rsbtws, Author at Sombath Somphone | ສົມບັດ ສົມພອນ

January 18, 2014December 26, 2015

ສະພາເອີຣົບ….

ສະແດງຄວາມເປັນກັງວົງຢ່າງເລິກເຊິ່ງຕໍ່ການຫາຍຕົວໄປ, ຄວາມປອດໄພ ແລະ ການເປັນຢູ່ຂອງສົມບັດ ສົມພອນ;

ຮຽກຮ້ອງໃຫ້ເຈົ້າໜ້າທີ່ລາວດຳເນີນການສືບສວນສອບສວນຢ່າງຮີບດ່ວນ, ໂປ່ງໃສ, ທົ່ວເຖິງ ໂດຍສອດຄ່ອງກັບພາລະໜ້າທີ່ຂອງຕົນພາຍໃຕ້ກົດໝາຍສິດທິມະນຸດລະຫວ່າງປະເທດຢ່າງເຕັມທີ່, ໃຫ້ຄວາມຮ່ວມມືກັບໜ່ວຍງານຂອງສະຫະປະຊາຊາດ ເຊັ່ນ ຄະນະເຮັດວຽກກ່ຽວກັບການບັງຄັບຫຼືການເຮັດໃຫ້ສູນຫາຍຕົວບໍ່ສະໝັກໃຈ ແລະ ເພື່ອຮັບປະກັນວ່າສົມບັດ ສົມພອນຈະໄດ້ກັບຄືນຫາຄອບຄົວຢ່າງປອດໄພ ແລະ ໂດຍດ່ວນ;

ສືບຕໍ່ຮຽກຮ້ອງຕໍ່ຜູ້ແທນ/ຮອງປະທານຂັ້ນສູງ ຂອງຄະນະກຳມະການໃນການກວດສອບລັດຖະບານລາວຢ່າງໃກ້ຊິດກ່ຽວກັບການສືບສວນສອບສວນກໍລະນີການຫາຍຕົວໄປຂອງສົມບັດ ສົມພອນ;

ເນັ້ນຢໍ້າວ່າເຈົ້າໜ້າທີ່ລາວຄວນດຳເນີນການທຸກຂັ້ນຕອນທີ່ຈຳເປັນທັງໝົດເພື່ອຍຸດຕິການຈັດບກຸມໂດຍພະລະການ ແລະ ການຄຸມຂັງແບບປິດລັບ; ຮຽກຮ້ອງໃຫ້ທາງການລາວໃຫ້ສັດຕະຍາບັນຕໍ່ອະນຸສັນຍາລະຫວ່າງປະເທດວ່າດ້ວຍການຄຸ້ມຄົງບຸກຄົນທຸກຄົນຈາກການບັງຄັບໃຫ້ຫາຍສາບສູນ;

ຮຽກຮ້ອງໃຫ້ລັດຖະບານລາວເຄົາລົບຕໍ່ສິດເສລີພາບໃນການສະແດງອອກ ແລະ ການສະມາຄົມ ແລະ ສິດທິຂອງຊົນເຜົ່ານ້ອຍ, ແລະ ເພື່ອປົກປ້ອງສິດທິເສລີພາບໃນການນັບຖືສາສະໜາ ຫຼື ຄວາມເຊື່ອ;

ເອກະສານສະບັບເຕັມທີ່ຮັບຮອງໂດຍສະພາເອີຣົບ ໃນເມື່ອວັນທີ 16 ມັງກອນ 2014, ສາມາດອ່ານໄດ້ທີ່ນີ້.

January 11, 2014December 29, 2015

ອົງການສິດທິມະນຸດແຫ່ງອາຊຽນຍັງຄົງມິດງຽບ

ສຳນັກເລຂາທິການຂອງອາຊຽນໄດ້ສະໜັບໜູນຄະນະກຳມະການລະຫວ່າງລັດຖະບານອາຊຽນທີ່ມີອາຍຸໄດ້ 4 ປີ ທາງດ້ານສິດທິມະນຸດ. ກຸ່ມດັ່ງກ່າວປາກົດວ່າບໍ່ໄດ້ສະແດງຄວາມເປັນກັງວົນຕໍ່ເຫດການການລ່ວງລະເມີດສິດທິມະນຸດທີ່ເກີດຂື້ນພາກພື້ນ ທີ່ນັບຄັ້ງບໍ່ຖ້ວນ. ຄວາມຜິດທີ່ຮ້າຍແຮງ ແລະ ໂຈ່ງແຈ້ງທີ່ສຸດແມ່ນຕໍ່ກັບເຫດການການລັກພາຕົວສົມບັດ ສົມພອນ ເຊິ່ງເປັນກໍລະນີຕົວຢ່າງທີ່ດີສຳລັບກຸ່ມອາຊຽນທີ່ຈະໃຫ້ຄວາມສຳຄັນ ແລະ ນຳໄປສູ່ການຕັດສິນໃຈ.

From Bangkok Post editorial “Sombath Case Needs Pressure” on 17 December 2013

January 2, 2014July 28, 2015

ທູດລາວຊີ້ແຈງຕໍ່ການກ່າວຫາເພີ່ມຕື່ມກໍລະນີ ທ. ສົມບັດ ສົມພອນ

ລາວພັດທະນາ: 02 ມັງກອນ 2014

ໃນວັນທີ 31 ທັນວາ 2013 ນີ້ ທ່ານ ທອງຜ່ານ ສະຫວັນເພັດ, ເອກອັກຄະ ລັດຖະທູດ ວິສາມັນຜູ້ມີອໍານາດເຕັມ, ຜູ້ ຕາງຫນ້າ ຖາວອນແຫ່ງ ສປປ ລາວ ປະ ຈຳຫ້ອງການສະຫະປະຊາຊາດ ທີ່ ເຊີແນວ ໄດ້ໃຫ້ການຊີ້ແຈງເພີ່ມເຕີມຕໍ່ ກັບຂໍ້ມູນ ກ່າວຫາໃຫມ່ທີ່ ພົວພັນກັບການຫາຍຕົວໄປຂອງ ທ. ສົມ ບັດ ສົມພອນ ເຊິ່ງຍົກຂຶ້ນ ໂດຍຜູ້ລາຍງານພິເສດ ດ້ານສິດທິມະນຸດ ສປຊ.

ອີງຕາມການກ່າວຫາທີ່ວ່າ ພາຍຫລັງ ທ. ສົມບັດ ສົມພອນ ຫາຍຕົວໄປ ໃນວັນທີ 15 ທັນວາ 2012 ແລະ ສອງ-ສາມ ວັນຕໍ່ມາ ໄດ້ມີຄົນພົບເຫັນ ທ. ສົມບັດ ສົມພອນ ແລະ ລົດຂອງຜູ້ກ່ຽວຢູ່ຄ້າຍຕໍາຫລວດເເຫ່ງໜຶ່ງ; ຫລັງຈາກນັ້ນ ສອງວັນຕໍ່ມາ, ມີລາຍງານວ່າຜູ້ກ່ຽວໄດ້ຖືກຍ້າຍຕົວ ໄປຍັງຄ້າຍທະຫານແຫ່ງຫນຶ່ງ ຢູ່ນອກຕົວເມືອງວຽງຈັນ; ແລະ ອີກອາທິດຫນຶ່ງ ຕໍ່ມາກໍໄດ້ຖືກຍ້າຍຕົວ ໄປຍັງສະຖານທີ່ແຫ່ງ ອື່ນອີກທີ່ບໍ່ຊາບສະຖານທີ່. ຕໍ່ຄຳກ່າວຫາດັ່ງກ່າວ, ຂ້າພະເຈົ້າ ຂໍຢືນຢັນວ່າ ຂ່າວ ດັ່ງກ່າວບໍ່ມີມູນຄວາມຈິງ, ເນື່ອງຈາກວ່າ ພາຍຫລັງໄດ້ຮັບແຈ້ງການຫາຍຕົວໄປຂອງ ທ. ສົມບັດ ສົມພອນ, ເຈົ້າຫນ້າທີ່ກ່ຽວ ຂ້ອງໄດ້ແຈ້ງໄປຍັງກອງບັນຊາການຕໍາຫລວດ ທົ່ວປະເທດ ຜ່ານທາງໂທລະສັບ ໃນວັນທີ 17 ທັນວາ 2012 ແລະ ໂດຍລາຍ ລັກອັກສອນໃນວັນທີ 18 ມັງກອນ 2013 ເພື່ອ ໃຫ້ຊອກຫາຕົວຂອງ ທ. ສົມບັດ ສົມພອນ ແລະ ກອງບັນຊາການເຫລົ່ານັ້ນ ໄດ້ລາຍງານຄືນມາວ່າບໍ່ໄດ້ພົບເຫັນຜູ້ກ່ຽວແຕ່ຢ່າງໃດ.

ຕໍ່ກັບລາຍລະອຽດຂອງການສືບສວນ-ສອບສວນ, ຂ້າພະເຈົ້າ ຢືນຢັນວ່າ ໃນໄລຍະຜ່ານມາເຈົ້າຫນ້າທີ່ໄດ້ທຳການ ສືບສວນ-ສອບສວນຢ່າງເອົາຈິງເອົາຈັງ ແລະ ສາມາດເກັບກຳຂໍ້ມູນຈໍານວນໜຶ່ງ ທີ່ອາດກ່ຽວຂ້ອງກັບການຫາຍຕົວໄປ ຂອງ ທ. ສົມບັດ ສົມພອນ ພ້ອມທັງໄດ້ແຈ້ງຜົນຂອງການສືບສວນ-ສອບສວນ ໃຫ້ສື່ມວນຊົນ ແລະ ຜູ້ທີ່ມີຄວາມສົນໃຈ ຊາບຜ່ານ ມາແລ້ວ 3 ຄັ້ງ. ປັດຈຸບັນ, ເຈົ້າຫນ້າທີ່ກ່ຽວຂ້ອງຍັງສືບຕໍ່ດຳເນີນການສືບສວນ-ສອບສວນຢ່າງຈິງຈັງ. ຕໍ່ກັບການຂໍຕິດເຈ້ຍ ປະກາດຊອກຫາຄົນຫາຍສາບສູນ, ເຈົ້າຫນ້າທີ່ກ່ຽວຂ້ອງໄດ້ແຈ້ງໃຫ້ນາງ ອຶງ ຊຸຍມິງ ຊາບວ່າ ການຕິດເຈ້ຍປະກາດຕາມສະ ຖານທີ່ສາທາລະນະໃນຕົວເມືອງວຽງຈັນ ແມ່ນຕ້ອງປະຕິບັດຕາມຄຳສັ່ງຂອງເຈົ້າຄອງ ນະຄອນຫລວງວຽງຈັນ ເຊິ່ງໄດ້ກຳນົດ ວ່າ ບຸກຄົນໃດທີ່ມີຄວາມປະສົງຢາກຕິດເຈ້ຍປະກາດ ຈະຕ້ອງໄປຜ່ານ ພາກສ່ວນກ່ຽວຂ້ອງ ຂອງນະຄອນຫລວງ ເພື່ອຮັບປະ ກັນຄວາມສວຍງາມ ແລະ ຄວາມສະອາດຂອງຕົວເມືອງ. ນອກນັ້ນ, ເຈົ້າຫນ້າທີ່ກ່ຽວ ຂ້ອງຍັງໄດ້ແຈ້ງໃຫ້ ນ. ອຶງ ຊຸຍມິງ ຊາບ ຕື່ມອີກວ່າ ຜູ້ກ່ຽວສາມາດລົງປະກາດ ຜ່ານສື່ຕ່າງໆໄດ້ ແລະ ຜ່ານມາຜູ້ກ່ຽວກໍໄດ້ລົງປະກາດໃນຫນັງສືພິມ ແລະ ສື່ອື່ນໆຫລາຍ ຄັ້ງແລ້ວ.

ຕໍ່ກັບຂໍ້ມູນການລົງໂທດຜູ້ກະທຳຜິດ, ຂ້າພະເຈົ້າຂໍແຈ້ງໃຫ້ທ່ານຊາບວ່າ ປະຈຸບັນເຈົ້າຫນ້າທີ່ພວມສືບຕໍ່ສືບສວນ- ສອບສວນ ກ່ຽວກັບການຫາຍຕົວໄປຂອງ ທ. ສົມບັດ ສົມພອນ, ຖ້າຫາກພົບ ເຫັນຜູ້ກະທຳຜິດ ແມ່ນຜູ້ກ່ຽວຈະຖືກ ລົງໂທດ ຕາມລະບຽບກົດຫມາຍ.

December 19, 2013May 8, 2018

ຈົດຫມາຍ ສົ່ງໃຫ້ສົມບັດ…

ເຖິງບັນດາໝູ່ເພື່ອນ,

ໃນຂະນະທີ່ຫຼາຍຄົນເລືອກທີ່ຈະມິດງຽບກ່ຽວກັບກໍລະນີສົມບັດ ໃນຕອນນີ້, ມີອີກຫຼາຍໆຄົນທີ່ດີ້ນຮົນເພື່ອຈະຮັກສາສຽງ ແລະ ວິໄສທັດຂອງລາວທີ່ມີຕໍ່ເພື່ອນຮ່ວມຊາດ ແລະ ປະເທດຂອງລາວໃຫ້ຍັງຄົງຢູ່. ເພື່ອເອື້ອອຳນວຍຄວາມສະດວກໃຫ້ແກ່ຄວາມພະຍາຍາມດັ່ງກ່າວ ຂ້າພະເຈົ້າຂໍເຊີນຊວນບັນດາໝູ່ເພື່ອນ ແລະ ເພື່ອນຮ່ວມງານໃຫ້ຂຽນຈົດໝາຍຫາສົມບັດ.

ຈົດໝາຍທີ່ວ່ານີ້ ອາດຈະເປັນການຂຽນກ່ຽວກັບສົມບັດ, ກ່ຽວກັບວຽກງານຂອງລາວ, ຫຼື ກ່ຽວກັບວິທີການປະຕິບັດ, ແນວຄວາມຄິດ ແລະ ອຸດົມການຂອງລາວ. ທ່ານສາມາດຂຽນເປັນພາສາໃດກໍໄດ້ ແຕ່ຖ້າເປັນພາສາລາວ ຫຼື ພາສາອັງກິດກໍຍິ່ງເປັນການດີ ບໍ່ຈຳກັດຄວາມຍາວ ແນະນຳວ່າບໍ່ເກີນຫ້າຮ້ອຍຄຳ.

ຈົດໝາຍຄວນຂຽນສະທ້ອນໃຫ້ເຫັນແນວທາງການເຮັດວຽກຂອງສົມບັດ ເຊັ່ນ: ຂໍ້ຄວາມໃນທາງບວກ ແລະ ເປັນຫ່ວງເປັນໄຍ ແທນທີ່ຈະເປັນຂໍ້ຄວາມໃນທາງລົບ ຫຼື ເປັນການກ່າວຫາ. ພວກເຮົາຍິນດີຮັບຄຳແນະນຳ ແຕ່ຄວນເປັນຄຳເວົ້າໃນທາງສ້າງສັນ ແລະ ມີຄວາມເປັນໄປໄດ້.

ກະລຸນາລົງຊື່ຂອງທ່ານໃນຈົດໝາຍ ເພາະບໍ່ດັ່ງນັ້ນຈົດໝາຍຂອງທ່ານຈະບໍ່ຖືກນຳເອົາໄປໃຊ້. ພວກເຮົາຈະຄັດເລືອກຈົດໝາຍເພື່ອໂພສລົງໃນເວບໄຊທ໌ ແລະ/ຫຼື ເຟສບຸກ The Sombath Initiative.

ສິ່ງສຳຄັນທີ່ສຸດ ຂໍຄວາມກະລຸນາຈາກທ່ານໃຫ້ຂຽນຈົດໝາຍຫາສົມບັດໂດຍກົງ ເພື່ອເປັນການຮັກສາສຽງຂອງລາວ ບໍ່ແມ່ນເພື່ອເປັນການໂຄສະນາຕົນເອງ ຫຼື ສົ່ງເສີມຍຸແຍ່ໃຫ້ເກີດການໂຕ້ຖຽງ.

ກະລຸນາສົ່ງຈົດໝາຍໄປທີ່ [email protected]. ຂໍຂອບໃຈ ແລະ ຂ້າພະເຈົ້າຫວັງວ່າຈະໄດ້ຮັບຈົດໝາຍຈາກທ່ານ.

ອຶງ ຊຸຍມິງ

December 16, 2013December 26, 2015

ສະຫະຣັດຖແລງຄົບຮອບ 1 ປີ ທ.ສົມບັດ

ວິທະຍຸເອເຊຍເສຣີ: 16 ທັນວາ 2013

ຣັຖມົນຕຣີ ການຕ່າງປະເທດ ສະຫະຣັຖ ອະເມຣິກາ ທ່ານ John Kerry US States department — ຣັຖມົນຕຣີ ການຕ່າງປະເທດ ສະຫະຣັຖ ອະເມຣິກາ ທ່ານ John Kerry: US States department

ທ. John Kerry ຣັຖມົນຕຣີການຕ່າງປະເທດ ສະຫະຣັຖອະເມຣິກາ ອອກຖ້ອຍແຖລງເນື່ອງໃນວັນ ຄົບຮອບນຶ່ງປີຂອງ ການຫາຍສາບສູນ ຂອງ ທ່ານ ສົມບັດ ສົມພອນ ນັກພັທນາຊຸມຊົນລາວຊຶ່ງມີໃຈຄວາມ ສຳຄັນວ່າ:

“ສະຫະຣັຖ ຍັງມີຄວາມເປັນຫ່ວງ ຢ່າງເລິກຊຶ້ງ ນໍາຊາຕາກັມຂອງ ທ່ານ ສົມບັດ ສົມພອນ. ເຮົາຂໍສົ່ງ ຄວາມເປັນຫ່ວງແລະແຮງໃຈໄປ ຍັງຄອບຄົວຂອງ ທ່ານ ສົມບັດ ເພື່ອນມິດຂອງທ່ານແລະທຸກຄົນ ໃນປະຊາຄົມສາກົນຜູ້ທີ່ມີໃຈສັດທາໃນການນຳພາ ວຽກງານພັທນາ ຊຸມຊົນໂຕຢ່າງຂອງທ່ານ ສົມບັດ ແລະການອຸທິດຕໍ່ປະເທດຊາຕ ຂອງທ່ານ”.

ຖ້ອຍຖແຫລງດັ່ງກ່າວ ລົງຢູ່ໃນເວັບໄຊທ໌ຂອງສະຖານທູດສະຫະຣັຖ ປະຈຳລາວ. ທ່ານແຄຣີ ວ່າສະຫະຣັຖ ຍິນດີນຳຖ້ອຍຖແລງຂອງທ່ານ ຈູມມາລີ ໄຊຍະສອນ ປະທານປະເທດ ສປປ ລາວ ທີ່ເວົ້າວ່າ ຣັຖບານລາວມີ ຄວາມເປັນຫ່ວງຫລາຍ ກ່ຽວກັບການຫາຍສາບສູນ ຂອງທ່ານ ສົມບັດ ແລະວ່າ ຈະສືບຕໍ່ທໍາການສືບສວນ ແລະເອົາມາຕການ ທີ່ຈຳເປັນເພື່ອແກ້ໄຂ ກໍຣະນີດັ່ງກ່າວ.

ສະຫະຣັຖຫວັງວ່າຈະໄດ້ຮັບຟັງຜົນຂອງການສືບສວນຢ່າງຄົບຖ້ວນ, ຣະອຽດຖີ້ຖ້ວນ ແລະໂປ່ງໄສ. ສະຫະຣັຖ ຖືສຳຄັນການເປັນຄູ່ພາຄີກັບ ລາວໃນຫລາຍໆບັນຫາຮ່ວມທັງ ການເກັບກູ້ລະເບີດ, ສາທາຣະນະສຸຂ, ການສຶກສາ, ການຕໍ່ຕ້ານການຄ້າມະນຸດ, ສິ່ງແວດລ້ອມ, ການປະຕິ ຮູບ ກົດໝາຍຍຸຕິທັມ, ຕໍ່ຕ້ານຢາເສບຕິດ, ການຄ້າ, ແລະການຊອກຄົ້ນຫາ ຊາກກະດູກຂອງທະຫານ ອະເມຣິກັນ ທີ່ຫາຍສາບສູນ ໃນລາວ ປາງສົງຄາມ, ທ່ານກ່າວອີກ ວ່າສະຫະຣັຖຢາກຈະເຮັດວຽກແບບສ້າງສັນຮ່ວມກັບລາວເພື່ອປົກປ້ອງສິດທິມະນຸດແລະສົ່ງເສີມຣະບຽບກົດໝາຍ.

ທ້າຍສຸດ ທ່ານ ແຄຣີ ກ່າວວ່າເມື່ອຫລາຍປີມໍ່ໆມານີ້ ສປປລາວໄດ້ເອົາບາດກ້າວໃນການເປັນຄູ່ຮ່ວມຮັບຜິດຊອບ ຢູ່ໃນປະຊາຄົມປະຊາຊາຕ. ທ່ານວ່າ ການລັກພາໂຕ ຂອງທ່ານ ສົມບັດນາບຂູ່ຕໍ່ຄວາມພຍາຍາມທີ່ ລາວໄດ້ປະຕິບັດມາ. ສະຫະຣັຖ ຂໍຮຽກຮ້ອງມາຍັງ ຣັຖບານລາວ ເອົາມາຕການອັນຄວນທຸກຢ່າງ ເພື່ອນໍາເອົາທ່ານ ສົມບັດ ກັບຄືນມາໃຫ້ຄອບຄົວ.

December 16, 2013December 26, 2015

ສະຫະລັດ 'ມີຄວາມກັງວົນທີ່ສຸດ' ຕໍ່ຊະຕາຊີວິດຂອງ ນັກພັດທະນາຄົນລາວ

Al Jazeera: 16 ທັນວາ 2013

ສົມບັດ ສົມພອນ ຖືກລັກພາຕົວຈາກປ້ອມຕຳຫຼວດເມື່ອໜຶ່ງປີຜ່ານມາ, ແຕ່ລັດຖະບານລາວປິດງຽບຕໍ່ເຫດການດັ່ງກ່າວ.

Sombath Somphone — The US said diplomats raised Somphone’s abduction case with Lao president following a donor meeting [AP]

ສະຫະລັດອາເມລິກາໄດ້ກ່າວໄວ້ວ່າ ເປັນເລື່ອງທີ່ “ໜ້າກັງວົນໃຈທີ່ສຸດ” ທີ່ຍັງບໍ່ມີຂ່າວຄາວໃດໆ ກ່ຽວກັບຊະຕາກຳຂອງນັກພັດທະນາສັງຄົມຜູ້ໂດດເດັ່ນ ຫຼັງຈາກທີ່ຖືກລັກພາຕົວໄປຈາກປ້ອມຕຳຫຼວດໃນນະຄອນຫຼວງວຽງຈັນ.

ເຫດການລັກພາຕົວສົມບັດ ສົມພອນ, ອາຍຸ 61 ປີ, ທີ່ຖະໜົນສີ່ແຍກໃນນະຄອນຫຼວງຂອງປະເທດລາວ ເມື່ອວັນທີ 15 ທັນວາຂອງປີທີ່ຜ່ານມາ ໄດ້ຖືກບັນທຶກໄວ້ໃນກ້ອງວົງຈອນປິດຂອງລັດຖະບານ

ເຖິງວ່າຈະມີການຮຽກຮ້ອງຈາກລັດຖະບານປະເທດຕ່າງໆ ແລະ ບັນດາກຸ່ມສິດທິມະນຸດ ເພື່ອໃຫ້ໄດ້ຂໍ້ມູນກ່ຽວກັບການຫາຍຕົວໄປຂອງສົມບັດ ແຕ່ລັດຖະບານລາວໃນລະບອບຄອມມຸຍນິດຍັງຄົງມິດງຽບກ່ຽວກັບກໍລະນີດັ່ງກ່າວ.

“ປະເທດລາວໃນໄລຍະຫຼາຍປີມານີ້ມີຄວາມກ້າວໜ້າຫຼາຍ ເຫັນວ່າມີຄວາມຮັບຜິດຊອບໃນຖານະເປັນສ່ວນໜຶ່ງຂອງສັງຄົມສາກົນ ແຕ່ການລັກພາຕົວສົມບັດ ເປັນເລືອງທ້າທ້າຍຄວາມກ້າວໜ້າເຫຼົ່ານັ້ນ,” ລັດຖະມົນຕີວ່າການ ກະຊວງການຕ່າງປະເທດສະຫະລັດອາເມລິກາ, ທ່ານຈອນ ແຄຣີ, ກ່າວໄວ້ເມື່ອວັນອາທິດ.

“ພວກເຮົາຮຽກຮ້ອງໃຫ້ລັດຖະບານດຳເນີນການທຸກວິທີທາງທີ່ເປັນໄປໄດ້ ເພື່ອໃຫ້ໝັ້ນໃຈວ່າລາວຈະໄດ້ກັບມາຫາຄອບຄົວຂອງລາວຢ່າງປອດໄພ”

Continue reading “ສະຫະລັດ 'ມີຄວາມກັງວົນທີ່ສຸດ' ຕໍ່ຊະຕາຊີວິດຂອງ ນັກພັດທະນາຄົນລາວ”

December 11, 2013December 29, 2015

ເອມນັສຕີຮຽກຮ້ອງໃຫ້ມີການປະຕິບັດການຮີບດ່ວນ

ອົງການນິລະໂທດກຳສາກົນໄດ້ອອກຈົດໝາຍປະຕິບັດການຮີບດ່ວນ ຮຽກຮ້ອງສະມາຊິກທົ່ວໂລກໃຫ້:

…ຮີບດ່ວນຂຽນເປັນພາສາລາວ, ອັງກິດ ຫຼື ພາສາຂອງຕົນເອງເພື່ອຮຽກຮ້ອງໃຫ້ເຈົ້າໜ້າທີ່ລາວ:

ແຕ່ງຕັ້ງຄະນະກຳມະການອິດສະຫຼະຊຸດໃໝ່ຢ່າງຮີບດ່ວນເພື່ອດຳເນີນການສືບສວນສອບສວນຢ່າງຖີ່ຖ້ວນ ແລະ ເປັນທຳ ກ່ຽວກັບການບັງຄັບບຸກຄົນໃຫ້ຫາຍຕົວໄປ ກໍລະນີສົມບັດ ສົມພອນ ແລະ ສ້າງຄວາມໝັ້ນໃຈວ່າທຸກຂັ້ນຕອນປະຕິບັດແມ່ນເປັນໄປເພື່ອໃຫ້ຮູ້ສະຖານທີ່ ແລະ ນຳຕົວລາວກັບຄືນມາຫາຄອບຄົວຢ່າງປອດໄພໂດຍໄວທີ່ສຸດເທົ່າທີ່ຈະໄວໄດ້ ໂດຍສອດຄ່ອງກັບພັນທະສັນຍາຂອງປະເທດລາວພາຍໃຕ້ກົດໝາຍຂອງສາກົນ;
ກວດສອບໃຫ້ແນ່ໃຈວ່າຄະນະກຳມະການຊຸດໃໝ່ນີ້ ຈະຂໍຄວາມຊ່ວຍເຫຼືອທາງດ້ານເຕັກນິກທີ່ກ່ຽວຂ້ອງກັບຂະບວນການສືບສວນສອບສວນ ທີ່ລວມທັງການແຕ່ງຕັ້ງຜູ້ຊ່ຽວຊານເພື່ອດຳເນີນການວິເຄາະພາບເຫດການການຫາຍຕົວໄປຈາກກ້ອງຈອນປິດດ້ວຍໃນທາງນິຕິ;
ສະໜອງຂໍ້ມູນລາຍລະອຽດຄວາມຄືບໜ້າຂອງຂະບວນການສືບສວນສອບສວນໃຫ້ແກ່ຄອບຄົວຂອງສົມບັດ, ນັກກົດໝາຍ, ແລະ ຄົນອື່ນໆ ທີ່ສົນໃຈ ຢ່າງສະໝໍ່າສະເໝີ

ເອກະສານສະບັດເຕັມສາມາດອ່ານໄດ້ທີ່ນີ້.

November 18, 2013December 26, 2015

ຄຳຖະແຫຼງຂອງອີຢູ (EU) ສຳລັບກອງປະຊຸມໂຕະມົນ

ຄູ່ຮ່ວມງານຕ່າງໆ ຂອງເອີຣົບໄດ້ໃຫ້ຄວາມສຳຄັນກັບເຫດການການຫາຍຕົວໄປຂອງທ່ານ ສົມບັດ ສົມພອນ ທີ່ໄຮ້ຄຳອະທິບາຍ ວ່າເປັນກໍລະນີທີ່ຮ້າຍແຮງ. ພວກຂ້າພະເຈົ້າຂໍສະແດງຄວາມກັງວົນເປັນທີ່ສຸດຕໍ່ຄວາມປອດໄພ ແລະ ຊີວິດການເປັນຢູ່ຂອງລາວ. ຄູ່ຮ່ວມງານຕ່າງໆຂອງເອີຣົບກ່າວເຖິງຄຳຖະແຫຼງຂອງລັດຖະບານສປປ ລາວ ຕໍ່ກັບກໍລະນີດັ່ງກ່າວ ເຊິ່ງບໍ່ພຽງພໍ ແລະ ບໍ່ຄວາມໜ້າເຊື່ອຖື. ພວກຂ້າພະເຈົ້າຮຽກຮ້ອງໃຫ້ລັດຖະບານ ສປປ ລາວ ດຳເນີນການສືບສວນສອບສວນຕໍ່ກໍລະນີດັ່ງກ່າວຢ່າງເລິກເຊິ່ງ ແລະ ໂປ່ງໃສ…

ຈາກ ຄຳຖະແຫຼງຂອງຄູ່ຮ່ວມງານເພື່ອການພັດທະນາຂອງເອີຣົບ ທີ່ກອງປະຊຸມໂຕະມົນ ທີ່ສປປ ລາວ (European Development Partners Statement at Lao PDR’s Round Table Meeting) ວັນທີ 19 ພະຈິກ 2013.

November 5, 2013December 29, 2015

ຄວາມທະເຍີທະຍານຂອງລາວໃນ ສະພາສິດທິມະນຸດ ແຫ່ງສະຫະປະຊາຊາດ

ຈິນຕະນາການເບິ່ງວ່າ ຜູ້ຊາຍຄົນໜຶ່ງຄິດ ແລະ ສົນທະນາກ່ຽວກັບການພັດທະນາໃນປະເທດຂອງຕົນເອງ ຄົນຈຳນວນຫຼາຍຮູ້ຈັກລາວ, ຄົນທົ່ວໄປຢ່າງເຊັ່ນເຈົ້າ ແລະ ຂ້ອຍ.

ຈິນຕະນາການເບິ່ງວ່າລາວເປັນຜູ້ຈັດກອງປະຊຸມພາກປະຊາສັງຄົມຢ່າງໂປ່ງໃສ ແລະ ສັນຕິ ເປີດກວ້າງໃຫ້ທຸກຄົນ ທີ່ລວມທັງລັດຖະບານຂອງລາວເອງ.

ຈິນຕະນາການເບິ່ງວ່າໃນຄືນໜຶ່ງເມື່ອສິບເດືອນກ່ອນ, ລາວໄດ້ຖືກຕຳຫຼວດເອີ້ນໃຫ້ຈອດລົດແລ້ວລາວກໍຫາຍຕົວໄປເລີຍ.

ຈິນຕະນາການເບິ່ງວ່າ ພາບສຸດທ້າຍຂອງລາວຍ່າງລົງຈາກລົດຂອງລາວໄດ້ຖືກບັນທຶກໄວ້ໃນກ້ອງວົງຈອນປິດ ແລະ ຖືກສາຍໃຫ້ຄອບຄົວຂອງລາວເບິ່ງ ແຕ່ວ່າພາບຕົ້ນສະບັບບໍ່ເຄີຍຖືກນຳອອກມາວິເຄາະແຕ່ຢ່າງໃດເລີຍ.

ຈິນຕະນາການເບິ່ງວ່າ ສະມາຊິກສະພາເອີຣົບ ແລະ ຄົນອື່ນໆ ໃນເອີຣົບໄດ້ອອກມາຮຽກຮ້ອງແລ້ວຮຽກຮ້ອງອີກເພື່ອໃຫ້ມີການປ່ອຍຕົວລາວກັບຄືນມາ ແຕ່ກໍບໍ່ໄດ້ຮັບການຕອບຮັບ.

ຈິນຕະນາການເບິ່ງວ່ານັກເຄື່ອນໄຫວດ້ານສິດທິມະນຸດໃນປະເທດອື່ນໆ ຈະມີຄວາມຮູ້ສຶກແນວໃດເມື່ອເຫັນເຫດການນີ້ເກີດຂື້ນ.

ແລະ ລອງຈິນຕະນາການເບິ່ງວ່າປະເທດດັ່ງກ່າວກໍາລັງສະໝັກຕຳແໜ່ງໃນສະພາສິດທິມະນຸດແຫ່ງສະຫະປະຊາຊາດ ໃນອີກບໍ່ດົນ.

ປະເທດທີ່ກ່າວມານັ້ນແມ່ນ ປະເທດລາວ, ແລະ ຜູ້ຊາຍຄົນນັ້ນກໍແມ່ນ ສົມບັດ ສົມພອນ.

ເຄທຣີນ ເດີດີຣຽນ (Katharine Derderian), ເຈົ້າໜ້າທີ່ອົງການນິລະໂທດກຳສາກົນ ດ້ານນະໂຍບາຍຕ່າງປະເທດຂອງສະຫະພາບເອີຣົບ. ສະບັບເຕັມທ່ານສາມາດອ່ານໄດ້ທີ່ນີ້.

October 26, 2013July 28, 2015

ອະນາຄົດຂອງປະເທດລາວ: ພູມມີປະເທດ ທີ່ເປົ່າປ່ຽວ

The Economist: 26 ຕຸລາ 2013

ກຸ່ມກ້ອນການປົກຄອງລຶກລັບ ແລະ ອຳນາດມືດກອບໂກຍທີ່ດິນ ແມ່ນບັນຫາທີ່ແຜ່ກະຈາຍປົກຄຸມ ປະເທດ ທີ່ທຸກຍາກ

ຍົນໂດຍສານແອບັສ A320 ຖືກສັ່ງຜະລິດໂດຍ ພັນເອກ ມວມມາ ກາດດາຟີ (Muammar Quaddafi) ແຕ່ກໍ ໜ້າແປກໃຈທີ່ທ້າຍທີ່ສຸດມັນໄດ້ຕົກມາເປັນຊັບສິນໃນຄອບຄອງຂອງສາຍການບິນລາວ (Lao Airlines). ຖ້ານັ່ງຢູ່ບ່ອນ ນັ່ງຂ້າງປະຕູປ່ອງຢ້ຽມບິນຢູ່ເໜືອປະເທດລາວ ຄົນທີ່ເຂົ້າມາຢ້ຽມຢາມຈະສຳຜັດໄດ້ເຖິງຄວາມອ່ອນແອຂອງ ລັດ ເຊິ່ງຈະເຫັນວ່າການຕັດໄມ້ທຳລາຍປ່າເປັນແລວຍາວໄປຈົນຮອດຊາຍແດນປະເທດຈີນ. ເມື່ອບໍ່ດົນມານີ້ ແລະ ຮ້າຍແຮງທີ່ສຸດ ທີ່ນັກວິທະຍາສາດຈາກມະຫາວິທະຍາໄລລັນດ໌ ແຫ່ງສວີເດັນ ທີ່ໄດ້ເລືອກເອົາປະເທດລາວໃຫ້ ເປັນພື້ນທີ່ທົດລອງເຕັກນິກໃໝ່ໃນການບໍລິຫານຈັດການກິດຈະກຳດ້ານເສດຖະກິດຈາກອາວະກາດ ເຊິ່ງໄດ້ມີ ການເຊື່ອມເຂົ້າກັນລະຫວ່າງຮູບພາບຈາກຈານດາວທຽມໃນຕອນກາງຄືນ ກັບຂໍ້ມູນການນຳໃຊ້ທີ່ດິນ ເຊິ່ງຈະສາ ມາດກະປະມານ ແຕ່ມີຄວາມທ່ຽງກົງໄດ້ຢ່າງໜ້າປະຫຼາດໃຈ ກ່ຽວກັບການປ່ຽນແປງຂອງກິດຈະກຳດ້ານກະຊິກຳ ແລະ ກິດຈະກຳທີ່ບໍ່ແມ່ນດ້ານກະສິກຳ. ສຳລັບປະເທດລາວ ມັນຍັງໝາຍເຖິງການບໍລິຫານຈັດການຜົນກະທົບຂອງ ເງິນຕາປະເທດຈີນ ແລະ ຫວຽດນາມຈາກເທິງອາວະກາດ.

ຢູ່ເທິງພື້ນດິນ ທີ່ແຂວງພາກເໜືອ ກໍຄືແຂວງອຸດົມໄຊ ລົດຈິ໋ບທີ່ບຸກເຂົ້າໄປຕັດຕົ້ນໄມ້ຕາມຮ່ອມພູສ່ວນໃຫຍ່ແມ່ນລົດທີ່ຕິດປ້າຍທະບຽນຈີນ ແລະ ຫວຽດນາມ. ສີ່ເມືອງໃນແຂວງດັ່ງກ່າວແມ່ນຖືວ່າເປັນເມືອງທີ່ເສດຖະກິດຂະຫຍາຍຕົວໄວທີ່ສຸດໃນປະເທດ ອີງຕາມນັກວິໄຈຈາກປະເທດສວີເດັນ (ລັດຖະບານລາວເຊິ່ງເປັນລັດທີ່ຕໍ່ຕ້ານຄວາມຄິດໃໝ່ໆ ໄດ້ສະໜອງຂໍ້ມູນໜ້ອຍທີ່ສຸດ) ການລົງທຶນລ້ວນສຸມໃສ່ດ້ານກະສິກຳປູກຝັງ, ການປູກຢາງພາລາ, ຕະຫຼາດປູກຝັງ ແລະ ພືດທາງເສດຖະກິດ ເຊິ່ງສ່ວນໃຫຍ່ແມ່ນເພື່ອຂົນໄປລ້ຽງຊີບປະຊາກອນຈຳນວນມະຫາສານໃນພາກເໜືອຂອງປະເທດຈີນ. ຜົນຂ້າງຄຽງທີ່ເກີດຂື້ນແມ່ນລວມທັງການສູນເສຍປ່າໄມ້ ແລະ ຄວາມຫຼາກຫຼາຍທາງຊີວະນາໆພັນ, ດິນເຊາະເຈື່ອນຢ່າງຮຸນແຮງ ແລະ ຊາວບ້ານຈຳນວນຫຼວງຫຼາຍໃນແຂວງທີ່ມີຄວາມຫຼາກຫຼາຍທາງດ້ານຊົນເຜົ່າຕ້ອງໄດ້ອົບພະຍົບອອກຈາກທີ່ດິນອາໄສຂອງຕົນເອງ. Continue reading “ອະນາຄົດຂອງປະເທດລາວ: ພູມມີປະເທດ ທີ່ເປົ່າປ່ຽວ”