຫະປະຊາຊາດ ຫ້າມບໍ່ໃຫ້ຖ່າຍຮູບ ແລະ ຖືກບອກໃຫ້ ລຶບ ວີດີໂອ ຖິ້ມ
Courtesy of : AG@ag_fidh

ເຈົ້າໜ້າທີ່ ໃນຄນະຜູ້ແທນລາວ ຄົນນຶ່ງທີ່ເປັນຜູ້ຍິງ ໄດ້ເຮັດຜິດກົດຣະບຽບ ດ້ວຍການຖ່າຍຮູບ ຢູ່ໃນຫ້ອງປະຊຸມໃຫຍ່ ຄນະກັມມະການ ສິດທິມະນຸດ ຂອງສະຫະປະຊາຊາດ.

ໃນຣະຫວ່າງກອງປະຊຸມ ວ່າ​ດ້ວຍ ສິ​ດ​ທິ​ພົ​ລ​ເມືອງ ແລະ ສິດ​ທ​ິ​ທາງ​ການ​ເມືອງ ຂອງສະຫະປະຊາຊາດ ທີ່ນະຄອນເຈນິວາ ປະເທດສະວິສເຊີແລັນ ໃນວັນທີ 12 ກໍຣະກະດາ ຜ່ານມາ, ມີເຈົ້າໜ້າທີ່ຂອງຄນະ ຜູ້ແທນລາວຄົນນຶ່ງ ທີ່ເປັນຜູ້ຍິງ ໄດ້ຍ່າງເລາະຖ່າຍຮູບ ບັນດາຄນະຜູ້ແທນ ທີ່ມາຮ່ວມກອງປະຊຸມ ຮວມທັງຜູ້ເຂົ້າຮ່ວມ ທີ່ມາຈາກອົງການຈັດຕັ້ງ ທາງສັງຄົມຂອງລາວ. Continue reading “ຜູ້ຕາງໜ້າລາວ ຖືກຫ້າມ ຖ່າຍຮູບ ໃນ ສປຊ”

ທາງການລາວບ່າຍບ່ຽງ ຄໍາຖາມ ສປຊ

ວິທະຍຸເອເຊຍເສລີ: 16 ກໍລະກົດ 2018

ທ່ານ ພູໂຂງ ສີສຸລາດ (ແຖວໜ້າ-ກາງ) ຫົວໜ້າກົມສົນທິສັນຍາ ແລະກົດໝາຍ ກະຊວງການຕ່າງປະເທດ ຊຶ່ງເປັນນຶ່ງໃນຄນະ ຜູ້ແທນລາວ ໄດ້ກ່າວໃນວັນທີ 12 ກໍຣະກະດາ ວ່າ: ຄວາມຈິງກໍຄືວ່າ ມີກຸ່ມຄົນຈຳນວນໜ້ອຍນຶ່ງ ເທົ່ານັ້ນ ປະຕິເສດ ຄ່າຊົດເຊີຍScreen captured : http://webtv.un.org/

ບັນຫາການລະເມີດສິດທິມະນຸດ ຢູ່ໃນປະເທດລາວ ຍັງເປັນບັນຫາຫລັກ ທີ່ຄນະກັມມະການ ສິດທິມະນຸດ ຂອງສະຫະປະຊາຊາດ ໄດ້ ສະແດງຄວາມເປັນຫ່ວງ ແລະທວງຖາມ ຈາກຄນະຜູ້ແທນລາວ ຢູ່ກອງປະຊຸມ ວ່າດ້ວຍສິດທິພົລເມືອງ ແລະສິດທິ ທາງການເມືອງ ຂອງສະຫະປະຊາຊາດ ໃນວັນທີ 11-12 ກໍຣະກະດາ ທີ່ຜ່ານມາ.

ສິ່ງທີ່ ຄນະກັມມະການສິດທິມະນຸດ ໄດ້ທວງຖາມຄນະຜູ້ແທນລາວ ກໍຄື; ທ່ານ ສົມບັດ ສົມພອນ ທີ່ຖືກລັກພາຕົວໄປ ໃນວັນທີ 12 ທັນວາ 2012 ຢູ່ຕໍ່ໜ້າປ້ອມຍາມຕຳຣວດ ຢູ່ນະຄອນຫລວງວຽງຈັນ.

ຍານາງ Marcia Kran ສະມາຊິກຄນະກັມມະການ ສິດທິມະນຸດຂອງ ສປຊ ໄດ້ຖາມຄນະຜູ້ແທນລາວໃນທີ່ ປະຊຸມໃນວັນທີ 11 ກໍຣະກະດາ ວ່າ:

“ຢາກໃຫ້ທາງການລາວ ສົ່ງຣາຍລະອຽດ ການສືບຕົວຫາຕົວ ທ່ານ ສົມບັດ ສົມພອນ ຜູ້ທີ່ຖືກບັງຄັບໃຫ້ ຫາຍສາບສູນໃນປີ 2012 ຄນະກັມມະການ ໄດ້ອີງໃສ່ຂໍ້ມູນໃໝ່ ກ່ຽວກັບເລື້ອງນີ້ ບາງຂໍ້ມູນທີ່ຄນະກໍັມມະການ ໄດ້ຍິນແມ່ນມາຈາກຣັຖບານລາວ ແລະ ພວກເຮົາ ຢາກໄດ້ຂໍ້ມູນ ທີ່ເຊື່ອຖືໄດ້.”

Continue reading “ທາງການລາວບ່າຍບ່ຽງ ຄໍາຖາມ ສປຊ”

ມາດາມ ຊຸຍ ເມັງ ຊາບຊຶ້ງ ຕໍ່ ສາກົນ

ວິທະຍຸເອເຊຍເສລີ: 13 ກໍລະກົດ 2018

ມາດາມ ອຶ້ງ ຊຸຍເມັ້ງ ພັລຍາຂອງ ທ່ານ ສົມບັດ ສົມພອນ ໄດ້ກ່າວຕໍ່ ວິທຍຸເອເຊັຽເສຣີ ໃນມື້ວັນທີ 13 ກໍຣະກະດາ 2018

ມາດາມ ອຶ້ງ ຊຸຍເມັ້ງ, ພັລຍາຂອງທ່ານ ສົມບັດ ສົມພອນ ນັກພັທນາຊຸມຊົນ ດີເດັ່ນຂອງລາວ, ໄດ້ກ່າວຕໍ່ວິທຍຸເອເຊັຽເສຣີ ໃນມື້ວັນທີ 13 ກໍຣະກະດາ ນີ້ວ່າ ການທວງຖາມຣັຖບານ ສປປລາວ ຫາ ທ່ານ ສົມບັດ ສົມພອນ ຢູ່ໃນກອງປະຊຸມທົບທວນ ການປະຕິບັດສິດທທິມະນຸສ ປະຈຳຣະຍະ ຂອງສະຫະປະຊາຊາດ ທີ່ນະຄອນເຈນິວາ, ປະເທສ ສະວິສເຊິແລັນ ນັ້ນຖືເປັນກຳລັງໃຈອັນສຳຄັນຍິ່ງ ຕໍ່ມາດາມແລະທຸກຄົນ ໃນຄອບຄົວ ແລະ ມາດາມຮູ້ສຶກຊາບຊຶ້ງໃຈ ທີ່ສາກົນຍັງສືບຕໍ່ຕິດຕາມ ເຣຶ່ອງການຫາຍສາບສູນ ຂອງສາມີຕົນ. ດັ່ງ ມາດາມ ໄດ້ກ່າວຕອນນຶ່ງວ່າ:

“ພາກສ່ວນສາກົນເນາະ ຂະເຈົ້າຍັງຫຼັງຈາກຜ່ານມາຫຼາຍປີແລ້ວ ຂະເຈົ້າຍັງຖາມຫາ ຢາກຮູ້ເນາະວ່າລຸງ ສົມບັດ ປະຈຸບັນ ຢູ່ໃສ? ອັນນີ້ ປ້າຂອບໃຈຂະເຈົ້າຫຼາຍໆ. ສຳລັບປ້າ, ອັນນີ້ກະເປັນກຳລັງໃຈໃຫ້ປ້າ ວ່າທາງນອກເນາະ, ໂດຍສະເພາະສາກົນ ຍັງບໍ່ທັນໄດ້ລືມ ກ່ຽວກັບ ເຣື້ອງຂອງລຸງ ສົມບັດ.” Continue reading “ມາດາມ ຊຸຍ ເມັງ ຊາບຊຶ້ງ ຕໍ່ ສາກົນ”

ສາກົນຮຽກຮ້ອງໃຫ້ ສປຊ ກົດດັນ ຜູ້ນໍາລາວ

ວິທະຍຸເອເຊຍເສລີ: 01 ສິງຫາ 2017

ສະຫາພັນສາກົນ ເພື່ອ ສິດທິມະນຸດ ຫລື FIDH ຮ່ວມດ້ວຍ ຂະບວນການ ລາວ ເພື່ອ ສິດທິມະນຸດ LMHR ໄດ້ອອກ ຖແລງການຮ່ວມ ຮຽກຮ້ອງ ໃຫ້ສະຫະປະຊາຊາດ ກົດກັນ ຣັຖບານລາວ ໃຫ້ແກ້ໄຂບັນຫາ ສິດທິມະນຸດ ທີ່ຍັງຄ້າງຄາ ຢູ່ໃນລາວ ກ່ອນການທົບທວນ ດ້ານ ສິດທິມະນຸດ ຂອງ ອົງການ ສະຫະປະຊາຊາດ ໃນປີນີ້.

ຂໍ້ຄວາມໃນຖແລງການດັ່ງກ່າວ ຣະບຸວ່າ ຣັຖບານລາວ ຕ້ອງໄດ້ທົບທວນ ແລະແກ້ໄຂ ສະພາບການ ດ້ານ ສິດທິມະນຸດ ຂອງຕົນຢ່າງ ຈີງຈັງ ແລະເລັ່ງລັດ ບາດກ້າວໄປ ໃນທາງທີ່ຖືກຕ້ອງ ເພື່ອສະແດງໃຫ້ອົງການ ສະຫະປະຊາຊາດ ເຫັນວ່າ ສປປລາວ ຈິງຈັງໃນການ ປະຕິບັດ ຕໍ່ຄຳຮຽກຮ້ອງຂອງສາກົນ ໃນບັນດາດັ່ງກ່າວ ດັ່ງທ່ານ Andrea Giorgetta ຜູ້ອຳນວຍການ ສະຫະພັນສາກົນ ເພື່ອສິດທິ ມະນຸດ ປະຈຳຂົງເຂດ ເອເຊັຽ ກ່າວຕໍ່ເອເຊັຽ ໃນຕອນນຶ່ງວ່າ:

“ທ່ານວ່າ ພວກທ່ານເປັນຫ່ວງກ່ຽວກັບ ການຂາດຄວາມໂປ່ງໃສ ຄວາມຮັບຜິດຊອບ ແລະ ຄວາມຫລົ້ມແຫລວ ໃນການປະຕິບັດ ຕໍ່ກົດ ເກນຂອງ ສະຫະປະຊາຊາດ ທາງດ້ານ ສິດທິມະນຸດ ແລະວ່າພວກທ່ານ ເປັນຫ່ວງກ່ຽວກັບ ການຈັບກຸມບຸກຄົນທີ່ ສະແດງອອກ ໃນ ເຄືອຂ່າຍ ອິນເຕີແນັດ ທຸກຮູບແບບ ໃນລາວ”.

ຖແລງການຍັງຣະບຸຕໍ່ໄປວ່າ ບັນຫາ ທີ່ຫນ້າເປັນຫ່ວງ ກ່ຽວກັບ ສິດທິມະນຸດ ໃນລາວ ທີ່ຍັງບໍ່ຖືກແກ້ໄຂ ໃນນັ້ນຮ່ວມດ້ວຍ ການຂາດ ການບັງຄັບໃຊ້ ກົດເກນ ກ່ຽວກັບ ສິດທິມະນຸດ ສາກົນ, ການລົງໂທດ ຜູ້ຕ້ອງຫາ ບໍ່ສົມກັບຄະດີ ແລະ ບໍ່ຜ່ານຂະບວນການ ຍຸຕິທັມ, ການທຳຮ້າຍ ຮ່າງກາຍນັກໂທດ, ການຈັບກຸມຄຸມຂັງ ຜູ້ວິພາກວິຈານຣັຖບານ ໃນເຄືອຂ່າຍອີນເຕີແນັດ, ການບີບບັງຄັບໃຫ້ຫາຍສາບສູນ, ຂາດການສືບສວນ, ສະພາບການ ໃນທີ່ກັກຂັງ ຫລື ໃນຄຸກ ຂາດມາຕຖານ ສາກົນ,

ການຕັດສີນຄະດີ ຂອງສານທີ່ບໍ່ຍຸຕິທັມ ບໍ່ເຄົາຮົບນັບຖື ສິດທິມະນຸດ ສິດທິ ການປາກເວົ້າ ສິດທິ ການສະແດງອອກ ສິດທິ ການຊຸມນຸມ ແບບສັນຕິ ແລະສິດທິ ອົງການຈັດຕັ້ງ ທາງສັງຄົມ ແມ່ນບໍ່ມີເລີຍ ຮ່ວມທັງສິດທິ ຖືສາສນາ ຂອງຊົນກຸ່ມນ້ອຍ ໃນລາວ. ສິດທິ ດັ່ງກ່າວ ທັງຫມົດນີ້ ທາງການລາວ ຕ້ອງໄດ້ແກ້ໄຂ ກ່ອນ ການທົບທວນ ດ້ານ ສິດທິ ມະນຸດ ຂອງອົງການ ສະຫະປະຊາຊາດ ດ້ານ ສິດທິມະນຸດ ໃນປີນີ້.

ບໍ່ໜ້າແປກໃຈທີ່ລາວ ພາດໂອກາດນັ່ງຕັ່ງຂ້າຫຼວງໃຫຍ່ສະຫະປະຊາຊາດດ້ານສິທິມະນຸດ

ວິທະຍຸເອເຊຍເສຣີ: 29 ຕຸລາ 2015 (ສະບັບແປບໍ່ເປັນທາງການ)

SB-Magsaysay-08
A 2005 photo of Sombath Somphone in the Philippines.

ຄວາມພະຍາຍາມທີ່ລົ້ມເຫຼວ ຂອງປະເທດລາວ ທີ່ຈະຊະນະຕຳແໜ່ງສະມາຊິກສະພາຂ້າຫຼວງໃຫຍ່ ສະຫະປະຊາຊາດດ້ານສິທິມະນຸດ ຖືເປັນເລື່ອງທີ່ໜ້າໂລ່ງໃຈສຳລັບກຸ່ມຜູ້ນຳດ້ານສິທິມະນຸດລາວ ເມື່ອໄດ້ເຫັນຜົນການລົງຄະແນນສຽງແບບປິດລັບ ທີ່ນິວຢອກ ໃນວັນພະຫັດ. ກຸ່ມດັ່ງກ່າວ ໄດ້ຮຽກ ຮ້ອງໃຫ້ລັດຖະບານກອມມູນິສຕ໌ ປະຕິບັດຕາມສົນທິສັນຍາວ່າດ້ວຍສິດ ຂອງອົງການສະຫະ ປະຊາຊາດ ກ່ອນທີ່ຈະພະຍາຍາມເຂົ້າຮ່ວມຄະນະຂ້າຫຼວງໃຫຍ່.

ຜົນການລົງຄະແນນສຽງແບບປິດລັບ ໂດຍສະພານິຕິບັນຍັດຂອງອົງການສະຫະປະຊາຊາດ ໃນ ວັນພຸດ ເຫັນວ່າລາວພາດໂອກາດຖືຕຳແໜ່ງໜຶ່ງໃນຫ້າຂອງຕາງໜ້າພາກພື້ນອາຊີ-ປາຊີຟິກ ໃນ ສະພາຂ້າຫຼວງໃຫຍ່, ໂດຍປະເທດທີ່ໄດ້ຕຳແໜ່ງລວມມີ ກຽກກິສຖານ, ມົງໂກເລຍ, ຟີລິປິນ, ເກົາຫຼີໃຕ້, ແລະສະຫະລັດອາຣັບ ເອມິເຣດ.

ກຸ່ມເຄື່ອນໄຫວດ້ານສິທິມະນຸດລາວໃນປາຣີສ ບອກວິທະຍຸເອເຊຍເສຣີລາວວ່າ ຄົງຈະ “ໂຊກຮ້າຍທີ່ ສຸດ” ຖ້າຕ້ອງເຫັນລັດຖະບານຜະເດັດການພັກດຽວໃນວຽງຈັນ ເຂົ້າຮ່ວມເປັນໜຶ່ງໃນ 47 ສະມາຊິກ ສະພາຂ້າຫຼວງໃຫຍ່.

“ກຸ່ມເຄື່ອນໄຫວດ້ານສິທິມະນຸດລາວ ເຊື່ອວ່າການລ່ວງລະເມີດສິດຂອງພົນລະເມືອງລາວຢ່າງບໍ່ມີ ສິ້ນສຸດ ແລະບໍ່ມີຄວາມລະອາຍ ຂອງລັດຖະບານສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ສືບຕໍ່ມາຫຼາຍປີແລ້ວ, ຈິ່ງບໍ່ເປັນສິ່ງດຶງດູດຄະແນນສຽງຈາກປະເທດສະມາຊິກ (ສະຫະປະຊາ ຊາດ),” ວະນິດາ ເທບສຸວັນ, ປະທານກຸ່ມກ່າວ. Continue reading “ບໍ່ໜ້າແປກໃຈທີ່ລາວ ພາດໂອກາດນັ່ງຕັ່ງຂ້າຫຼວງໃຫຍ່ສະຫະປະຊາຊາດດ້ານສິທິມະນຸດ”

ຜູ້ລາຍງານພິເສດຂອງສະຫະປະຊາຊາດ: ຮ່າງດຳລັດວ່າດ້ວຍອົງການຈັດຕັ້ງທາງສັງຄົມ ອາດຂັດກັບກົດໝາຍສາກົນ

UN Logoວັນທີ 29 ພຶສະພາ, ຜູ້ລາຍງານພິເສດຂອງອົງການສະຫະປະຊາຊາດດ້ານສິດເສລີພາບໃນການອອກສຽງ, ເສລີພາບໃນການໂຮມຊຸມນຸມ ແລະສະມາຄົມຢ່າງສັນຕິ, ແລະສະພາບຂອງນັກປົກປັກຮັກສາສິທິມະນຸດ ໄດ້ສົ່ງຈົດໝາຍເຖິງລັດຖະບານລາວ ເພື່ອສະເໜີກ່ຽວກັບຄວາມກັງວົນຕໍ່ກັບຮ່າງດຳລັດວ່າດ້ວຍສະມາຄົມ ແລະມູນິທິ. ສ່ວນໜຶ່ງຂອງຈົດໝາຍໄດ້ຂຽນວ່າ:

…ພວກຂ້າພະເຈົ້າມີຈຸດປະສົງນຳສະເໜີຕໍ່ບັນດາທ່ານຕາງໜ້າລັດຖະ-ບານ ຜູ້ມີກຽດ ກ່ຽວກັບຂໍ້ມູນທີ່ພວກຂ້າພະເຈົ້າໄດ້ຮັບກ່ຽວກັບຮ່າງດຳລັດວ່າດ້ວຍສະມາຄົມ ແລະ ມູນິທິ ທີ່ຈະຂັດກັບກົດໝາຍ ແລະມາດຖານສາກົນທີ່ກ່ຽວຂ້ອງກັບສິດເສລີພາບດ້ານການພົວພັນ ແລະສິດເສລີພາບດ້ານການອອກສຽງ, ຖ້າຫາກວ່າດຳລັດສະບັບນີ້ໄດ້ຮັບການຮັບຮອງໂດຍບໍ່ມີການ ປ່ຽນແປງ.

ໄດ້ມີການແຈ້ງຄວາມກັງວົນວ່າຂໍ້ກຳນົດໃນຮ່າງດຳລັດນີ້ ບໍ່ສອດຄ່ອງກັບກົດໝາຍ ແລະ ມາດຖານດ້ານສິທິມະນຸດສາກົນ ທີ່ກ່ຽວພັນເຖິງອິສະຫຼະດ້ານການອອກສຽງ ແລະອິສະຫຼະດ້ານການ ສະມາຄົມ ລວມເຖິງຄວາມສາມາດຂອງສະມາຄົມ ທີ່ຈະເຮັດວຽກຢ່າງອິສະຫຼະ ປາສະຈາກການ ແຊກແຊງທີ່ເກີນຄວນຈາກລັດ.

ຈົດໝາຍສະບັບເຕັມ ແມ່ນສາມາດອ່ານໄດ້ທີ່ນີ້.

 

ຣັຖບານລາວກັບບັນຫາ ສິດທິ ມະນຸດ

ວິທະຍຸເອເຊຍເສຣີ: 25 ມິຖຸນາ 2015

Lao Cabinet Building
ຫ້ອງວ່າການຣັຖບານ ສປປ ລາວ

ທ່ານ Andrea Giorgetta ຜູ້ ອຳນວຍການ ສະຫະພັນ ເພື່ອ ສິດທິ ມະນຸດ ສາກົນ FIDH ທີ່ ບາງກອກ ໄດ້ ໃຫ້ ສັມພາດ ກັບ ເອເຊັຽ ເສຣີ ໃນ ວັນທີ 24 ມິຖຸນາ ນີ້ວ່າ, ມັນເປັນ ການຍາກ ທີ່ ສປປລາວ ຈະ ໄປ ເລືອກຕັ້ງ ເປັນ ສະມາຊິກ ສະພາ ສິດທິ ມະນຸດ ສະຫະ ປະຊາຊາຕ, ຖ້າຫາກ ວ່າ ລາວ ບໍ່ ແກ້ໄຂ ບັນຫາ ການ ຣະເມີດ ສິດທິ ມະນຸດ ໃນລາວ ຢ່າງ ຮີບດ່ວນ:

“ເຫັນວ່າ ມັນ ເປັນ ການຍາກ ຫລາຍ ທີ່ ລາວ ຈະຖືກ ເລືອກຕັ້ງ ເປັນ ສະມາຊິກ ສະພາ ສິດທິ ມະນຸດ ສະຫະ ປະຊາຊາຕ, ຖ້າຫາກ ວ່າ ລາວ ບໍ໋ເອົາ ມາຕການ ຢ່າງ ຮີບດ່ວນ ເຣື້ອງ ການ ເຄົາຣົບ ສິດທິ ມະນຸດ ນັບແຕ່ ບັນຫາ ການ ບັງຄັບ ໃຫ້ ຫາຍສາບສູນ ຂອງ ທ່ານ ສົມບັດ ສົມພອນ, ນັກ ພັທນາ ຊຸມຊົນ ໃນລາວ, ແລະ ບັນຫາ ຫລັກໆ ຫລາຍ ບັນຫາ ເຊັ່ນວ່າ ສິດທິ ໃນການ ປາກເວົ້າ ການໂຮມ ຊຸມນຸມ, ການ ສະແດງ ຄວາມເຫັນ ແລະ ແກ້ໄຂ ບັນຫາ ການ ຍຶດ ເອົາທີ່ດິນ ຂອງ ປະຊາຊົນ ຢ່າງ ແທ້ຈິງ”.

ທ່ານວ່າ ຫລາຍ ປະເທດ ຮ່ວມທັງ ສປປ ລາວ ເອງ ຢາກ ສະມັກ ເລືອກຕັ້ງ ເຂົ້າໄປ ມີ ບ່ອນນັ່ງ ໃນ ສະພາ ສິດທິ ມະນຸດ, ເພື່ອ ມີກຽດ ອັນ ສູງສົ່ງ ໃນ ວົງການ ສາກົນ, ແລະ ເພື່ອ ຢາກ ສະແດງ ຕົນຕໍ່ ປະຊາຄົມ ນາໆຊາຕ ວ່າ, ຕົນ ຈິງຈັງ ກັບ ບັນຫາ ສິດທິ ມະນຸດ ຊຶ່ງ ຄວາມຈິງ ແລ້ວ ບໍ່ໄດ້ ປັບປຸງ ຫລື ແກ້ໄຂ ອັນໃດ ເທົ່າທີ່ ຄວນ:

“ຖ້າຫາກ ວ່າ ລາວ ຖືກ ເລືອກຕັ້ງ ເປັນ ສະມາຊິກ ສະພາ ສິດທິ ມະນຸດ, ມັນ ກໍເປັນ ໜ້າສົນໃຈ ສໍາລັບ ລາວ ທີ່ ຈະມີ ກຽດ ອັນ ສງ່າງາມ, ແຕ່ ໃນຂນະ ດຽວກັນ ລາວ ຈະບໍ່ເອົາ ມາຕການ ແກ້ໄຂ ບັນຫາ ຣະເມີດ ສິດທິ ມະນຸດ ຢ່າງ ຈິງຈັງ, ຊຶ່ງ ທ່ານ ເຄີຍເຫັນ ມາແລ້ວ, ໃນ ກໍຣະນີ ວຽດນາມ ທີ່ ຖືກ ເລືອກຕັ້ງ ເຂົ້າໄປ ເປັນ ສະມາຊິກ ສະພາ ສິດທິ ມະນຸດ ສະຫະ ປະຊາຊາຕ. ໃນ ຄວາມຈິງ ສະພາບ ສິດທິ ມະນຸດ ໃນ ວຽດນາມ ກໍ ບໍ່ໄດ້
ຖືກ ປັບປຸງ ພໍເທົ່າໃດ”.

ທ່ານ ກ່າວ ຕໍ່ໄປວ່າ ໃນ ເວລາ ທີ່ ປະເທດ ໃດນຶ່ງ ທີ່ເຮັດ ຄໍາຮ້ອງ ຂໍສມັກ ຮັບ ເລືອກຕັ້ງ ເປັນ ສະມາຊິກ ສະພາ ສິດທິ ມະນຸດ, ປະເທດ ນັ້ນ ກໍຕ້ອງ ສັນຍາ ວ່າ, ຕົນ ຕ້ອງ ປະຕິບັດ ພັນທະ ໃນ ການ ປັບປຸງ ນັບຖື ສິດທິ ມະນຸດ. ທາງ ຣັຖບານ ສປປ ລາວ ກໍ ພຍາຍາມ ແກ່ຍາວ ບໍ່ ເຊີນເອົາ ຜູ້ ຊ່ຽວຊານ ດ້ານ ສິດທິ ມະນຸດ ເຂົ້າໄປ ສັງເກດ ສະພາບການ ສິດທິ ມະນຸດ ໃນລາວ, ແມ້ແຕ່ ນັກ ຊ່ຽວຊານ ດ້ານ ສິດທິ, ໃນ ການມີ ທີ່ຢູ່ ອາໄສ ຂອງ ຜູ້ ຖືກ ບັງຄັບ ໃຫ້ ໂຍກຍ້າຍ ຖິ່ນຖານ ບ້ານເຮືອນ ອອກຈາກ ເຂດ ໂຄງການ ລົງທຶນ ຂອງ ຣັຖ ແລະ ຕ່າງ ປະເທດ.

ອົງການ HRW ຮຽກຮ້ອງໃຫ້ ນາໆ ຊາດ ກົດດັນລາວ ເລື້ອງ ທ່ານສົມບັດ ສົມພອນ

Voice of America: 03 ເມສາ 2015

Lao Embassy-Bangkok-2013-04
ບັນດານັກເຄື່ອນໄຫວ ເພື່ອສິດທິມະນຸດ ຖືປ້າຍລົນນະລົງ ທີ່ຮຽກຮ້ອງໃຫ້ ທາງການລາວນຳເອົາ ທ່ານສົມບັດ ສົມພອນ ກັບຄືນມາຢ່າງປອດໄພ.

ກຸ່ມ​ເຄື່ອນໄຫວດ້ານສິດທິມະນຸດສາກົນ ຮຽກຮ້ອງໃຫ້ນານາຊາດ ເພີ້ມການກົດດັນລັດຖະບານລາວ ຕໍ່ກໍລະນີການຫາຍຕົວໄປຂອງ ທ່ານສົມບັດ ສົມພອນ ນັກພັດທະນາສັງຄົມລາວ ທີ່ດີເດັ່ນຂອງ ອາຊ່ຽນ.

ກຸ່ມເຄື່ອນໄຫວດ້ານສິດທິມະນຸດສາກົນ Human Right Watch ໄດ້ຖະແຫລງການຮຽກຮ້ອງ ຕໍ່ນານາຊາດເພື່ອຂໍໃຫ້ເພີ້ມການກົດ ດັນລັດຖະບານລາວຕໍ່ກໍລະນີການຫາຍຕົວໄປ ຂອງທ່ານສົມບັດ ສົມພອນ ນັກພັດທະນາ ສັງຄົມລາວ ທີ່ດີເດັ່ນ ຂອງອາຊ່ຽນ ໃນໂອກາດທີ່ລັດຖະບານອອສເຕຣເລຍ ໄດ້ເປັນເຈົ້າພາບ ຈັດການພົບປະເຈລະຈາ ວ່າດ້ວຍ ສະພາບ ການດ້ານສິດທິມະນຸດ ຄັ້ງທີ 4 ຮ່ວມກັບຄະນະ ຜູ້ຕາງໜ້າ ຂອງລັດຖະບານລາວ ເມື່ອບໍ່ນານມານີ້ ຢູ່ນະຄອນຫລວງ Canberra ປະເທດ ອອສເຕຣເລຍ.

ໂດຍຖະແຫລງການດັ່ງກ່າວ ໄດ້ສະເໜີແນະໃຫ້ລັດຖະບານອອສເຕຣເລຍ ຕ້ອງກົດດັນ ທາງການລາວ ເພື່ອໃຫ້ສະແດງຄວາມຮັບຜິດຊອບ ໃນການສືບສວນຫາຄວາມຈິງກ່ຽວກັບ ການຫາຍຕົວໄປຂອງ ທ່ານສົມບັດ ແລະ ນຳເອົາຕົວຜູ້ກະທຳຄວາມຜິດມາລົງໂທດ ຕາມ ກົດໝາຍໃຫ້ໄດ້ ຫາກບໍ່ສະນັ້ນແລ້ວ ການພົບປະເຈລະຈາດັ່ງກ່າວ ລະຫວ່າງທາງການ ອອສເຕຣເລຍ ກັບລາວ ກໍຈະບໍ່ມີປະໂຫຍດຫຍັງເລີຍ ນອກຈາກການພົບປະເຈລະຈາ
ປາກເປົ່າ ທີ່ມີຂຶ້ນຕາມກຳນົດເວລາເທົ່ານັ້ນ.

ແຕ່ຢ່າງໃດກໍຕາມ ການພົບປະເຈລະຈາດັ່ງກ່າວ ກໍໄດ້ຜ່ານພົ້ນໄປແລ້ວ ຫາກແຕ່ກໍຍັງບໍ່ ປາກົດວ່າ ໄດ້ມີໝາກຜົນແນວໃດເກີດຂຶ້ນ ຈາກການພົບປະເຈລະຈາໃນຄັ້ງນີ້ ຫຼືບໍ່ ເນື່ອງ ຈາກທາງການອອສເຕຣເລຍ ແລະ ລາວບໍ່ໄດ້ເຜີຍແຜ່ຂໍ້ມູນອອກມາ ສູ່ການຮັບຮູ້ໃນວົງ ກວ້າງແຕ່ຢ່າງໃດ. Continue reading “ອົງການ HRW ຮຽກຮ້ອງໃຫ້ ນາໆ ຊາດ ກົດດັນລາວ ເລື້ອງ ທ່ານສົມບັດ ສົມພອນ”

ຄວາມທະເຍີທະຍານຂອງລາວໃນ ສະພາສິດທິມະນຸດ ແຫ່ງສະຫະປະຊາຊາດ

Please-return-Sombathຈິນຕະນາການເບິ່ງ​ວ່າ ຜູ້​ຊາຍ​ຄົນ​ໜຶ່ງ​ຄິດ ​ແລະ ສົນທະນາ​ກ່ຽວ​ກັບ​ການ​ພັດທະນາ​ໃນ​ປະ​ເທດ​ຂອງ​ຕົນ​ເອງ ຄົນ​ຈຳນວນ​ຫຼາຍ​ຮູ້ຈັກ​ລາວ, ຄົນ​ທົ່ວ​ໄປ​ຢ່າງ​ເຊັ່ນ​ເຈົ້າ ​ແລະ ຂ້ອຍ.

ຈິນຕະນາການ​​ເບິ່ງວ່າ​ລາວ​ເປັນ​ຜູ້​ຈັດ​ກອງ​ປະຊຸມ​ພາກ​ປະຊາ​ສັງຄົມ​ຢ່າງ​​ໂປ່​ງ​ໃສ ​ແລະ ສັນຕິ ​ເປີດ​ກວ້າງ​ໃຫ້​ທຸກ​ຄົນ ທີ່​ລວມທັງ​ລັດຖະບານ​ຂອງ​ລາວ​ເອງ​.

ຈິນຕະນາການ​ເບິ່ງ​ວ່າ​​​ໃນ​ຄືນ​ໜຶ່ງ​ເມື່ອ​ສິບ​ເດືອນ​ກ່ອນ, ລາວ​ໄດ້​ຖືກ​ຕຳຫຼວດ​ເອີ້ນ​ໃຫ້​ຈອດ​ລົດ​ແລ້ວ​ລາວ​ກໍ​ຫາຍ​ຕົວ​ໄປ​ເລີຍ.

ຈິ​ນຕະນາ​ການ​ເບິ່ງ​ວ່າ ພາບ​ສຸດ​ທ້າຍ​ຂອງ​ລາວ​ຍ່າງ​ລົງ​ຈາກ​ລົດຂອງ​ລາວ​​ໄດ້​ຖືກ​ບັນທຶກ​ໄວ້​ໃນ​ກ້ອງ​ວົງ​ຈອນ​ປິດ ​ແລະ ຖືກ​ສາຍ​ໃຫ້​ຄອບຄົວ​ຂອງ​ລາວ​ເບິ່ງ ແຕ່​ວ່າພາບ​ຕົ້ນ​ສະບັບ​ບໍ່​ເຄີ​ຍຖືກ​ນຳ​ອອກ​ມາວິ​ເຄາະ​ແຕ່​ຢ່າງ​ໃດ​ເລີຍ.

ຈິນຕະນາການ​ເບິ່ງ​ວ່າ ສະມາຊິກ​ສະພາ​ເອີຣົບ ​ແລະ ຄົນ​ອື່ນໆ ​ໃນ​ເອີຣົບ​ໄດ້​ອອກ​ມາຮຽກຮ້ອງ​ແລ້ວ​ຮຽກຮ້ອງ​ອີກ​ເພື່ອ​ໃຫ້​ມີ​ການ​ປ່ອຍ​ຕົວ​ລາວ​ກັບ​ຄືນ​ມາ ​​ແຕ່​ກໍ​ບໍ່​ໄດ້​ຮັບ​ການ​ຕອບ​ຮັບ.

ຈິນຕະນາ​ການ​​ເບິ່ງ​ວ່າ​ນັກ​ເຄື່ອນ​​ໄຫວ​ດ້ານ​ສິດທິ​ມະນຸດ​ໃນ​ປະ​ເທດ​ອື່ນໆ ຈະ​ມີ​ຄວາມຮູ້ສຶກ​ແນວ​​ໃດ​ເມື່ອ​ເຫັນ​ເຫດການ​ນີ້​ເກີດ​ຂື້ນ.

​ແລະ ລອງ​ຈິນຕະນາການ​ເບິ່ງ​ວ່າ​ປະ​ເທດ​​ດັ່ງກ່າວກໍາລັງ​ສະໝັກ​ຕຳ​ແໜ່​ງ​ໃນ​ສະພາ​ສິດທິ​ມະນຸດ​ແຫ່ງ​ສະຫະ​ປະ​ຊາ​ຊາດ ​ໃນ​ອີກບໍ່​ດົນ.

ປະ​ເທດ​ທີ່​ກ່າວ​ມາ​ນັ້ນ​ແມ່ນ ​ປະ​ເທດ​ລາວ, ​ແລະ ຜູ້​ຊາຍ​ຄົນ​ນັ້ນກໍ​ແມ່ນ ສົມບັດ ສົມ​ພອນ​.

​ເຄທຣີນ ​ເດີ​ດີຣຽນ (Katharine Derderian), ​ເຈົ້າ​ໜ້າ​ທີ່​ອົງການ​ນິລະ​ໂທດ​ກຳ​ສາກົນ ດ້ານ​ນະ​ໂຍບາຍ​ຕ່າງປະ​ເທດ​ຂອງ​ສະຫະພາບ​ເອີຣົບ. ສະບັບ​ເຕັມ​ທ່ານ​ສາມາດ​ອ່ານ​​ໄດ້​ທີ່​ນີ້.