ປະເທດລາວ ຖືກຢູ່ໃນອັນດັບທີ 138 ໃນດັດສະນີການພັດທະນາມະນຸດ ຂອງອົງການສະຫະປະຊາຊາດເພື່ອການ ພັດທະນາ

[et_pb_section bb_built=”1″ _builder_version=”3.0.67″][et_pb_row use_custom_gutter=”on” gutter_width=”2″ background_position_1=”top_left” background_position_2=”top_left” background_repeat_1=”no-repeat” background_repeat_2=”no-repeat” _builder_version=”3.0.67″][et_pb_column type=”1_3″][et_pb_text _builder_version=”3.0.76″ text_font_size=”20″ header_font_size=”75px” background_layout=”light” border_style=”solid” module_alignment=”left”]

ອັນດັບ

138

ຈາກ

188

ປະເທດ

ປະເທດລາວ ໃນດັດສະນີການພັດທະນາມະນຸດ ຂອງອົງການສະຫະປະຊາຊາດເພື່ອການ ພັດທະນາ

[/et_pb_text][et_pb_text _builder_version=”3.0.76″ custom_padding=”20px|||” background_layout=”light” border_style=”solid” module_alignment=”left”]

ຫມາຍ​ເຫດ​: ນີ້ແມ່ນອີກໜຶ່ງໃນຊຸດຫົວຂໍ້ວ່າດ້ວຍ “ປະເທດລາວ ໃນດ້ານຕົວເລກ”. 

ພວກເຮົາຍິນດີຮັບຄຳເຫັນ ແລະຄຳແນະນຳ.

[/et_pb_text][/et_pb_column][et_pb_column type=”2_3″][et_pb_text _builder_version=”3.0.76″ background_layout=”light” border_style=”solid” module_alignment=”left”]

ດຍອີງຕາມຄວາມເຊື່ອທີ່ວ່າການພັດທະນາ ບໍ່ຄວນວັດກັນແຕ່ໃນດ້ານເສຖະກິດເທົ່ານັ້ນ, ດັດສະນີການພັດທະນາມະນຸດ ຫຼື Human Development Index (HDI) ຈິ່ງໄດ້ລວມເອົາດ້ານສຸຂະພາບ (ອາຍຸໄຂ), ຄວາມຮູ້ (ການສຶກສາພາກບັງຄັບ) ແລະມາດຖານການດຳລົງຊີວິດ (ລາຍຮັບລວມຂອງຊາດ ຕໍ່ຫົວຄົນ) ເຂົ້າມາວັດນຳ.

ນັບແຕ່ມີດັດຊະນີ ນີ້ໃນປີ 1990, ສປປ ລາວ ໄດ້ຄ່ອຍຫຍັບຂຶ້ນເປັນລຳດັບ ຈາກຄ່າ 0.397 ຫາ 0.586 ໃນປີ 2015, ເຊິ່ງ ຖືວ່າເປັນປະເທດທີ່ພັດທະນາຢູ່ໃນລະດັບກາງ (ລະດັບອື່ນລວມມີ ສູງຫຼາຍ, ສູງ, ແລະຕ່ຳ).

ປະເທດລາວ ຖືກຈັດຢູ່ໃນອັນດັບທີ 138 ຈາກ 188 ປະເທດທີ່ຢູ່ໃນລາຍການ. ໃນອາຊີຕາເວັນອອກສຽງໃຕ້, ປາປົວ ນິວ ກີນີ ຢູ່ໃນອັນດັບຕ່ຳທີ່ສຸດ, ທີ່ 154 (0.516), ພະມ້າ ທີ່ 145 (0.556), ແລະກຳປູເຈຍ ທີ່ 143 (0.563). ຫຍັບອັນດັບຂຶ້ນ ມາໜ້ອຍໜຶ່ງແມ່ນ ຕີມໍ ເລສ໌ເຕ ທີ່ 133 (0.605), ຟີລິປິນ ທີ່ 116 (0662), ຫວຽດນາມ ທີ່ 115 (0.683), ອິນໂດນີເຊຍ ທີ່ 113 (0.689). ປະເທດໄທ ຢູ່ທີ່ 87 (0.740), ມາເລເຊຍ ທີ່ 59 (0.789), ບຣູໄນ ທີ່ 30 (0.865), ແລະສິງກະໂປ ທີ່ 5 (0.925).

ແຕ່ເມື່ອພິຈາລະນາເຖິງຄວາມບໍ່ສະເໝີພາບ, ດັດຊະນີຂອງປະເທດລາວ ຫຼຸດລົງມາຢູ່ 0.427, ກາຍເປັນທີ່ 106 ໃນ 151 ປະເທດ ໃນດັດຊະນີການພັດທະນາມະນຸດ ທີ່ປັບຄ່າຄວາມບໍ່ສະເໝີພາບໃສ່, ຫຼື Inequality-adjusted Human Development Index (IHDI). ໃນອາຊີຕາເວັນອອກສຽງໃຕ້, ມີພຽງແຕ່ ຕີມໍ ເລສ໌ເຕ ເທົ່ານັ້ນທີ່ຢູ່ໃນອັນດັບຕ່ຳກວ່າ, ທີ່ 108 (0.416).

ບົດລາຍງານລະອຽດ ສາມາດອ່ານໄດ້ທີ່ UNDP website.

[/et_pb_text][et_pb_comments _builder_version=”3.0.67″ show_avatar=”off” show_reply=”on” show_count=”on” background_layout=”light” border_style=”solid” custom_button=”off” button_letter_spacing=”0″ button_icon_placement=”right” button_letter_spacing_hover=”0″ /][/et_pb_column][/et_pb_row][/et_pb_section]

ຜູ້ໃຫ້ທຶນຈະຈື່ບໍ່ນໍ?

ໃນຂະນະທີ່ຜູ້ໃຫ້ທຶນ, ນັກການທູດ, ແລະວິຊາການພັດທະນາ ເຂົ້າຮ່ວມພົບປະກັນໃນກອງປະຊຸມໂຕະມົນ ທີ່ ປາກເຊ, ພວກເພິ່ນຈະແບ່ງເວລາລຳລຶກເຖິງຄົນທີ່ຖືກຈັບຕົວ ຫຼືຫາຍຕົວໄປໃນເມືອງນີ້ ໃນເດືອນພະຈິກ ປີ 2000 ແລະເດືອນຕຸລາ ປີ 2001 ພຽງເພາະການສະແດງຄວາມຄິດເຫັນ ບໍ່ນໍ?

ພວກເພິ່ນຈະຈື່ນັກສຶກສາທີ່ໄດ້ຮັບຊາຕາກຳຄ້າຍໆກັນ ກ່ອນໜ້ານັ້ນທີ່ວຽງຈັນ ໃນເດືອນຕຸລາ ປີ 1999 ບໍ່ນໍ?

ພວກເພິ່ນຈະຈຳ ສົມບັດ ສົມພອນ ຫຼືສົມພອນ ຂັນຕິສຸກ ທີ່ໄດ້ຖືກບັງຄັບສູນຫາຍ, ຫຼືຄອບຄົວຂອງພວກເຂົາ ຜູ້ທີ່ ສືບຕໍ່ທົນທຸກ ໂດຍບໍ່ຮູ້ວ່າຊາຕາກຳ ຫຼືໂທດຂອງບຸກຄົນອັນເປັນທີ່ຮັກຂອງຕົນນັ້ນ ແມ່ນຫຍັງແທ້? Continue reading “ຜູ້ໃຫ້ທຶນຈະຈື່ບໍ່ນໍ?”

ຊາວບ້ານຍຶບ 14 ຄົນກໍາລັງປ່ວຍ ໃນຄຸກ

ວິທະຍຸເອເຊຍເສລີ: 05 November 2017

ສວນຢ່າງພາຣາ ທີ່ເຄີຍເປັນຂອງ ຊາວບ້ານ ຖືກບໍຣິສັດວຽດນາມ ມາຍຶດເອົາໃນປີ 2006 ແຕ່ຊາວບ່້ານ ມາຕິດປ້າຍໃສ່ ຍຶດເອົາຄືນ ຫລັງຈາກທີ່ທາງການແຂວງ ບໍ່ຊົດເຊີຍໃຫ້ເຂົາເຈົ້າ. ຊາວບ້ານ 2 ຄົນ ທີ່ຖືກຈັບໄປກ່ອນແລ້ວຄື: ທ້າວ ສຸວັນ(ຂວາ)ແລະ ທ້າວ ວິຄຳ. ຖ່າຍວັນທີ 23 ກໍຣະກະດາ ປີ 2015 ໂດຍ Citizen Journalist

ການຈັບໂຕຊາວບ້ານຍຶບ ເມືອງທ່າແຕງ ແຂວງເຊກອງ 14 ຄົນ ໃນວັນທີ 25 ກໍຣະກະດາ ທີ່ຜ່ານມາ ກ່ຽວກັບຂໍ້ຂັດແຍ່ງທີ່ດິນ ກັບບໍຣິສັດ ຢາງພາຣາວຽດນາມ ແລະຕໍ່ມາໃນວັນທີ 23 ຕຸລາ ຢູ່ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ 8 ທ່ານ ທອງລຸນ ສີສຸລິດ ນາຍົກຣັຖມົນຕຼີ ກໍໄດ້ເວົ້າກ່ຽວກັບທີ່ດິນ ທຳນອງທີ່ວ່າ ການສຳປະທານທີ່ດິນ ແມ່ນເຮັດໃຫ້ປະຊາຊົນ ແລະຣັຖ ເສັຽຜົນປະໂຫຍດ. ມີບາງຕອນ ທ່ານ ນາຍົກ ທອງລຸນ ເວົ້າວ່າ:

“ແຕ່ການປະຕິບັດກົດໝາຍ ນິຕິກັມກ່ຽວກັບ ທີ່ດິນມີຊ່ອງຫວ່າງຫຼາຍ ພາໃຫ້ການສວຍໃຊ້ ສວຍໂອກາດ ເອົາລະບຽບການຕ່າງໆມາປັບປ່ຽນ ແອບແຝງໃຫ້ເປັນ ຜົນປະໂຫຍດ ຂອງບຸກຄົນ, ກຸ່ມຄົນ ຫຼືວ່ານັກທຸຣະກິດ ຈໍານວນນຶ່ງເທົ່ານັ້ນ ໄດ້ຮັບຜົນປະໂຫຍດ ແຕ່ວ່າກຸ່ມຄົນຈໍານວນ ນຶ່ງ ບຸກຄົນປະຊາຊົນ ຊໍ້າພັດເສັຍຜົນປະໂຫຍດ ຫລືວ່າ ອັບປະໂຫຍດ”.

ຕາມການຢືນຢັນຂອງ ທ່ານທອງລຸນ, ຣັຖບານຊຸດນີ້ ສະເໜີຕໍ່ກົມການເມືອງ ສູນກາງພັກ ເພື່ອຂໍອອກມະຕິ ກ່ຽວກັບການຄຸ້ມຄອງ ທີ່ດິນ ແລະນໍາມາຜັນຂຍາຍໃຫ້ລະອຽດ ເພື່ອຄຸ້ມຄອງທີ່ດິນ ໃຫ້ເປັນໄປຕາມກົດໝາຍຢ່າງເຂັ້ມງວດ ແລະບໍ່ໃຫ້ມີ ການສວຍໂອກາດ ໃຊ້ຄໍາວ່າ ຫັນທີ່ດິນເປັນທຶນ ຫລື ຫັນຊັພຍາກອນ ໃຫ້ເປັນທຶນ ໃນທາງທີ່ຜິດ ແລະ ເປັນການສວຍໂອກາດອີກ. ຣັຖບານຍອມຮັບ ການປະຕິບັດ ນະໂຍບາຍທີ່ດິນ ຜ່ານມາມີຊ່ອງຫວ່າງຫລາຍ ແລະຣັຖບານ ຈະມີການອອກມະຕິ ໃນການຄຸ້ມຄອງ ທີ່ດິນ, ດັ່ງທ່ານ ກ່າວຕື່ມອີກວ່າ: Continue reading “ຊາວບ້ານຍຶບ 14 ຄົນກໍາລັງປ່ວຍ ໃນຄຸກ”

ຄໍາເວົ້າຂອງ ທ.ສົມບັດ ເມື່ອ 5 ປີກ່ອນ

‘ບັນຫາທ້າທາຍການຫລຸດຜ່ອນຄວາມທຸກຍາກ ແລະການພັທນາແບບຍືນຍົງ’ ທີ່ ທ່ານສົມບັດ ສົມພອນ ເຄີຍກ່າວ ໃນກອງປະຊຸມ ເວທີປະຊາຊົນ ເອເຊັຽ-ຢູໂຣບ ຄັ້ງທີ 9 ທີ່ໄດ້ຈັດຂຶ້ນແຕ່ວັນທີ 16 ຫາ ວັນທີ 19 ຕຸລາ 2012 ຄືເມື່ອ 5 ປີກ່ອນ

ວິທະຍຸເອເຊຍເສລີ: 30 ຕຸລາ 2017

ທ່ານ ສົມບັດ ສົມພອນ ນັກພັທນາຊຸມຊົນ ດີເດັ່ນຂອງລາວ ຜູ້ກໍ່ຕັ້ງສູນພັທນາ ທີ່ເອີ້ນວ່າ ປາແດກ ແລະໄດ້ຮັບລາງວັນ ແມັກໄຊໄຊ ຊຶ່ງ ເປັນລາງວັນກຽດຕິຄຸນ ແຫ່ງເອເຊັຽນັ້ນ ໄດ້ກ່າວເປີດ ກອງປະຊຸມ ເວທີປະຊາຊົນ ເອເຊັຽ-ຢູໂຣບ ຄັ້ງທີ 9 ທີ່ ນະຄອນຫຼວງ ວຽງຈັນ ເມື່ອວັນທີ 16 ຕຸລາ 2012. ກອງປະຊຸມ ທີ່ມີຫົວຂໍ້ວ່າ ‘ບັນຫາທ້າທາຍ ການຫລຸດຜ່ອນ ຄວາມທຸກຍາກ ແລະການພັທນາ ແບບຍືນຍົງ’

ກອງປະຊຸມເວທີປະຊາຊົນ ເອເຊັຽ-ຢູໂຣບ ຄັ້ງທີ 9 ໃນຄັ້ງນັ້ນ ໄດ້ຖືກຈັດຂຶ້ນ ເມື່ອວັນທີ 16 ຫາ ວັນທີ 19 ຕຸລາ 2012, ຄືເມື່ອ 5 ປີ ກ່ອນ ກ່ອນໜ້າທີ່ທ່ານ ຖືກບັງຄັບໃຫ້ ຫາຍສາບສູນ ໃນວັນທີ 15 ທັນວາ ຂອງປີດຽວກັນນັ້ນ. RFA ໄດ້ຂໍສັມພາດ ມາດາມ ຊຸຍເມັງ ຜູ້ ເປັນພັລຍາຂອງ ທ່ານ ສົມບັດ ສົມພອນ ໃນໂອກາດ ຄົບຮອບ 5 ປີ ຂອງການກ່າວປາສັຍ ຂອງທ່ານ ຕໍ່ກອງປະຊຸມ ຄັ້ງສໍາຄັນທີ່ວ່ານັ້ນ. ເຊີນທ່ານຮັບຟັງ ການສັມພາດ ພາກ 1 ໄດ້ ແລະສໍາລັບ ພາກທີສອງ ຈະນຳມາສເນີ ທ່ານໃນມື້ຕໍ່ໄປ.

ທ.ສົມບັດ ບໍ່ເຄີຍຕໍານິ ພັກ-ຣັດ

ມາດາມ ອຶງຊຸຍເມັງ ໃນວັນຖແລງຂ່າວ ຂອງສະມາຄົມ ນັກຂ່າວຕ່າງປະເທດ ແຫ່ງປະເທດໄທ

ວິທະຍຸເອເຊຍເສລີ: 29 ຕຸລາ 2017

ມາດາມ ຊຸຍເມັງ ຢືນຢັນວ່າ ທ່ານ ສົມບັດ ສົມພອນ ຜູ້ເປັນສາມີ ຂອງມາດາມ ບໍ່ເຄີຍເວົ້າ ຫລື ກະທໍາໃນສິ່ງທີ່ແຕະຕ້ອງ ແນວທາງ ນະໂຍບາຍ ຂອງພັກແລະຣັຖ ສປປລາວ ແມ່ນແຕ່ຄັ້ງດຽວ ຫາກເວົ້າເຖິງ ແຕ່ສິ່ງທີ່ຣັຖບານ ເວົ້າມາໂດຍຕລອດ ເປັນຕົ້ນການລົບລ້າງ ຄວາມທຸກຍາກຮວມທັງ ຄໍາປາສັຍຂອງທ່ານ ທີ່ໄດ້ກ່າວໃນ ພິທີເປີດກອງປະຊຸມ ເວທີປະຊາຊົນ ເອເຊັຽ-ຢູໂຣບ ຫຼື AEPF ຄັ້ງທີ 9 ທີ່ນະຄອນຫລວງວຽງຈັນ ໃນມື້ວັນທີ 16 ຕຸລາ 2012.

ໃນພິທີເປີດກອງປະຊຸມ ຊຶ່ງລາວເປັນເຈົ້າພາບ ທີ່ໄດ້ຈັດຂຶ້ນແຕ່ວັນທີ 16 ຫາ 19 ຕຸລາ ທີ່ມີຜູ້ເຂົ້າຮ່ວມເກືອບຮອດ 1 ພັນຄົນນັ້ນ ທ່ານ ສົມບັດ ສົມພອນ ໄດ້ເວົ້າເຖິງບັນຫາ ຕ່າງໆທີ່ກ່ຽວຂ້ອງ ກັບຫົວຂໍ້ກອງປະຊຸມ ຄື: ບັນຫາທ້າທາຍ ການຫລຸດຜ່ອນຄວາມທຸກຍາກ ແລະ ການພັທນາຍືນຍົງ. ໃນນັ້ນ ທ່ານກໍໄດ້ເວົ້າເຖິງ ບັນຫາສິ່ງແວດລ້ອມ, ການປ່ຽນແປງ ຂອງດິນຟ້າອາກາດ ແລະ ການທໍາຣາຍສະພາບ ແວດລ້ອມ ແລະ ການພັທນາ ກໍຕ້ອງມີຄວາມສົມດູລ ຄືບໍ່ຕ້ອງເນັ້ນໃສ່ ການພັທນາເສຖກິດ ພຽງຢ່າງດຽວ. ຕາມຄໍາເວົ້າຂອງ ມາດາມ ຊຸຍເມັງ ຕໍ່ RFA ເມື່ອໄວໆມານີ້:

“ກະເພື່ອ ລູກໆຫລານໆໄປນໍ ກະເພິ່ນເວົ້າເຖິງ ວ່າຢູ່ໃນການພັທນາຫັ້ນ ກໍຕ້ອງເປັນການພັທນາ ທີ່ວ່າຍືນຍົງ ເອີ້ນວ່າ balance devel -opment ຕາມຄວາມເຂົ້າໃຈ ຂອງສົມບັດ ເພິ່ນກະວ່າຕ້ອງ ເນັ້ນໃສ່ ບໍ່ແມ່ນແຕ່ ພັທນາເສຖກິດນໍ ພັທນາເສຖກິດ ແມ່ນດ້ານນຶ່ງ ຢູ່ໃນ ສີ່ປັດໃຈ”.

ຊື່ງກໍຍັງຕ້ອງມີການພັທນາ ສິ່ງແວດລ້ອມ ການຮັກສາສິ່ງແວດລ້ອມ ວັທນະທັມ ແລະການປົກຄອງທີ່ດີ ແລະເພື່ອຄວາມເຂັ້ມແຂງ ຂອງ ຣັຖບານ ກໍຕ້ອງມີການປະຕິບັດ ກົດໝາຍ. ຫາກເວົ້າເຖິງ ການພັທນາຍືນຍົງ ກໍຕ້ອງເວົ້າເຖິງການ ເຮັດໃຫ້ຊ່ອງຫວ່າງ ຂອງຜູ້ທຸກ ແລະ ຜູ້ຮັ່ງ ແຄບເຂົ້າກັນ. ນັ້ນເປັນສະພາບລວມທົ່ວໄປ. ພ້ອມດຽວກັນ ທ່ານ ສົມບັດ ກໍເວົ້າເຖິງ ການພັທນາຢູ່ລາວ ມາດາມ ກ່າວ:

“ຢູ່ລາວນໍ ເພິ່ນກະໃຫ້ຄໍາເຫັນວ່າ ການພັທນາຢູ່ລາວ ກໍຕ້ອງຟັງສຽງປະຊາຊົນ ໂດຍສະເພາະຜູ້ຢູ່ ບ້ານນອກບ້ານນາ ພວກຂະເຈົ້າກໍເປັນ ສ່ວນນຶ່ງ ຂອງປະຊາຊົນ ຢູ່ລາວ ແລະ ເປັນສ່ວນໃຫຍ່ ໝາຍວ່າ ເພິ່ນກະມີຄໍາເຫັນ ໃຫ້ຣັຖບານ ຝ່າຍຣັຖບານ ໃຫ້ຊຸມຊົນ ຜູ້ເຮັດ business ຜູ້ລົງທຶນ 3 ຝ່າຍຕ້ອງປຶກສາຫາຣືກັນ ຟັງກັນ ບໍ່ແມ່ນຟັງແຕ່ ຝ່າຍດຽວ”.

ຢູ່ໃນຄໍາປາໃສໃນພິທີເປີດກອງປະຊຸມ ເວທີປະຊາຊົນ ເອເຊັຍ-ຢູໂຣບ ຄັງທີ 9 ຄືກ່ອນໜ້າທີ່ ທ່ານ ສົມບັດ ສົມພອນ ຖືກຫາຍສາບສູນ ພຽງ 2 ເດືອນນັ້ນ ທ່ານຍັງໄດ້ກ່າວເຖິງ ເຣື່ອງການສຶກສາ ແບບຄົບຊຸດອັນໝາຍເຖິງການພັທນາ ທີ່ບໍ່ພຽງແຕ່ຄວາມຮູ້ ເທົ່ານັ້ນແຕ່ຫາກ ຕ້ອງພັທນາ ທັງທາງດ້ານຈິດໃຈ ແລະຕ້ອງມີປະສົບການ ຕົວຈິງນໍາດ້ວຍ.

ປະເທດລາວ ນຳໜ້າອາຊຽນ ໃນດ້ານການຊ່ວຍເຫຼືອດ້ານການພັດທະນາຢ່າງເປັນທາງການ ຕໍ່ຫົວຄົນ

[et_pb_section bb_built=”1″ _builder_version=”3.0.67″][et_pb_row use_custom_gutter=”on” gutter_width=”2″ background_position_1=”top_left” background_position_2=”top_left” background_repeat_1=”no-repeat” background_repeat_2=”no-repeat” _builder_version=”3.0.67″][et_pb_column type=”1_3″][et_pb_text _builder_version=”3.0.76″ text_font_size=”20″ header_font_size=”75px” background_layout=”light” border_style=”solid” module_alignment=”left”]

ອັນດັບ

53

ຈາກ

155

ປະເທດ

ປະເທດລາວ ໃນດ້ານການຊ່ວຍເຫຼືອ ດ້ານການ ພັດທະນາຢ່າງເປັນທາງການ ຕໍ່ຫົວຄົນ

[/et_pb_text][et_pb_text _builder_version=”3.0.76″ custom_padding=”20px|||” background_layout=”light” border_style=”solid” module_alignment=”left”]

ຫມາຍ​ເຫດ​: ນີ້ແມ່ນອີກໜຶ່ງໃນຊຸດຫົວຂໍ້ວ່າດ້ວຍ “ປະເທດລາວ ໃນດ້ານຕົວເລກ”. 

ພວກເຮົາຍິນດີຮັບຄຳເຫັນ ແລະຄຳແນະນຳ.

[/et_pb_text][/et_pb_column][et_pb_column type=”2_3″][et_pb_text _builder_version=”3.0.76″ background_layout=”light” border_style=”solid” module_alignment=”left”]

ສປປ ລາວ ຖືກຈັດຢູ່ໃນອັນດັບທີ 53 ຈາກ 155 ປະເທດ ໃນດ້ານການຊ່ວຍເຫຼືອດ້ານການພັດທະນາ ຢ່າງເປັນທາງການ (ODA) ຕໍ່ຫົວຄົນ, ເຊິ່ງ ໝາຍຄວາມວ່າ ເປັນປະເທດທີ່ໄດ້ຮັບການຊ່ວຍເຫຼືອ ຫຼາຍທີ່ສຸດໃນອາຊີຕາເວັນອອກສຽງໃຕ້, ແລະໃນ ອາຊຽນ ໂດຍລວມ.

ODA ຖືເປັນການວັດແທກການຊ່ວຍເຫຼືອດ້ານການ ພັດທະນາ ເຊິ່ງລວມເອົາທັງການຊ່ວຍເຫຼືອລ້າ ແລະ ການສຳປະທານກູ້ຢືມ. ນິຍາມລະອຽດ ແມ່ນສາມາດ ອ່ານໄດ້ ທີ່ນີ້.

ໃນປີ 2014, ODA ທີ່ໃຫ້ຕໍ່ປະເທດລາວ ລວມເປັນ ເງິນ 70.62 ໂດລາ ຕໍ່ຫົວຄົນ, ເຊິ່ງຖືເປັນຈຳນວນ 1 ສ່ວນ 3 ສູງກວ່າປະເທດອາຊຽນ ອື່ນໆ. ODA ທີ່ ປະເທດອາຊຽນອື່ນໆ (ທີ່ໄດ້ຮັບການຈັດອັບດັບ) ໄດ້ ຮັບລວມມີ: ກຳປະເຈຍ = US$ 52.15 (ອັນດັບ 66), ຫວຽດນາມ = US$ 46.49 (ອັນດັບ 73), ພະມ້າ = US$25.83 (ອັນດັບ 100), ໄທ = US$ 5.19 (ອັນດັບ 133), ສິງກະໂປ = US$ 4.73 (ອັນ ດັບ 135), ມາເລເຊຍ = US$ 0.40 (ອັນດັບ 148), ອິນໂດນີເຊຍ = US$ -1.53 (ອັນດັບ 151).

ODA ໄດ້ເພີ່ມຂຶ້ນເຈັດເທົ່າ ໃນສາມທົດສະວັດທີ່ ຜ່ານມາ, ຈາກ US$ 10.05 ໃນປີ 1984 ມາເປັນ US$ 45.16 ໃນປີ 1994, ແລະ US$ 47.69 ໃນປີ 2004.

ບົດຫຍໍ້ກ່ຽວກັບການຊ່ວຍເຫຼືອຕ່າງປະເທດຕໍ່ລາວ ໂດຍອົງການ Mekong Watch ແມ່ນສາມາດອ່ານ ໄດ້ ທີ່ນີ້.

[/et_pb_text][et_pb_comments _builder_version=”3.0.67″ show_avatar=”off” show_reply=”on” show_count=”on” background_layout=”light” border_style=”solid” custom_button=”off” button_letter_spacing=”0″ button_icon_placement=”right” button_letter_spacing_hover=”0″ /][/et_pb_column][/et_pb_row][/et_pb_section]

ປະເທດລາວ ຈັດຢູ່ໃນແຖວທ້າຍ ຂອງລາຍການ “ປະເທດທີ່ດີທີ່ສຸດສຳລັບທຸລະກິດ” ຂອງວາລະສານ Forbes

[et_pb_section bb_built=”1″][et_pb_row _builder_version=”3.0.76″ use_custom_gutter=”on” gutter_width=”2″][et_pb_column type=”1_3″][et_pb_text _builder_version=”3.0.76″ text_font_size=”20″ header_font_size=”75px” background_layout=”light” border_style=”solid” module_alignment=”left” saved_tabs=”all”]

ອັນດັບ

134

ຈາກ

139

ປະເທດ

ປະເທດລາວ ຈາກການຈັດອັນດັບ “ລາຍການ ປະເທດທີ່ດີທີ່ສຸດສຳລັບທຸລະກິດ” ຂອງວາລະສານ Forbes ປີ 2017

[/et_pb_text][et_pb_text _builder_version=”3.0.76″ custom_padding=”20px|||” saved_tabs=”all” background_layout=”light” border_style=”solid”]

ຫມາຍ​ເຫດ​: ນີ້ແມ່ນຫົວຂໍ້ທໍາອິດໃນຊຸດຫົວຂໍ້ວ່າດ້ວຍ “ປະເທດລາວ ໃນດ້ານຕົວເລກ”

ພວກເຮົາຍິນດີຮັບຄຳເຫັນ ແລະຄຳແນະນຳ.

[/et_pb_text][/et_pb_column][et_pb_column type=”2_3″][et_pb_text _builder_version=”3.0.76″ background_layout=”light” border_style=”solid”]

ວາລະສານ Forbes ໄດ້ຈັດອັນດັບປະເທດລາວ ເກືອບຕ່ໍາສຸດໃນລາຍການ ປະເທດທີ່ດີທີ່ສຸດສຳລັບ ທຸລະກິດ ສຳລັບປີ 2017. ມີແຕ່ເວເນຊູເອລາ, ຢີເມັນ, ໄຮຕິ, ແກມເບຍ, ຊາດ ເທົ່ານັ້ນທີ່ຖືກຈັດຢູ່ຕ່ຳ ກວ່າ. ປະເທດເພື່ອນບ້ານຄື ກຳປູເຈຍ ຖືກຈັດຢູ່ທີ 123, ຈີນ ຢູ່ທີ 102, ຫວຽດນາມ ທີ່ 98, ແລະໄທ ທີ່ 67. ສະວີເດັນ, ນິວ ຊີແລນ, ແລະຮ່ອງກົງ ຖືກຈັດຢູ່ ສູງທີ່ສຸດ.

ປະເທດລາວ ຍັງຖືກຈັດຢູ່ໃນອັນດັບຕ່ຳຫຼາຍ ທາງ ດ້ານຕົວຊີ້ວັດຮອງ ໃນດ້ານເສລີພາບການຄ້າ (ອັນດັບ 124), ເທັກໂນໂລຈີ (ອັນດັບ 120), ລະບຽບລັດ (ອັນດັບ 123), ການປົກປ້ອງນັກລົງທຶນ (ອັນດັບ 127), ການສໍ້ລາດບັງຫຼວງ (ອັນດັບ 127), ແລະເສລີພາບສ່ວນບຸກຄົນ (ອັນດັບ 128). ອັນດັບ ທີ່ລາວ ໄດ້ຖືກຈັດສູງທີ່ສຸດແມ່ນດ້ານຜົນໄດ້ຮັບທາງ ການຕະຫຼາດ, ທີ່ອັນດັບ 87.

ເນື້ອໃນກ່ຽວກັບປະເທດ ທີ່ປະກອບໃສ່ໃນການຈັດ ອັນດັບມີຄື:

ລັດຖະບານລາວ, ໜຶ່ງໃນປະເທດຄອມມູນິສ໌ ພັກດຽວ ທີ່ເຫຼືອບໍ່ພໍເທົ່າໃດປະເທດ, ໄດ້ເລີ່ມຫັນຈາກການ ຄຸ້ມຄອງແບບລວມສູນ ແລະສົ່ງເສີມທຸລະກິດ ເອກະຊົນ ໃນປີ 1986. ການຂະຫຍາຍຕົວເສຖະກິດ ສະເລ່ຍຢູ່ທີ່ 6% ຕໍ່ປີ ໃນຊ່ວງປີ 1988-2008 ຍົກ ເວັ້ນໃນຊ່ວງຕົກຕ່ຳໄລຍະສັ້ນ ທີ່ມີສາເຫດມາຈາກ ວິກິດການເງິນເອເຊຍ ທີ່ເລີ່ມໃນປີ 1997. ການ ຂະຫຍາຍຕົວຂອງປະເທດລາວ ໃນຊ່ວງຫຼັງນີ້ ຖືວ່າ ເປັນອັນໜຶ່ງທີ່ໄວທີ່ສຸດໃນເອເຊຍ ແລະສະເລ່ຍ ເກືອບ 8% ຕໍ່ປີ ໃນທົດສະວັດຜ່ານມານີ້. ເຖິງແນວ ນັ້ນ, ປະເທດລາວ ຍັງຄົງເປັນປະເທດທີ່ມີການ ພັດທະນາໂຄງລ່າງພື້ນຖານຕ່ຳ, ໂດຍສະເພາະໃນ ເຂດຫ່າງໄກ. ມີລະບົບຫົນທາງແບບພື້ນຖານ ເຊິ່ງ ກຳລັງໄດ້ຮັບການປັບປຸງ, ແລະມີສາຍໂທລະຄົມ ພາຍໃນ ແລະຕ່າງປະເທດທີ່ຈຳກັດ. ໄຟຟ້າສະໜອງ ໃຫ້ໄດ້ 83% ຂອງປະຊາກອນ. ກະສິກຳ ທີ່ກວມເອົາ ການປູກເຂົ້າໃນພື້ນທີ່ຮາບພຽງເປັນສ່ວນຫຼາຍ ນັບ ເປັນປະມານ 25% ຂອງຜະລິຕະພັນພາຍໃນ ແລະ 73% ຂອງວຽກ. ເສຖະກິດລາວ ອີງໃສ່ການສົ່ງອອກ ຊັບພະຍາກອນທຳມະຊາດທີ່ຕ້ອງໃຊ້ການລົງທຶນສູງ. ເສຖະກິດຂອງປະເທດ ໄດ້ປະໂຫຍດຈາກການລົງ ທຶນໂດຍກົງຈາກສາກົນທີ່ມີຊື່ສຽງໂດ່ງດັງ ໃນດ້ານ ເຂື່ອນໄຟຟ້າຕາມລຳແມ່ນ້ຳຂອງ, ການຂຸດຄົ້ນທອງ ແດງ ແລະຄຳ, ການຕັດໄມ້, ແລະການກໍ່ສ້າງ. ແຕ່ ບາງໂຄງການເຫຼົ່ານີ້ ໄດ້ຮັບການວິຈານກ່ຽວກັບຜົນ ກະທົບທາງສິ່ງແວດລ້ອມ. ປະເທດລາວ ໄດ້ຮັບ ສະຖານະ ຄວາມສຳພັນດ້ານການຄ້າປົກກະຕິ ກັບ ສະຫະລັດ ໃນປີ 2004 ແລະໄດ້ຍື່ນຂໍຮ່ວມ Generalised System of Preferences ໃນປີ 2013 ພາຍຫຼັງທີ່ໄດ້ຖືກຮັບເຂົ້າເປັນສະມາຊິກຂອງ ອົງການການຄ້າໂລກ. ປະເທດລາວ ໄດ້ເລີ່ມເປັນ ປະທານອາຊຽນ ໃນເດືອນມັງກອນ 2016. ປະເທດ ລາວ ກຳລັງຢູ່ໃນຂະບວນການຈັດຕັ້ງປະຕິບັດລະບົບ ພາສີມູນຄ່າເພີ່ມ. ລັດຖະບານ ເບິ່ງຄືຈະເອົາໃຈໃສ່ຕໍ່ ການຍົກລະດັບຊື່ສຽງຂອງປະເທດ ຕໍ່ໜ້ານັກລົງທຶນ ຕ່າງປະເທດ ແລະໄດ້ສ້າງເຂດເສຖະກິດພິເສດທີ່ ເຕັມໄປດ້ວຍອັດຕາພາສີທີ່ໜ້າດຶງດູດ, ແຕ່ກຳລັງ ແຮງງານທີ່ມີໜ້ອຍ ຍັງຄົງເປັນອຸປະສັກຕໍ່ການລົງ ທຶນ. ປະເທດລາວ ຍັງສືບຕໍ່ມີປັນຫາ ດ້ານສິ່ງແວດ ລ້ອມທຸລະກິດ ເຊິ່ງລວມມີການຂຶ້ນທະບຽນທຸລະກິດ ທີ່ຍາກລຳບາກ, ຊ່ອງຫວ່າງລະຫວ່າງນິຕິກຳ ກັບ ການຈັດຕັ້ງປະຕິບັດ, ແລະລະບຽບການແກ້ໄຂຂໍ້ ຂັດແຍ່ງທີ່ບໍ່ຈະແຈ້ງ.

[/et_pb_text][et_pb_comments _builder_version=”3.0.76″ show_avatar=”on” show_reply=”on” show_count=”on” background_layout=”light” border_style=”solid” custom_button=”off” button_letter_spacing=”0″ button_icon_placement=”right” button_letter_spacing_hover=”0″ /][/et_pb_column][/et_pb_row][/et_pb_section]

ປະເທດດ້ອຍພັດທະນາ (LDC)…ແມ່ນຫຍັງ?

ຄວາມເປັນມາ ແລະ ມາດຖານ

ການຈັດປະເພດຂອງປະເທດດ້ອຍພັດທະນາ (LDC) ແມ່ນໄດ້ຖືກກຳນົດຂຶ້ນໂດຍອົງການສະຫະປະຊາຊາດໃນປີ 1971. ຈຸດປະສົງຫຼັກກໍ່ແມ່ນເພື່ອເສີມຂະຫຍາຍການສະຫນັບສະຫນູນບັນດາປະເທດທີ່ກໍາລັງປະເຊີນກັບບັນຫາທີ່ຮ້າຍແຮງ ແລະ ຍາວນານເພື່ອໃຫ້ປະເທດເຫລົ່ານັ້ນໄດ້ມີການຂະຫຍາຍຕົວທາງເສດຖະກິດ ແລະ ມີການພັດທະນາ.

ເງື່ອນໄຂທີ່ເຮັດໃຫ້ຕົກໃນສະຖານະພາບດ້ອຍພັດທະນາແມ່ນມີການປ່ຽນແປງຕະຫຼອດເວລາ. ປັດຈຸບັນແມ່ນອິງໃສ່:

  • ລາຍຮັບແຫ່ງຊາດ (GNI): ລາຍຮັບສະເລ່ຍຕໍ່ຫົວຄົນຫນ້ອຍກ່ວາ $ 1,035 (ມາດຕະຖານໃນປີ 2015).
  • ດັດຊະນີຊັບພະຍາກອນມະນຸດ (HAI): ອີງຕາມຕົວຊີ້ວັດຂອງການຂາດອາຫານ, ອັດຕາການຕາຍຂອງເດັກ ຕ່ຳກ່ວາ 5 ປິ, ອັດຕາການເຂົ້າໂຮງຮຽນຊັ້ນມັດທະຍົມ, ແລະ ອັດຕາການຮູ້ຫນັງສືຂອງຜູ້ໃຫຍ່.
  • ດັດຊະນີຄວາມສ່ຽງທາງເສດຖະກິດ (EVI): ອີງຕາມຕົວຊີ້ວັດຂອງຂະຫນາດປະຊາກອນ, ຄວາມຫ່າງໄກສອກ ຫຼີກ, ຄວາມບໍ່ແນ່ນອນຂອງການຜະລິດກະສິກໍາ ແລະ ການສົ່ງອອກ, ຜົນກະທົບຂອງໄພພິບັດທໍາມະຊາດ, ແລະ ອື່ນໆ.

Continue reading “ປະເທດດ້ອຍພັດທະນາ (LDC)…ແມ່ນຫຍັງ?”

ສປປ ລາວ ໃນປີ 2016: ການພັດທະນາແບບຍືນຍົງ ແລະ ວຽກງານຂອງທ່ານ ສົມບັດ ສົມພອນ

ຂຽນໂດຍ Kearrin Sims

ການນຳສະເໝີຄວາມເປັນມາ

Logo Please-return-Sombath-Safelyປີ 2016 ຈະເປັນປີທີ່ຄົບຮອບ 20 ປີນັບຕັ້ງແຕ່ລັດຖະບານແຫ່ງ ສປປ ລາວ (ລັດຖະບານລາວ) ປະກາດເຖິງເປົ້າຫມາຍຂອງຕົນເປັນຄັ້ງທຳອິດທີ່ຈະບຸກບືນໃຫ້ຕົນເອງພົ້ນຈາກສະຖານະພາບການເປັນປະເທດດ້ອຍພັດທະນາ (LDC) ພາຍໃນປີ 2020.ໃນເວລານັ້ນ, ມີຫລາຍອັນໃດ້ປ່ຽນແປງ. ໂດຍມີຂໍ້ຍົກເວັ້ນໃນສອງສາມປີໃນຊ່ວງ 1977 ທີ່ເກີດວິກິດທາງການເງິນອາຊີ, ຫຼັງຈາກນັ້ນມາ ເສດຖະກິດຂອງລາວກໍ່ມີການຂະຫຍາຍຕົວຢ່າງເຂັ້ມແຂງ ແລະ ໃນປີ 2011 ທະນາຄານໂລກໄດ້ຍົກສະຖານະຂອງປະເທດລາວຂຶ້ນຈາກສະຖານະການເປັນປະເທດທີ່ມີລາຍໄດ້ຕ່ຳມາເປັນປະເທດທີ່ມີລາຍໄດ້ຕຳ່ປານກາງ.2 ການລົງທຶນຕ່າງປະເທດກໍ່ໄດ້ຂະຫຍາຍຕົວຢ່າງໄວວາ ແລະ ເປົ້າຫມາຍການພັດທະນາສະຫັດສະວັດຂອງປະເທດ (MDG) ກໍ່ມີຄວາມຄືບຫນ້າຢ່າງເຂັ້ມແຮງ. ຍ້ອນເຫດຜົນທີ່ວ່ານີ້ ອົງການ UNDP ໄດ້ຈັດປະເທດລາວໃຫ້ເປັນປະເທດທີ່ສົບຜົນສໍາເລັດຫຼາຍທີ່ສຸດເປັນອັນດັບທີ 6 ທີ່ມີການປັບປຸງ ແລະ ພັດທະນາຊັບພະຍາກອນມະນຸດໃນໄລຍະ 40 ປີທີ່ຜ່ານມາ.3

ຄຽງຄູ່ກັບຄວາມຄືບຫນ້າທາງເສດຖະກິດທີ່ກ່າວມານັ້ນ, ມັນກໍ່ຍັງມີຫລາຍເລື່ອງທີ່ຈະນຳມາສະເໜີໃຫ້ຮັບຮູ້ກ່ຽວກັບການພັດທະນາຢູ່ໃນ ສປປ ລາວ ນຳອີກ. ສິ່ງທີ່ກ່ຽວຂ້ອງນັ້ນກໍ່ແມ່ນເລື່ອງຂອງຄວາມບໍ່ເທົ່າທຽມໃນສັງຄົມທີ່ແຜ່ຂະຫຍາຍ, ຄວາມເຊື່ອມໂຊມຂອງສິ່ງແວດລ້ອມຢ່າງຮ້າຍແຮງ, ມີການລ່ວງລະເມີດສິດທິມະນຸດ, ມີການສໍ້ລາດບັງຫຼວງໃນຂະແຫນງການຂອງລັດ ແລະ ເອກະຊົນ, ອັດຕາການຕາຍຂອງແມ່ ແລະ ການຂາດສານອາຫານແມ່ນຍັງສູງ, ມີການເວນຄືນທີ່ດິນ, ບັງຄັບໃຫ້ປະຊາຊົນໃຫ້ຍົກຍ້າຍຖິ່ນຖານ ແລະ ກໍ່ມີຄວາມຂັດແຍ່ງກັບປະເທດເພື່ອບ້ານ ເນື່ອງຈາກບັນຫາການສ້າງເຄື່ອນໄຟຟ້າໃນແມ່ນຳ້ຂອງ.4 ສິ່ງທີ່ກ່າວມານັ້ນແມ່ນຕິດພັນກັບບັນຫາທີ່ຈະພາໃຫ້ເກີດຄວາມທຸກຍາກໃນຮູບແບບໃຫ່ມ ແລະ ສ້າງຊື່ສຽງໃນທາງລົບໃຫ້ແກ່ປະເທດຊາດ. Continue reading “ສປປ ລາວ ໃນປີ 2016: ການພັດທະນາແບບຍືນຍົງ ແລະ ວຽກງານຂອງທ່ານ ສົມບັດ ສົມພອນ”

ເຊີນເຂົ້າຮ່ວມ ການແຂ່ງຂັນ ຂຽນບົດນິພັນ ຂອງພວກເຮົາ!

Logo-Sombath InitiativeThe Sombath Initiative ​ສະ​ຫນັບ​ສະ​ຫນຸນ​ການ​ແຂ່ງ​ຂັນ​ຂຽນບົດນິພັນກ່ຽວ​ກັບ​ປະເດັນຕ່າໆ ໃນ​ປະ​ເທດ​ລາວ​. ທ່ານຈະອາ​ຍຸເທົ່າໃດ​​ ຫລື ຈະ​ເປັນຊົນ​ຊາດໃດກໍ່ສາ​ມາດ ​ເຂົ້າຮ່ວມໄດ້​, ແຕ່​​ພວກເຮົາ​ຊຸກ​ຍູ້​ຊາວ​ຫນຸ່ມ​ລາວ​ໃຫ້ເຂົ້າຮ່ວມໂດຍ​ສະ​ເພາະ​​​.

ບົດນິພັນຄວນ​ກ່ຽວ​ກັບຫົວ​ຂໍ້​ໃດ​ຫນຶ່ງ​​ດັ່ງ​ຕໍ່​ໄປ​ນີ້ (ກະ​ລຸ​ນາ​ເລືອກ​ເອົາ​ຫນຶ່ງ​ໃນ​ຫົວ​ຂໍ້​ນີ້ເທົ່ານັ້ນ​)​:

  • ການ​ພັດ​ທະ​ນາ​ແບບ​ຍືນ​ຍົງ​ໃນ​ປະ​ເທດ​ລາວ
  • ຊາວ​ຫນຸ່ມ​ແລະ​ການ​ສຶກ​ສາ​ໃນ​ປະ​ເທດ​ລາວ
  • ປະຊາສັງຄົມໃນ​ປະ​ເທດລາວ

ບົດຂຽນ​ຄວນ​​ເປັນພາ​ສາລາວ​ ຫຼື​ ພາ​ສາ​ອັງ​ກິດ​, ແລະ​ໃນ​ລະ​ຫວ່າງ 500 ຫາ 1,000 ຄຳ (ປະ​ມານ 2-3 ຫນ້າ​).

ສາມ (3) ລາງ​ວັນ​ຈະ​ໄດ້ມອບໃຫ້ແກ່​ ທັງ​ບົດນິພັນພາສາລາວ ​ແລະ ​ພາສາອັງ​ກິດ (ທັງ​ຫມົດ​ຫົກ (6) ​ລາງ​ວັນ​)​:

  • $300 ສຳລັບ​ລາງ​ວັນ​ທີໜຶ່ງ
  • $200 ສຳລັບ​ລາງ​ວັນ​ທີສອງ
  • $100 ສຳລັບ​ລາງ​ວັນ​ທີ​ສາມ

Sombath-Bambooອີງ​ຕາມ​ປັດ​ຊະ​ຍາ​ຂອງ​ ທ່ານ ສົມ​ບັດ ​ສົມ​ພອນ​, ບົດນິພັນ ທີ່ສ້າງສັນ ເປັນ​ທາງ​ບວກ ​ແລະ ​ບັນ​ດານ​ໃຈ​ຈະ​ໄດ້ບຸລິມະສິດເໜຶອບົດ​ທີ່​ມີ​ຄວາມ​ວິຈານ ​ຫຼື ​ເປັນທາງ​ລົບ​.

ບົດນິພັນ ຊະ​ນະ​ຈະ​ໄດ້​ຮັບ​ການ​ຈັດ​ພີມ​ໃນ​ເວັບ​ໄຊທ໌ Sombath.org​, ເຟ​ສ​ບຸກ​ ແລະ ​ກູ​ໂກລ. ​ຖ້າ​ຫາກ​ວ່າ​​ ຜູ້ແຂ່ງ​ຂັນ​​ບໍ່ຢາກປະກາດຕົວ, ຊື່​ຂອງ​ທ່ານຈະຖືກຍົກເວັ້ນເມຶ່ອຈັດພິມ​.

ທ່ານຄວນສົ່ງ​ບົດນິພັນໄປສູ່ [email protected] ກ່ອນ​ເດືອນ​ມັງ​ກອນ 31​, 2016. ຜູ້​ທີ່​ຊະ​ນະ​ຈະ​ໄດ້​ຮັບ​ແຈ້ງ​ການທາງ​ອີ​ເມລ໌.

 ຂໍ​ຂອບ​ໃຈທຸກ​ທ່ານ​, ແລະ​ພວກ​ເຮົາ​ຫວັງ​ວ່າ​ຈະ​ໄດ້​ຍິນຄວາມ​ຄິດ​ຂອງ​ທ່ານ​!